• នាទីអរម៉ូនអាំងស៊ុយលីន គឺត្រួតពិនិត្យកំហាប់គ្លុយកូសនៅក្នុងឈាម។ នៅពេលកម្រិតគ្លុយកូសក្នុងឈាមឡើងខ្ពស់ កោសិកាបេតារបស់លំពែងបញ្ចេញអាំងស៊ុយលីន ដែលភ្ញោចកោសិកាគោលដៅឱ្យចាប់យកនិងប្រើប្រាស់គ្លុយកូស កោសិកាគោលដៅភាគច្រើនរបស់អាំងស៊ុយលីនជា កោសិកាថ្លើម កោសិកាសាច់ដុំជាប់ឆ្អឹង និងជាលិកាខ្លាញ់។ ម៉ូលេគុលគ្លុយកូស ដែលមិនត្រូវបានប្រើប្រាស់ ត្រូវបានស្តុកទុកក្រោមទម្រង់ជាគ្លីកូសែននៅក្នុងថ្លើមនិងសាច់ដុំជាប់ឆ្អឹង។ នៅក្នុងជាលិកាខ្លាញ់ ម៉ូលេគុលគ្លុយកូស លើសត្រូវបានបំប្លែងជាខ្លាញ់។ ដូចនេះអាំងស៊ុយលីនបង្កាមិនឱ្យមានកំណើនកម្រិតគ្លុយកូសក្នុងឈាម ក្រោយពេលបរិភោគអាហារ។ អាំងស៊ុយលីនក៏ចូលរួមបង្កើនអត្រាអុកស៊ីតកម្មគ្លុយកូសក្នុងកោសិកា។

• រេណាំង គឺជាអង់ស៊ីមដែលផ្លាស់ប្រូតេអ៊ីនប្លាស្មាអង់ស៊ីយូតង់ស៊ីណូសែនទៅជាអង់ស៊ីយូតង់ស៊ីន I ដែលបន្ទាប់មកក្លាយជាអង់ស៊ីយូតង់ស៊ីន II នៅក្នុងសួត ។ អង់ស៊ីយូតង់ស៊ីន II ភ្ញោចករតិចលើតម្រងនោមឱ្យបញ្ចេញអាល់ដូស្តេរ៉ូន។ នេះជាប្រព័ន្ធរេណាំងអង់ស៊ីយូ-តង់ស៊ីនអាល់ដូស្តេរ៉ូន។

អរម៉ូនអាដូស្តេរ៉ូនមាននាទីដូចជា៖
• តម្រូវកម្រិតអ៊ីយ៉ុងសូដ្យូម(Na+)ក្នុងឈាមនៅត្រង់តម្រងនោម។
• អ៊ីយ៉ុងប៉ូតាស្យូម (K+)ក្នុងឈាមនៅត្រង់តម្រងនោម។