ចៅក្រមស៊ើបសួរមានគុណសម្បត្តិ និងគុណវិបត្តិ ក្នុងដំណើរការស៊ើបសួរដូចជា៖
-គុណសម្បត្តិ៖ ការដាក់ឱ្យស្ថិតក្រោមការពិនិត្យ ការសួរចម្លើយជនត្រូវចោទ ការស្តាប់ចម្លើយដើមបណ្តឹងរដ្ឋប្បវេណី ឬជនរងគ្រោះ ការស្ដាប់ចម្លើយសាក្សី ការឆែកឆេរ ការចាប់យកវត្ថុតាង កោសលវិច័យ ការស្តាប់ទូរស័ព្ទ ការចាត់ឱ្យស៊ើបសួរជំនួស និងវិធានការនិរន្តរាយ (ជាវិធានការសំដៅដល់ការចេញដីកាផ្សេងៗដោយចៅក្រមស៊ើបសួរ ដែលក្នុងនោះមានដីកាបង្គាប់ឱ្យចូលខ្លួន ដីកាបង្គាប់ឱ្យនាំខ្លួន ដីកាបង្គាប់ឱ្យចាប់ខ្លួន ដីកាបង្គាប់ឱ្យឃុំខ្លួនបណ្តោះអាសន្ន និងដីកាសម្រេចដាក់ជនត្រូវចោទឱ្យនៅក្រោមការពិនិត្យតាមផ្លូវតុលាការ)។ការស៊ើបសួរជាដំណាក់កាលដែលដើរតួនាទីយ៉ាងសំខាន់ក្នុងដំណើរការរឿងក្តីព្រហ្មទណ្ឌ ក្នុងការស៊ើបសួរទៅលើបទល្មើសដែលត្រូវបានចោទប្រកាន់ដោយតំណាងអយ្យការមកលើជនត្រូវចោទ តាមរយៈដីកាសន្និដ្ឋានបញ្ជូនរឿងឱ្យស៊ើបសួរ ដែលអាចកំណត់ថាជនត្រូវចោទបានប្រព្រឹត្ត ឬ មិនបានប្រព្រឹត្តបទល្មើស។
-គុណវិបត្ត៖ ករណីការស៊ើបសួរមានការលម្អៀង ឬមានភាពពុករលួយ ឬមិនច្បាស់លាស់នាំឱ្យមានជនរងគ្រោះកាន់តែច្រើន។

បានជាចាំបាច់កំណត់អាជ្ញាយុកាលនៃបទល្មើស ព្រោះជៀសវាងការចំណាយខ្ជះខ្ជាយក្នុងការស៊ើបអង្កេត ប្រសិនបើជនជាប់ចោទបានបាត់បង់ជីវិតរួចហើយ ។

ក្រមព្រហ្មទណ្ឌ និងក្រមនីតិវិធីព្រហ្មទណ្ឌមានសារៈសំខាន់ដូចជា ជួយរក្សាសណ្តាប់ធ្នាប់ សុវត្ថិភាពសង្គម ការពារផលប្រយោជន៍ប្រជាពលរដ្ឋ ទប់ស្កាត់ការប្រព្រឹត្តបទល្មើសផ្សេងៗ ធានាបាននូវភាពយុត្តិធម៌ ចំពោះជនរងគ្រោះ និងជៀសវាងការចោទប្រកាន់ណាមួយដែលគ្មានមូលដ្ឋានច្បាស់លាស់។

ការសម្រេចឱ្យមានការចាប់ខ្លួនបាន លុះត្រាជននោះស្ថិតក្នុងលក្ខខណ្ឌដូចជា៖
-បទល្មើសដែលចោទប្រកាន់ ជាបទឧក្រិដ្ឋ ឬបទមជ្ឈិមដែលត្រូវផ្តន្ទាទោសដាក់ពន្ធនាគារ។
-បុគ្គលដែលពាក់ព័ន្ធបានរត់គេចខ្លួនទៅទីកន្លែងណាមួយ ឬនៅក្រៅព្រះរាជាណាចក្រកម្ពុជា។

គេបែងចែករយៈពេលនៃការឃាត់ខ្លួនដោយ
– អនីតិជនមានអាយុ១៥ដល់ ១៦ ឆ្នាំមិនអាចឃាត់ខ្លួនលើសពី៣៦ម៉ោងចំពោះបទឧក្រិដ្ឋ និងមិនលើសពី ២៤ ម៉ោងចំពោះបទមជ្ឈិម។
-អនីតិជនមានអាយុ១៥ ដល់ ១៨ ឆ្នាំមិនអាចឃាត់ខ្លួនលើសពី ៤៨ ម៉ោងចំពោះបទឧក្រិដ្ឋ និងមិនលើសពី ៣៦ ម៉ោងចំពោះបទមជ្ឈិម។
-អនីតិជនក្រោម១៤ ឆ្នាំ គេមិនត្រូវឃាត់ខ្លួនឡើយ ។