មន្រី្តនគរបាលយុត្តធម៌អាចចាប់ខ្លួនប្រជាជនដែលវាយដុំ បុរសនោះទៅឃុំខ្លួនបានទោះបើពលរដ្ឋទាំងនោះមិនព្រមទទួលស្គាល់ក៌ដោយ ឱ្យតែមានភស្តុតាងបញ្ជាក់ពីសកម្មភាពរបស់ពួកគាត់ អាចជាវីដេអូជាដើម ឬសាក្សីណាមួយដែលស្ថិតក្នុងហេតុការណ៍នោះផ្ទាល់។

មានមូលហេតុមួយចំនួនដែល តុលាការអាចដកហូតសំណុំរឿងពីចៅក្រមស៊ើបសួរបាន ក្នុងនោះរួមមាន៖
-កាលណាសហព័ន្ធ ឬអតីតសហព័ន្ធរបស់ចៅក្រមជាភាគីណាមួយក្នុងរឿងក្តី។
-កាលណាចៅក្រមជាសាច់ញាតិរបស់ភាគីណាមួយ ឬជាអាណាព្យាបាលរបស់ភាគីណាមួយនោះ។
-កាលណាចៅក្រមក្នុងរឿងក្តីកំពុងមានវិវាទនៅតុលាការ។
-កាលណាចៅក្រមជាសាក្សីក្នុងរឿងក្តី ឬធ្លាប់ជាអ្នកតំណាងឱ្យភាគីណាមួយក្នុងរឿងក្តី។

មានករណីខ្លះដែលអ្នកអាចប្តឹងបាន ទោះបីអាជ្ញាយុកាលនៃបទល្មើសពីមុនផុតកំណត់ គឺបុគ្គលនោះបានប្រព្រឹត្តបទល្មើសថ្មី យើងអាចប្តឹងបាន។

មិនមានអ្នកទទួលទោសជំនួសទេ ក្នុងរឿងក្តីព្រហ្មទណ្ឌ ព្រោះអ្នកណាប្រព្រឹត្តត្រូវទទួលខុសត្រូវដោយខ្លួនឯងចំពោះមុខច្បាប់។

តាមការយល់ឃើញ អ្នកទាំង២មានកំហុស ដូចគ្នា ព្រោះ បុរសជាប្តីបានប្រើអំពើហិង្សារាល់ថ្ងៃដាក់ប្រពន្ធទើបបណ្តាលឱ្យប្រពន្ធទ្រាំមិនបានជ្រុលដៃសម្លាប់ប្តី។ ចំណែកនារីជាប្រពន្ធគួរណាតែប្តឹងសមត្ថកិច្ចនៅពេលប្តីប្រើអំពើហឹង្សាមកខ្លួន ឬបើប្តឹងលែងលះមិនគួរណាទ្រាំឱ្យគេធ្វើបាបបែបនេះឡើយ។