សារប្រយោជន៍នៃសំបុត្រអាពាហ៍ពិពាហ៍ ៖
-ចុះបញ្ជីអត្រានុកូលដ្ឋានកំណើតរបស់កូន
-ធ្វើសៀវភៅស្នាក់នៅ ឬសៀវភៅគ្រួសារ
-ការពារប្រឆាំងនឹងទ្វេពន្ធភាព
-ការពារទ្រព្យសម្បត្តិរួមរបស់ប្តីប្រពន្ធ
-ទទួលអាហារកិច្ចពេលឪពុកម្តាយលែងលះគ្នា
-សម្រាប់ស្នើសុំប័ណ្ណកម្មសិទ្ធិនានា
-ជាមូលដ្ឋានក្នុងកិច្ចការផ្សេងៗ ។

ការរៀបអាពាហ៍ពិពាហ៍ ចាំចាច់ត្រូវតែមានការយល់ព្រមពីអាណាព្យាបាល ឬអ្នកដែលមានអំណាចមេបា ក្នុងករណីដែលភាគីណាមួយនៅជាអនីតិជនដែលមានអាយុចាប់ពី១៦ឆ្នាំ តែក្រោម១៨ឆ្នាំ ។ ដោយឡែក ចំពោះអាពាហ៍ពិពាហ៍រវាងនីតិជន និងនីតិជនដែលមានអាយុពេញលក្ខណៈច្បាប់ មិនតម្រូវឱ្យមានការយល់ព្រមពី អាណាព្យាបាល ឬអ្នកដែលមានអំណាចមេបា ជាចាំបាច់ទេ ពីព្រោះពួកគេមានសិទ្ធិពេញលេញក្នុងការសម្រេចអាពាហ៍ពិពាហ៍ដោយគ្មានការរារាំងពីនរណាឡើយ ។

វិវាទការងារ ជាវិវាទដែលទាក់ទងទៅនឹងសិទ្ធិស្របច្បាប់ និងជាវិវាទដែលទាក់ទងទៅនឹងផលប្រយោជន៍នាពេលអនាគត រវាងនិយោជក ឬនាយកសហគ្រាស ជាមួយនឹងកម្មករនិយោជិត ឬជនដែលស្ថិតនៅក្រោមច្បាប់ស្ដីពីការងារ ឆ្នាំ១៩៩៧ ។
វិវាទការងារត្រូវបានបែងចែកចេញជា ០២ (ពីរ) ករណីគឺ៖ វិវាទបុគ្គល និងវិវាទការងាររួម។

ដើម្បីដឹងពីលក្ខខណ្ឌការងារនៅកន្លែងធ្វើការមួយថាតើល្អ ឬ មិនល្អ គេត្រូវពិនិត្យមើលទៅលើ កត្តាប្រាក់ឈ្នួល ថិរវេលាការងារ ការឈប់សម្រាកប្រចាំឆ្នាំ ឬប្រចាំសប្ដាហ៍ ម៉ោងបន្ថែម ជាដើម ថាតើស្របទៅនឹងច្បាប់ការងារដែរឬទេ ។

សកម្មភាពប្រចាំថ្ងៃរបស់ខ្ញុំដែលទាក់ទងនឹងវិស័យនយោបាយ គឺ ៖ (អាស្រ័យលើសិស្ស)
• ខ្ញុំគោរពច្បាប់ចរាចរណ៍
• ខ្ញុំមិនដែលលួចអីវ៉ាន់របស់មិត្តភ័ក្ដិ ឬរបស់នរណាឡើយ
• ខ្ញុំបានទៅចុះឈ្មោះបោះឆ្នោត និងចូលរួមបោះឆ្នោត ។