វដ្តជីវិតរបស់ប្លាស្មូដ្យូមពឹងពាក់លើមជ្ឈដ្ឋានពីរគឺ៖
• ក្នុងសារពាង្គកាយរបស់មូសដែកគោលញី
• ក្នុងសារពាង្គកាយរបស់មនុស្ស។

• សាឌីយ៉ាជាប្រូតូសូអ៊ែមួយប្រភេទមានផ្លាសែលមួយឬច្រើន។ វាប្រើផ្លាសែលសម្រាប់ធ្វើចលនានិងបង្កឱ្យកើតជំងឺសាឌីយ៉ូស ដែលធ្វើឱ្យការរំលាយអាហារនិងថ្លើមមានដំណើរការមិនល្អ។
• វាឆ្លងមកមនុស្សតាមការបរិភោគទឹកមិនស្អាត វាចូលទៅក្នុងសារពាង្គកាយដោយភ្ជាប់ខ្លួនទៅនឹងពោះវៀន ហើយចិញ្ចឹមជីវិត និងបន្តពូជនៅទីនោះ។

អាមីបជាសារពាង្គកាយឯកកោសិកាដែលមានរូបរាងមិនកំណត់ ហើយរស់នៅក្នុងកន្លែងមិនស្អាតដូចជាភក់ ទឹកកខ្វក់ជាដើម។ វាប្រើជើងបញ្ឆោតសម្រាប់ផ្លាស់ទី និងចាប់យកអាហារ អាចរស់នៅក្នុងខ្លួនមនុស្សហើយបង្កជារោគរាកមួល ។ វាឆ្លងមកមនុស្សតាមរយៈការបរិភោគអាហារ ឬផឹកទឹកដែលមានគីស។

បាក់តេរីភាគច្រើនបន្តពូជដោយឥតភេទឬដោយចែកខ្លួនជាពីរ។ មុនដំបូងណ្វៃយ៉ូចែកខ្លួនជាពីរ ។បន្ទាប់មក
ស៊ីតូប្លាសក៍ចែកខ្លួនជាពីរដែរ ហើយទីបញ្ចប់កើតបានជាកោសិកាថ្មីពីរ ដែលកោសិកានីមួយៗបានចម្លងសម្ភារៈតំណពូជយ៉ាងត្រឹមត្រូវពីកោសិកាមេ មានន័យថាកោសិ-កាកូនទាំងពីរមានរូបផ្គុំដូចគ្នា ហើយដូចទៅនឹងកោសិកាមេ។
មានបាក់តេរីខ្លះក៏បន្តពូជដោយភេទដែរ វាបានផ្លាស់ប្តូរ សម្ភារៈតំណពូជគ្នាទៅវិញទៅមក។ បន្ទាប់មកកោសិកានីមួយៗមានសម្ភារៈតំណពូជថ្មីមួយ។