ភ្លៀងអាស៊ីតបង្កផលប៉ះពាល់ដូចតទៅ ៖
• ភ្លៀងអាស៊ីតធ្វើឲ្យស្លឹករុក្ខជាតិខ្លោចរោលក្លាយជាពណ៌លឿង បន្ទាប់មកងាប់
• ភ្លៀងអាស៊ីតបណ្តុះអាលុយមីញូមពីក្នុងដី នាំឲ្យថយចុះសារធាតុផ្សេងៗទៀតដូចជា ម៉ាញេស្យូម កាល់ស្យូម ។ អាលុយមីញូមបានចូលទៅផ្តុំគ្នានៅក្នុងទឹកស្ទឹង បឹង ទន្លេ និងផ្តុំនៅក្នុងស្រកីត្រីបណ្តាលឲ្យត្រីថប់ដង្ហើមងាប់ ។
• ភ្លៀងអាស៊ីតច្រោះយកកាល់ស្យូមពីដីធ្វើឲ្យបាត់បង់បរិមាណកាល់ស្យូមសម្រាប់រុក្ខជាតិស្រូបយក នាំឲ្យរុក្ខជាតិខ្វះកាល់ស្យូម ចំណែកឯសត្វខ្យងដែលស៊ីរុក្ខជាតិក៏ទៅជាខ្វះកាល់ស្យូមដែរ ធ្វើឲ្យពងរបស់វាមានសំបវកខុសប្រក្រតី ។
• ភ្លៀងអាស៊ីតធ្វើប្រតិកម្មជាមួយសម្ភារៈសំណង់ (ថ្មកំបោរ ថ្មកែវ ឬថ្មម៉ាប) ព្រោះសារធាតុទាំងនេះមានរ៉ែកាល់ស្យូមកាបូណាត ។ លទ្ធផលនៃប្រតិកម្មគីមីរវាងភ្លៀងអាស៊ីតនិង រ៉ែកាល់ស្យូមកាបូណាត នាំឲ្យអគារ និងសំណង់ផ្សេងៗរងនូវកំណូត បន្ទាប់មកក៏បានបាក់បែកខូចខាត ។

កំណើនផលផ្ទះកញ្ចក់ គឺជាបាតុភូតនៃកំណើនសិតុណ្ហភាពនៅក្នុងមណ្ឌលអាកាសរចល់ដែលបណ្តាល មកពីកំណើនកំហាប់ឧស្ម័នផ្ទះកញ្ចាក់ក្នុងមណ្ឌលអាកាសរចល់ដែលធ្វើឲ្យកាំរស្មីក្រហមអាំងបា្រភាយចេញពីផែនដីត្រឡប់ទៅកាន់លំហវិញកាន់តែតិច ។

បានជាកម្រិតនៃកាំរស្មីក្រហមអាំងប្រាដែលភាយចេញពីផ្ទៃផែនដីចូលទៅក្នុងលំហកាន់តែតិចទៅៗព្រោះឧស្ម័នផ្ទះកញ្ចក់នៅក្នុងមណ្ឌលអាកាសរចល់មានកាន់តែច្រើនដែលបានចាប់កាំរស្មីទាំងនេះទុក និងបង្កើតជាកម្តៅកកាន់តែក្តៅជាងមុនដែរ ។

នីវ៉ូសមុទ្រចេះតែកើនឡើងដោយសារតែទឹកមហាសមុទ្រលើពិភពលោកកាន់តែរីកធំ ។ បាតុភូតនេះកើតឡើងដោយសារកំណើនកម្តៅលើផែនដីដែលនាំឲ្យកាតិបទឹកកកនៅតំបន់ប៉ូល និងទឹកកកនៅតំបន់ភ្នំខ្ពស់ៗរលាយ ។

កំណើនកម្តៅពិភពលោកមានឥទ្ធិពល លើរបបអាកាសធាតុដូចជា ៖
• រដូវក្តៅកាន់តែក្តៅ ហើយរដូវរងាកាន់តែត្រជាក់
• រដូវត្រជាក់អាចខ្លី ជាងមុនតែក្តៅកាន់តែវែង
• នៅតំបន់រយៈទទឹងឆ្ងាយពីអេក្វាទ័រនឹងមានភ្លៀងធ្លាក់ច្រើនជាងធម្មតានៅសរទរដូវ និងសិសិរដូវ ប៉ុន្តែនៅហេមន្តរដូវនិងនិទាឃរដូវមានសភាពស្ងួតជាងធម្មតា ។
• នៅតំបន់ត្រូពិចអាចមានភ្លៀងធ្លាក់ច្រើនជាងមុនហើយទឹកភ្លៀងអាចថយចុះនៅតំបន់ក្បែរត្រូពិច ។
• កំណើនរំហួតទឹកអាចធ្វើឲ្យតំបន់ជាច្រើនស្ងួតជាងមុន
• ធ្វើឲ្យកំណើនមានព្យុះកាន់តែញឹកញាប់ ។