ការបង្កកណើតប្រព្រឹត្តទៅនៅផ្នែកខាងចុងនៃដៃស្បូនក្បែរ អូវែ។ ការបង្កកណើតឆ្លងកាត់ដំណាក់កាលដូចជា៖
• ការឆ្លងកាត់ស្រោមរបស់អូវ៉ូស៊ីត II : កាម៉ែតញីរុំព័ទ្ធ ដោយស្រោមខាប់អន្ធិល គឺជាតំបន់ប៉េលុយស៊ីតដែល ជា ឧបសគ្គដ៏ចម្បងសម្រាប់ស្ពែម៉ាតូសូអ៊ីតឆ្លងកាត់។ ស្ពែម៉ាតូសូអ៊ីត ធ្វើដំណើរតាមដៃស្បូន ហើយជួបផ្ទាល់ ជាមួយកោសិកាផូលីគុលដែលរុំព័ទ្ធអូវ៉ូស៊ីត II ។ ការជួបនេះធ្វើឱ្យកោសិកាផូលីគុលលឹបចូលក្នុង ជាហេតុបណ្ដាលឱ្យស្ពែម៉ាតូសូអ៊ីតខិតចូលជិតអូវ៉ូស៊ីតII បាន។ បន្ទាប់មកស្ពែម៉ាតូសូអ៊ីតចោះតំបន់ប៉េលុយស៊ីត ក្រោមអំពើ 2 គឺការបញ្ចេញអង់ស៊ីមរបស់អាក្រូសូម និងកម្លាំងរុញរបស់ផ្លាសែល។
• ការជ្រៀតចូលនៃស្ពែម៉ាតូសូអ៊ីតនិងប្រតិកម្មអូវូស៊ីត II: បន្ទាប់ពីជួបជាមួយអូវ៉ូស៊ីត II ភ្នាសស្ពែម៉ាតូសូអ៊ីត និង ភ្នាសអូវ៉ូស៊ីត II រលាយចូលគ្នា។ ក្រោយមកស្ពែម៉ាតូសូ អ៊ីតជ្រៀតចូលទៅក្នុងស៊ីតូប្លាសរបស់អូវ៉ូស៊ីត II ។ ការជ្រៀតចូលនេះ ធ្វើឱ្យអូវ៉ូស៊ីត II មានប្រតិកម្ម 2 គឺ៖ទី1ការរំដោះចេញនៃបន្ទុករបស់គ្រាប់ល្អិតៗទៅក្នុង លំហដែលស្ថិតនៅចន្លោះអូវ៉ូស៊ីតII និងតំបន់ប៉េលុយ ស៊ីត។ សារធាតុរំដោះចេញនេះបង្ក បានជាភ្នាសបង្ក កំណើតមួយដែលរារាំងមិនឱ្យស្ពែម៉ាតូសូអ៊ីតផ្សេង ទៀតជ្រៀតចូលបាន។ ទី2 អូវ៉ូស៊ីត IIបន្តធ្វើចំណែក ទី 2 នៃមេយ៉ូស។
• ការរលាយចូលគ្នានៃណ្វៃយ៉ូ: បន្ទាប់ពីស្ពែម៉ាតូសូអ៊ីត ជ្រៀតចូលទៅក្នុងអូវុលណ្វៃយ៉ូរបស់វារីកធំហើយក្លាយជាប្រូនុយក្លេអូសឈ្មោល។ ក្រោយពីបញ្ចេញ គោលិកាប៉ូលទី 2 ណ្វៃយ៉ូរបស់អូវុលឡើងប៉ោងហើយក្លាយជាប្រូនុយក្លេអូសញី។ប្រូនុយក្លេអូសញីនិងឈ្មោលទាំង2រលាយចូលគ្នា។ ការបង្កកំណើតត្រូវបញ្ចប់។អូវុលក្លាយជាស៊ីកូត។ ចំណែកទី1 របស់ស៊ីកូតចាប់ផ្តើមភ្លាម ហើយបង្កើតបានជាកោសិកាដំបូង 2 របស់អំប្រ៊ីយ៉ុង។

បានជាមានការបន្តចំណែកទី2នៃមេយ៉ូសពីព្រោះតែមាន ការបង្កកំណើត។ ដោយសារតែស្ពែម៉ាតូសូអ៊ីតជ្រៀតចូលទៅក្នុង
ស៊ីតូប្លាសរបស់អូវ៉ូស៊ីត II ហើយដាស់ចំណែកទី2 នៃមេយ៉ូសឱ្យ បន្តដំណើរទៀតដើម្បីបញ្ចប់កំណអូវុល។ ពេលនេះ អូវ៉ូស៊ីត II ចែកខ្លួន រួចបញ្ចេញគោលិកាប៉ូលទី 2 ។ អូវ៉ូស៊ីត II ក្លាយទៅជា
អូវ៉ូទីត បន្ទាប់មកជាអូវុល។

បន្ទាប់ពីវគ្គដំណុះដំណាលអូវ៉ូកូនីនីមួយៗរីកមាឌ ហើយ ក្លាយជាអូវ៉ូស៊ីតI ដែលចាប់ផ្ដើមធ្វើចំណែកទី 1 នៃមេយ៉ូស ហើយត្រូវគាំងនៅចុងវគ្គប្រូផាស I ។

កំណស្ពែម៉ាតូសូអ៊ីតមានរយៈពេល ៧៤ ថ្ងៃ។ វាចាប់ផ្ដើម តាំងពីវ័យគ្រប់ការ។ វាដំណើរការរហូតពេញមួយជីវិតរបស់ មនុស្សប្រុស។