មានទិដ្ឋភាពពីរ ក្នុងការឱ្យតម្លៃចំពោះការជ្រើសរើស គឺការចេះស្រឡាញ់និងការចេះឱ្យតម្លៃទៅលើអ្វីដែលខ្លួនបានជ្រើសរើសយក។

មនុស្សម្នាក់ៗមានតម្លៃ :
– តម្លៃផ្ទាល់ខ្លួន
– តម្លៃគ្រួសារ
– តម្លៃស្មារតីឬសីលតម្លៃ
– តម្លៃការងារ
– តម្លៃវប្បធម៌
– តម្លៃសង្គមនិងសង្គមធម៌

ឥរិយាបទដែលបង្ហាញពីការឱ្យតម្លៃលើការងារស្តែងចេញតាមសកម្មភាពមួយចំនួនដូចជា
• ការចេះជួយគ្នាក្នុងការធ្វើការងារ៖ ការធ្វើការមិនមើលបំណាំការងារគ្នា មិនមានភាពច្រណែន មានសាមគ្គីក្រុម ធ្វើបុគ្គលសកម្មក្នុងក្រុម និងជាគម្រូល្អសម្រាប់ក្រុម។
• ការយល់ពីភាពខុសគ្នារបស់សមាជិកក្រុម៖ ដោយសារមនុស្សម្នាក់ៗមានសាវតា និងបទពិសោធន៍ផ្សេងៗគ្នាដែលជាហេតុធ្វើឲ្យការគិតមានភាពខុសប្លែកគ្នា ដូចនេះការរៀនយល់ពីគ្នានឹងអាចជួយក្នុងការបញ្ជៀសជម្លោះ។
• ភាពមានចំណេះដឹងក្នុងការដោះស្រាយបញ្ហា៖ ការអភិវឌ្ឍខ្លួនដោយការអានសៀវភៅចំណេះដឹងទូទៅ ការរៀនជំនាញទន់បន្ថែម ការស្តាប់ព័ត៌មាន ការរៀនចេះគិតគូរពិចារណារកហេតុនិងផល ដឹងអ្វីខុសអ្វីត្រូវ នាំឲ្យកើតជាពុទ្ធិក្នុងការគិត ការដោះស្រាយបញ្ហាប្រកបដោយបញ្ញាញាណដែលប្រកបដោយចក្ខុវិស័យ។
• ការចេះស្រឡាញ់គ្នាជាបងជាប្អូន៖ ការរាប់អានមិត្តរួមការងារដូចបងនិងប្អូនគឺជាតម្លៃនៃការធ្វើការរបស់យើង ដែលភាពជាបងជាប្អូននេះធ្វើឲ្យយើងអាចនិយាយដោយភាពស្មោះត្រង់នឹងគ្នានៅពេលដែលមានបញ្ហាអ្វីកើតឡើង។ ទាំងនេះគឺជាតម្លៃឥរិយាបថនៃការធ្វើការរបស់ខ្ញុំ។