ពន្យល់ពីផលផ្ទះកញ្ចក់ដែលធ្វើឲ្យផែនដីមានកម្តៅ ៖ ក្នុងមណ្ឌលអាកាសរចល់ ឧស្ម័នផ្ទះកញ្ចក់ដែលមានវត្តមានដោយធម្មជាតិស្រូបយកកម្មរស្មីក្រហមអាំងប្រាមួយភាគដែលភាយចេញពីដី ហើយបញ្ចេញកម្តៅ ជាហេតុនាំឲ្យកើនកម្តៅនៅក្នុងមណ្ឌលអាកាសរចល់ ហើយទីបំផុតផ្ទៃផែនដីក៏ទទួលកម្តៅនេះបន្ត និងកើនកម្តៅដែរ ។

ទស្សនៈវិស័យក្នុងការទាញថាមពលមកប្រើប្រាស់តាមរយៈការរលាយនុយក្លេអ៊ែគឺអាចសម្រេចបានព្រោះ ៖ អ្នកវិទ្យាសាស្រ្តបានរកឃើញ ទម្រង់អ៊ីដ្រូសែននៅក្នុងទឹកសមុទ្រដែលអាខគ្រប់គ្រាន់សម្រាប់ប្រតិកម្មរលាយនុយក្លេអ៊ែ ។ ប៉ុន្តែបញ្ហាដែលចោទឡើងគឺថាដើម្បីឲ្យស្នូលអ៊ិដ្រូសែនចូលគ្នាត្រូវប្រើកម្តៅខ្លាំងដែលមានសីតុណ្ហភាពរាប់លានអង្សាសេ (ប្រហែល ១០០,០០០,០០០,អង្សាសេ) ។ ដោយសារសីតុណ្ហភាពខ្ពស់នេះពិបាករក និងពិបាកដល់សុវត្ថិភាពលើផែនដី ទើបអ្នកវិទ្យាសាស្រ្តត្រូវស្វែងរកមធ្យោបាយដើម្បីទប់ទល់ទៅនឹងប្រតិកម្មកម្តៅ ។ អ្នកវិទ្យាសាស្រ្តសង្ឃឹមថានឹងកសាងបាននូវតម្លៃប្រសិទ្ធភាពនៃរោងចក្ររលាយនុយក្លេអ៊ែនៅឆ្នាំ ២០៣០ ។

ការផលិតថាមពលពីខ្យល់ផ្តល់ផលវិបាក និងគុណសម្បត្តិ ៖
• ផលវិបាក ៖ បង្កឲ្យមានការរំខានដោយសូរស័ព្ទនៅពេលដែលមានខ្យល់បក់ខ្លាំងនាំឲ្យស្លាបកង្ហារបញ្ចេញសម្លេងកងរំពង ហើយវាក៏អាចរំខានដល់ប្រព័ន្ធគមនាគមន៍ដែលប្រើរលកធាតុអាកាសតូចៗ ។
• គុណសម្បត្តិ ៖ ផ្តល់ថាមពលគ្មានពេលកំណត់គឺទទួលបានជាប្រចាំ និងផ្តល់នូវថាមពលដែលមានតម្លៃថោក និងមិនប៉ះពាល់ដល់បរិស្ថាន ។

និយាយពីគុណសម្បត្តិ និងគុណវិបត្តិនៃការសង់ទំនប់វារីអគ្គិសនី ៖
• គុណសម្បត្តិ ៖ ថាមពលស្អាត ( មិនបំពុលអាកាស និងមិនផលិតសំណល់ពុលប្រ ) ផ្តល់នូវថាមពលដែលមានតម្លៃថោកនិងមានសមត្ថភាពផលិតអគ្គិសនីបានច្រើន ផ្តល់ទឹកប្រើសម្រាប់កសិកម្ម និងជាតំបន់ទេសចរដ៏ទាក់ទាញ ។
• គុណវិបត្តិ ៖ ធ្វើឲ្យជនលិចផ្នែកខាងលើទំនប់កណ្តាលឲ្យខូចស្ថានប្រព័ន្ធ នាំអាសូតពីទីខ្ពស់នាំឲ្យប៉ះពាល់ដល់ភាវៈរស់ក្នុងទឹកជាពិសេសត្រី បង្កឲ្យមានចម្រោះដីតាមខ្សែទឹក និងធ្វើឲ្យបាត់បង់តុល្យភាពទឹកផ្នែកខាងក្រោមទំនប់ ។

ជីវម៉ាស់ គឺជារូបធាតុសរីរាង្គនៃសត្វ និងរុក្ខជាតិ ។
ជីវម៉ាស់មានប្រភពច្រើនដូចជា ឈើ សំណល់ គ្រាប់ធញ្ញជាតិ និងឥន្ធនៈដែលផលិតចេញពីអាល់កុល ។