ទំនាក់ទំនងរវាងព្រះបាទហ៊ុនទៀន និង ការកកើតអាណាចក្រភ្នំ៖
ព្រះបាទហ៊ុនទៀនជាព្រាហ្មណ៍មកពីឥណ្ឌា ដែលបានមកធ្វើសង្គ្រាមជាមួយព្រះនាងលីវ យី ដែលជាស្តេចស្រីនៅតំបន់នោះ ហើយបានច្បាំងឈ្នះព្រះនាងលីវ យី។ បន្ទាប់មកទ្រង់បាន រៀបអភិសេក រួចឡើងជាស្តេចនៃអាណាចក្រភ្នំ និងបានបង្កើតជារដ្ឋដំបូងនៃប្រទេសខ្មែរ ទ្រង់តាំងរាជធានី នរវរនគរ (អង្គរបូរី ខេត្តតាកែវ) ដែលមានរបៀបគ្រប់គ្រង រដ្ឋបាល សាសនា និង អក្សរសាស្រ្ត តាមបែបឥណ្ឌា។

ជីវភាពសង្គមនាសមយ័នគរភ្នំប្រជារាស្រ្តប្រមូលផ្តុំគ្នាជាភូមិមានផ្ទះពី៥០-៦០ចខ្នងសង់ផុនពីដី។ អ្នកស្រុកនេះសម្បុរស្រអែមកម្ពស់មធ្យម១.៦២មសក់រួញអង្គារដីពាក់ក្រវិលទាំងប្រុសទាំងស្រី។ អ្នកក្រស្លៀកចងក្បិនលែងខ្លួនទទេ(ប្រុស) បើស្រីចោមពុងដើរជើងទទេហើយផ្ទះអត់មានសម្ភារះតុបតែង ចំណែកអ្នកមានស្លៀកសំពត់ចរបាប់ពាក់ស្បែកជើងផ្ទះមានគ្រឿងតុបតែងលម្អ។

គ្រោះធម្មជាតិ(ទឹកជំនន់) ជាកត្តាដែលនាំឱ្យអាណាចក្រភ្នំមានការដួលរលំ គឺដោយសារតែ៖
-បំផ្លាញហេដ្ឋារចនាសម្ព័ន្ធ ផ្លូវ ថ្នល់ ផ្ទះសំបែង….
-ខូចខាតផលដំណាំ….
-បាត់បង់សត្វពាហនៈ
-បាត់បង់អាយុជីវិតប្រជាពលរដ្ឋ
ចំនុចអវិជ្ជមានទាំងនេះនាំឱ្យអាណាចក្រភ្នំចុះទន់ខ្សោយគ្រប់វិស័យ និងជាកត្តាមួយធ្វើឱ្យនគរភ្នំដួលរលំ។

ព្រះបាទហ៊ុនទៀន ជាស្តេចដែលមានភាពល្បីល្បាញជាងគេក្នុង សម័យនគរភ្នំ ដោយសារតែ៖
• ស្តេចដែលរៀបចំបង្កើតជារដ្ឋដំបូងរបស់ខ្មែរ គឺ អាណាចក្រភ្នំ
• ទ្រង់បាននាំ របៀបគ្រប់គ្រងរដ្ឋ អរិយធម៌ សាសនា តាមបែបឥណ្ឌា
• ទ្រងបានដឹកនាំអាណាចក្រភ្នំ មានភាពរីកចម្រើនរឹងមាំ
• ទ្រង់បានចងសម្ព័ន្ធមេត្រីភាព និង ជំនួញជាមួយប្រទេស ចិន ឥណ្ឌា និង ប្រទេសដ៏ទៃទៀត។

ដោយសារតែព្រះបាទហ៊ុនទៀន ជា ព្រាហ្មណ៍មកពីឥណ្ឌា បានច្បាំងឈ្នះព្រះនាងលីវ យី រួចក៏រៀបអភិសេក ឡើងជាសោយរាជ្យជាស្តេចនៃនគរភ្នំ។ ព្រះបាទហ៊ុនទៀន បាននាំយករបៀបគ្រប់គ្រងរដ្ឋ និង អរិយធម៌ឥណ្ឌា និងបានបង្កើតជារដ្ឋដំបូងនៃប្រទេសខែ្មរ។