ជម្រើសពូជ ជាការរក្សាទុកនូវពូជល្អ បំបាត់ចោលនូវពូជអាក្រក់ ធ្វើឱ្យមានទន្និផលខ្ពស់ក្នុងការចិញ្ចឹមសត្វ និង ដាំដំណាំ។

• បានជាគ្រប់កោសិកានៃសារពាង្គកាយមានសែនដូចៗគ្នា ព្រោះកោសិកាទាំងអស់មានដើមកំណើតចេញពីស៊ីកូតតែមួយដែលចែកខ្លួនជាបន្តបន្ទាប់តាមចំណែកមីតូស។

ការបកប្រែក្រមមាន 3 ដំណាក់កាលគឺមានដូចជា ៖
ដំណាក់ដំបូង :
• មានការភ្ជាប់ឯកតារងទាំងពីរនៃរីបូសូមទៅនឹង
កូដុងផ្ដើម គឺAUG លើម៉ូលេគុល ARNm ។
រីបូសូមមាន2 ទីតាំងគឺ P និង A ហើយទីតាំង P សម្រាប់ដាក់អាស៊ីតអាមីនេដំបូងគឺជាមេត្យូនីន ហើយវាចាកចេញពីរីបូសូមទៅកាន់ស៊ីតូប្លាស។
ដំណាក់លូតវែង :
• ARNt ដឹកនាំអាស៊ីតអាមីនេទី2បន្ទាប់ពី
មេត្យូនីន ទៅកាន់ទីតាំង A ក្រោយមកទៀតអាស៊ីតអាមីនេនោះផ្ដាច់ខ្លួនពី ARNt ទៅភ្ជាប់ជាមួយអាស៊ីតអាមីនេមេត្យូនីន។
• ចំណងប៉ិបទីតរវាងអាស៊ីតអាមីនេកើតឡើងដោយសារអង់ស៊ីមរបស់រីបូសូម។
• រីបូសូមផ្លាស់ទីលើ ARNm ដែលធ្វើឱ្យទីតាំង A
ទំនេរ។ ARNt ទី3 ដែលដឹកអាស៊ីតអាមីនេថ្មីទៅកាន់ទីតាំង A។ បំលាស់ទីរីបូសូមលើ ARNm ធ្វើឱ្យមានអំណានកូដុងបន្តបន្ទាប់។ ក្នុងរីបូសូម អាស៊ីតអាមីនេភ្ជាប់គ្នាដោយចំណងប៉ិបទីត
នាំឱ្យច្រវាក់ប៉ូលីប៉ិបទីតកាន់តែលូតវែង។
ដំណាក់បញ្ចប់ :
• កាលណារីបូសូមផ្លាស់ទីដល់កូដុងស្តុប UAA UAG និង UGA ការសំយោគប្រូតេអ៊ីនត្រូវបញ្ចប់
។ ឯកតារងទាំងពីរបែកចេញពីគ្នា។ ចំណែកឯច្រវាក់ ARNm ARNt និងច្រវាក់ប៉ូលីប៉ិបទីតក៏បំបែកចេញពីគ្នាដែរ។
• នៅក្នុងច្រវាក់ប៉ូលីប៉ិបទីត ពេលសំយោគប្រូតេអ៊ីនចប់ មេត្យូនីនត្រូវបានផ្ដាច់ចេញពីចំណងប៉ិបទីតបន្ទាប់មកប្រូតេអ៊ីនដែលបានសំយោគ
ហើយត្រូវដឹកជញ្ជូនទៅកន្លែងដែលត្រូវការ។

• អង់ស៊ីមអាមីណូអាស៊ីល ARNt សាំងតេតាស់ គឺជា-អង់ស៊ីមមួយប្រភេទដែលមានតួនាទីអន្តរាគមន៍ក្នុងការភ្ជាប់អាស៊ីតអាមីនេមួយទៅនឹង ARNt យថាប្រភេទ។