ការតែងតាំងមន្រ្តីតុលាការប្រព្រឹត្តទៅដូចខាងក្រោម៖
ឧត្ដមក្រុមប្រឹក្សានៃអង្គចៅក្រមត្រូវបានបង្កើតឡើងដើម្បីជួយព្រះមហាក្សត្រក្នុងការធានាឯករាជ្យភាពនៃអំណាចតុលាការ។ ឧត្ដមក្រុមប្រឹក្សានៃអង្គចៅក្រមមានករណីយកិច្ចស្នើ សម្រចថ្វាយព្រះមហាក្សត្រតែងតាំង ផ្លាស់ប្ដូរ ដកហូតមុខងារចៅក្រម ព្រះរាជអាជ្ញា ដំឡើងឋានន្តរស័ក្កិរបស់ចៅក្រមនិងព្រះរាជអាជ្ញាទាំងអស់។ ឯក្រឡាបញ្ជីរទាំងអស់ត្រូវតែងតាំងដោយក្រសួងយុត្តិធម៌។

– ចៅក្រមស៊ើបអង្កេត មានភារកិច្ចសំខាន់ផងដែរក្នុងការធានាឲ្យមានការអនុវត្តនីតិវិធីត្រឹមត្រូវទៅតាមច្បាប់នៅពេលធ្វើការស៊ើបអង្កេតដោយមានការគោរពសិទ្ធិរបស់ជនជាប់ចោទ។
– ចៅក្រមជំនុំជម្រះ មានភារកិច្ចសំខាន់ក្នុងការសម្រេចថាតើជនជាប់ចោទមានពិរុទ្ធភាព ឬគ្មានពិរុទ្ធភាព។

សមាសភាពឧត្ដមក្រុមប្រឹក្សានៃអង្គចៅក្រមមានៈ
● ព្រះមហាក្សត្រជាព្រះប្រធាន
● រដ្ឋមន្រ្តីក្រសួងយុត្តិធម៌ជាសមាជិក
● ប្រធានសាលាឧទ្ធរណ៍ជាសមាជិក
● ប្រធានតុលាការកំពូលជាសមាជិក
● អគ្គព្រះរាជអាជ្ញាអមសាលាឧទ្ធរណ៍ជាសមាជិក
● អគ្គព្រះរាជអាជ្ញាអមតុលាការកំពូលជាសមាជិក
● ចៅក្រម៣រូបទៀតដែលកើតឡើងពីការបោះឆ្នោត។

បានជាគេនិយាយថាអំណាចតុលាការជាអំណាចឯករាជ្យ ព្រោះបើតុលាការស្ថិតនៅក្រោមឥទ្ធិពលនៃអ្វីមួយ ការរកយុត្តិធម៌ជូនប្រជាពលរដ្ឋគ្រប់រូបពិតជាមិនអាចកើតមានឡើយ។