និយាយពីកំណកំណើតឥន្ធនៈផូស៊ីល ៖ ឥន្ធនៈផូស៊ីលទាំងអស់កើតឡើងពីសាកសពសារពាង្គកាយចាស់ៗដែលកប់នៅក្នុងដី ។ ឥន្ធនៈផូស៊ីលមានប្រភេទផ្សេងៗគ្នាដែលកើតតាមមធ្យោមផ្សេងៗ និងប្រភេទសារើពាង្គកាយផ្សេងៗគ្នា ។
ប្រេងឆៅ និងឧស្ម័នធម្មជាតិ កើតឡើងពីសាកសពនៃសារពាង្គកាយរស់នៅបាតសមុទ្រ ។ នៅពេលសារពាង្គកាយទាំងនេះងាប់ សាកសពរបស់វាធ្លាក់ទៅបាតសមុទ្រ ហើយបំបែកធាតុនិងក្លាយជាផ្នែកមួយនៃកម្ទេចកំណបាតសមុទ្រ ។ អំឡុងពេលដ៏យូរ កម្ទេចកំណបានក្លាយជាសិលាយឺតៗហើយចាប់យកសាកសពបំបែកធាតុទាំងនោះ ។ ឆ្លងតាមការប្រែបួ្រលគីមីរាប់លានឆ្នាំក្រោយមកសាកសពទាំងនេះបានក្លាយទៅជាប្រេងឆៅ និងឧស្ម័ន ។ ក្រោយមកសិលាជាច្រើនបានគ្របពីលើសិលាដែលផ្ទុកឥន្ធនៈផូស៊ីលម្តង បន្តិចៗ ។ ក្រោយមកសម្ពាធដែលសង្កត់ពីលើសិលា និងកម្ទេចកំណកាន់តែកើនឡើង ឥន្ធនៈផុស៊ីលបានជ្រាបចូលតតាមស្នាមប្រេះ និងរន្ធនៃសិលា ។ សិលាជ្រាបទឹកបានក្លាយជាអាងស្តុកប្រេងឆៅ និងឧស្ម័នធម្មជាតិ ។
ធ្យូងថ្មកើតឡើងពីរុក្ខជាតិដែលងាប់ និងកប់នៅក្នុងដីកាលពីរាប់លានឆ្នាំមុន ។ នៅពេលរុក្ខជាតិទាំងនោះងាប់ បន្ទាប់មកវាត្រូវបានប្រមូលផ្តុំ ហើយត្រូវបានគ្របដណ្តប់ដោយកម្ទេចកំណ ។ នៅពេលការចាក់បង្គរនៃកម្ទេចកំណកាន់តែកើនឡើងធ្វើឲ្យសារពាង្គកាយរុក្ខជាតិងាប់ទាំងនោះបំបែកធាតុ ហើយវិវត្តន៍ទៅជាធ្យូងថ្ម ។

រាប់ឈ្មោះឥន្ធនៈផូស៊ីលរឹង រាវនិង ឧស្ម័ន ៖
• ឥន្ធនៈផូស៊ីលរឹងគឺ ធ្យូងថ្ម
• ឥន្ធនៈផូស៊ីលរាវគឺ ប្រេងឆៅ
• ឥន្ធនៈផូស៊ីលគឺ ឧស្ម័នធម្មជាតិ។

ប្រេងឆៅដែលបានមកពីឥន្ធនៈផូស៊ីលត្រូវបានបែងចែកជាច្រើនប្រភេទ និងផលិតផលផ្សេងៗទៀតពីក្នុងរោងចក្រស្លប្រេងដូចជា សំាង ម៉ាស៊ូត ប្រេងកាត ប្រេងម៉ាស៊ីន …. ។

អុកស៊ីសែនមានសារៈសំខាន់ចំពោះជិវីតនៅលើផែនដីដូចជា ៖ អុកស៊ីសែនជាតម្រូវការចាំបាច់សម្រាប់ជិវីតនៅលើផែនដី។សារពាង្គកាយមានជិវីតត្រូវការអុកស៊ីសែនសម្រាប់ដកដង្ហើម និងផលិតថាពល ។ អុកស៊ីសែននៅក្នុងបរិយាកាសក្នុង ទម្រង់អូសូនជាខែលការពារកាំរស្មីស្វាយអ៊ុលត្រាមិនឲ្យចូលមកប៉ះជីវីតនៅលើផែនដី ។

វដ្តកាបូនគឺចាប់ផ្តើមពីកាបូនក្នុងបរិយាកាសដែលត្រូវរុក្ខជាតិប្រើប្រាស់ដោយដើម្បីផលិតអាហារហើយអាហារទាំងនោះត្រូវបានភាវៈស្វ័យជីព និងភាវៈបរជីពប្រើប្រាស់ដោយបានបានបញ្ចេញកាបូនឌីអុកស៊ីតតាមដំណកដង្ហើម ហើយនៅពេលសារពាង្គកាយទាំងនេះស្លាប់អ្នកបំបែកបានបំបែកសាកសពទាំងនោះដោយបានបញ្ចេញកាបូនត្រឡប់ចូលទៅក្នុងបរិយាកាសវិញ ។