កាបូនឌីអុកស៊ីតមានគុណសម្បត្តិ និងគុណវិបត្តិដូចជា ៖
• គុណសម្បត្តិ ៖ កាបូនឌីអុកស៊ីតជាសារធាតុចាំបាច់បំផុតសម្រាប់រុក្ខជាតិព្រោះរុក្ខជាតិត្រូវការកាបូនឌីអុកស៊ីតផ្សំជា មួយទឹក រួមជាមួយពន្លឺព្រះអាទិត្យដើម្បីធ្វើរស្មីសំយោគ (ផលិតអាហារ ឬស្ករធម្មជាតិ) ។ ម៉្យាងទៀត ឧស្ម័នកាបូនិចជាឧស្ម័នផ្ទះកញ្ចក់ដ៏សំខាន់មួយដែលចាប់យកកម្តៅនៅក្នុងបរិយាកាស ។ បើគ្មានឧស្ម័នកាបូនិច និងឧស្ម័នផ្ទះកញ្ចក់ផ្សេងទៀតទេ នោះផែនដីនឹងក្លាយជាភពត្រជាក់ ។
• គុណវិបត្តិ ៖ កាបូនឌីអុកស៊ីតជាឧស្ម័នពុល ( បើយើងស្រូបយកឧស្ម័ននេះច្រើន នោះនឹងនាំឲ្យប៉ះពាល់ដល់សុខភាពដូចជា បង្កឲ្យមានជម្ងឺបេះដូង ជម្ងឺសួត …. ) ។ ម៉្យាងទៀតទោះបីជាឧស្ម័នកាបូនិចជាឧស្ម័នផ្ទះកញ្ចក់មួយដ៏សំខាន់ដែលជួយឲ្យផែនដីមានកម្តៅល្មមក៏ដោយ ប៉ុន្តែនៅក្នុងសតវត្សចុងក្រោយនេះសកម្មភាពមនុស្សក្នុងបម្រើបម្រាស់ឥន្ធនៈផូស៊ីលបានធ្វើឲ្យបរិមាណឧស្ម័នកាបូនិចក្នុងបរិយាកាសកើតឡើងដែលជាមូលហេតុនៃកំណើនកម្តៅនៅក្នុងបរិយាកាសផែនដី ។

នៅលើភពផែនដី កាបូនត្រូវបានស្តុកទុកនៅក្នុងកន្លែងជាច្រើនដូចជា ៖
• ម៉ូលេគុលសរីរាង្គនៅក្នុងសារពាង្គកាយរស់ និងស្លាប់ក្នុងមណ្ឌលជីវៈ
• ឧស្ម័នកាបូនឌីអុកស៊ីតនៅក្នុងបរិយាកាស
• អង្គធាតុសរីរាង្គនៅក្នុងដី នៅក្នុងមណ្ឌលសិលាជាឥន្ធនៈផូស៊ីល និងការចាក់បង្គរនៃសិលាកម្ទេចកំណដូចជាថ្មកំបោរ ដី ស
• នៅក្នុងមហាសមុទ្រជាកាបូនឌីអុកស៊ីតរលាយ និងជាកាល់ស្យូមកាបូណាតនៅក្នុងសំបក ឬស្នូកនៃសារពាង្គកាយសមុទ្រ ។

អាសូតមានសារៈសំខាន់ចំពោះសារពាង្គកាយមានជីវីតលើផែនដី គឺថាសារពាង្គកាយមានជីវីតលើផែនដីទាំងអស់ត្រូវការអាសូតដើម្បីផលិតប្រូតេអ៊ីន ។