ក្នុងករណីដែលមានទំនាស់រវាងចៅក្រមស៊ើបសួរច្រើនរូប នៅសាលាដំបូងខុសៗគ្នា ហើយទទួលបានបណ្តឹងទាំងអស់គ្នា អំពីរឿងក្តីព្រហ្មទណ្ឌតែមួយដូចគ្នា គេដោះស្រាយដោយទំនាស់នេះត្រូវបានបញ្ជូនទៅ ប្រធានសភាស៊ើបសួរ ដើម្បីសម្រេច។ វិវាទសមត្ថកិច្ចដែនដី រវាងសភាស៊ើបសួរច្រើន ត្រូវសម្រេចដោយប្រធានតុលាការកំពូល ដោយការសម្រេចនេះបិទផ្លូវតវ៉ា។

ចៅក្រមស៊ើបសួរត្រូវមានក្រឡាបញ្ជីម្នាក់អមជានិច្ច ក្រឡាបញ្ជីមិនអាចបំពេញភារកិច្ចជំនួសចៅក្រមស៊ើបសួរបានទេព្រោះវាមិនមែនជាតួនាទីដែលគេផ្តល់សិទ្ធិឱ្យគាត់ក្នុងការស៊ើបសួរឡើយ។

សកម្មភាពស៊ើបសួរនៃចៅក្រមស៊ើបសួរមាន៖
-ការស៊ើបសួរត្រូវតែធ្វើឡើងជាដាច់ខាតចំពោះបទឧក្រិដ្ឋ
-ការស៊ើបសួរត្រូវរក្សាជាការសម្ងាត់
-ចៅក្រមស៊ើបសួរអាចចុះដល់ទីកន្លែងប្រព្រឹត្តបទល្មើស លំនៅឋាន ឬ ទីសំណាក់របស់បុគ្គលដែលសង្ស័យថាបានប្រព្រឹត្តបទល្មើស។

បានជាចៅក្រមស៊ើបសួរមិនអាចចូលរួមក្នុងការជំនុំជម្រះរឿងក្តីព្រហ្មទណ្ឌណាដែលខ្លួនមិនបានស៊ើបសួរជាមុន ព្រោះរឿងក្តីនីមួយៗត្រូវការការស៊ើបអង្គេត ស៊ើបសួរជាមុន បើគាត់មិនបានដឹងពីដំណើរដើមទងនៃរឿងហេតុគាត់ក៌មិនអាចបំពេញភារកិច្ចរបស់ខ្លួនបានដែរទើបមិនអាចចូលរួមជំនុំជម្រះបាន។

ចៅក្រមស៊ើបសួរមានតួនាទី និងភារកិច្ចដូចជា៖ គឺស៊ើបសួររឿងរ៉ាវរបស់អង្គហេតុដែលមាននៅក្នុងដីកាសន្និដ្ឋានបញ្ជូនរឿងឱ្យស៊ើបសួររបស់ព្រះរាជអាជ្ញា។ចំពោះកិច្ចស៊ើបសួរទាំងអស់ ត្រូវបានអនុវត្ត និងដឹកនាំផ្ទាល់ដោយចៅក្រមស៊ើបសួរ ដើម្បីប្រមូលភស្តុតាងទាំងអស់ដែលពាក់ព័ន្ធ និងបញ្ជាក់ពីការពិតនៃអង្គហេតុព្រហ្មទណ្ឌចាប់តាំងពីការចាប់ផ្តើមស្រាវជ្រាវរហូតដល់បញ្ចប់ការស៊ើបសួរ។ ការស៊ើបសួរត្រូវធ្វើដោយខានមិនបានចំពោះបទឧក្រិដ្ឋ រីឯចំពោះបទមជ្ឈិម ការស៊ើបសួរអាចធ្វើក៏បាន ឬ មិនធ្វើក៏បាន។ក្រមស៊ើបសួរក៏មានតួនាទីបំពេញកិច្ចស៊ើបសួរ តាមការស្នើសុំឱ្យបំពេញកិច្ចស៊ើបសួររបស់តំណាងអយ្យការ ជនត្រូវចោទ ដើមបណ្តឹងរដ្ឋប្បវេណី ឬជនរងគ្រោះ និងមេធាវី។