ការជ្រុលដៃរបស់នារីជាប្រពន្ធនៅតែមានទោសព្រហ្មទណ្ឌ ទោះបីគាត់គ្រាន់តែចង់ការពារខ្លួនពីការវាយដុំរបស់ប្តីក៌ដោយ ពីព្រោះច្បាប់ព្រហ្មទណ្ឌបានចែងរួចហើយ ទោះបីបុគ្គលដែលប្រព្រឹត្តមានចេតនាក្តី អចេតនាក្តី ឱ្យតែប៉ះពាល់ដល់អាយុជីវិតមនុស្សត្រូវតែមានទោស គ្រាន់តែកម្រិតទោសមានភាពខុសគ្នាទៅតាមប្រភេទនៃបទល្មើសនោះ។

ការវាយដុំគ្នានៅតាមទីសាធារណៈត្រូវបានចាត់ទុកថាជាបទល្មើសព្រហ្មទណ្ឌ ព្រោះធ្វើឱ្យប៉ះពាល់ដល់សន្តិសុខសណ្តាប់សាធារណៈ បង្កផលប៉ះពាល់ដល់សុវត្ថិភាពអ្នកដ៌ទៃ។

ជាជម្រើសរបស់សិស្សក្នុងការប្តឹងឬមិនប្តឹង តែត្រូវផ្តល់អំណះអំណាងបញ្ជាក់ពីការសម្រេចចិត្តរបស់ខ្លួននោះ។

ការបង្ខិតបង្ខំកូនឱ្យរៀបការ ត្រូវបានចាត់ទុកជាបទល្មើសព្រហ្មទណ្ឌ ប្រសិនបើមានការបង្ឃាំងក្នុងបន្ទប់ ការវាយដុំបង្កររបួសណាមួយ កាន់តែមានទោសមួយកម្រិតទៀត។ ប៉ុន្តែបើសិនជា ប្រើប្រាស់តែពាក្យសម្តីនិយាយ មិនមែនជាបទល្មើសព្រហ្មទណ្ឌទេ។

ការឃាត់ខ្លួន និងការចាប់ខ្លួនខុសគ្នាត្រង់៖ -ការឃាត់ខ្លួន៖ ធ្វើឡើងដោយមន្រី្តនគរបាលយុត្តិធម៌ទៅលើជនសង្ស័យដែលបានចូលរួមក្នុងបទល្មើស។ -ការចាប់ខ្លួន៖ជាសកម្មភាពរបស់កម្លាំងសាធារណៈក្នុងការចាប់ខ្លួនជនជាប់ចោទក្នុងបទល្មើសជាក់ស្តែងណាមួយ។