ក្រមព្រហ្មទណ្ឌ និងក្រមនីតិវិធីព្រហ្មទណ្ឌមានសារៈសំខាន់ដូចជា ជួយរក្សាសណ្តាប់ធ្នាប់ សុវត្ថិភាពសង្គម ការពារផលប្រយោជន៍ប្រជាពលរដ្ឋ ទប់ស្កាត់ការប្រព្រឹត្តបទល្មើសផ្សេងៗ ធានាបាននូវភាពយុត្តិធម៌ ចំពោះជនរងគ្រោះ និងជៀសវាងការចោទប្រកាន់ណាមួយដែលគ្មានមូលដ្ឋានច្បាស់លាស់។

ការសម្រេចឱ្យមានការចាប់ខ្លួនបាន លុះត្រាជននោះស្ថិតក្នុងលក្ខខណ្ឌដូចជា៖ -បទល្មើសដែលចោទប្រកាន់ ជាបទឧក្រិដ្ឋ ឬបទមជ្ឈិមដែលត្រូវផ្តន្ទាទោសដាក់ពន្ធនាគារ។ -បុគ្គលដែលពាក់ព័ន្ធបានរត់គេចខ្លួនទៅទីកន្លែងណាមួយ ឬនៅក្រៅព្រះរាជាណាចក្រកម្ពុជា។

គេបែងចែករយៈពេលនៃការឃាត់ខ្លួនដោយ - អនីតិជនមានអាយុ១៥ដល់ ១៦ ឆ្នាំមិនអាចឃាត់ខ្លួនលើសពី៣៦ម៉ោងចំពោះបទឧក្រិដ្ឋ និងមិនលើសពី ២៤ ម៉ោងចំពោះបទមជ្ឈិម។ -អនីតិជនមានអាយុ១៥ ដល់ ១៨ ឆ្នាំមិនអាចឃាត់ខ្លួនលើសពី ៤៨ ម៉ោងចំពោះបទឧក្រិដ្ឋ និងមិនលើសពី ៣៦ ម៉ោងចំពោះបទមជ្ឈិម។ -អនីតិជនក្រោម១៤ ឆ្នាំ គេមិនត្រូវឃាត់ខ្លួនឡើយ ។

ការឃាត់ខ្លួនមានរយៈពេល៤៨ម៉ោង ចាប់ពីម៉ោងដែលជនសង្ស័យមកដល់អង្គភាពនគរបាល បានជាគេត្រូវដោះលែងជនសង្ស័យ បន្ទាប់ពីផុតរយៈពេល៤៨ម៉ោង ដោយសារមិនមានភស្តុតាងគ្រប់គ្រាន់ក្នុងការកំណត់ពីទោសដែលបុគ្គលនោះបានប្រព្រឹត្ត។

សមាសភាពនៃនគរបាលយុត្តិធម៌មាន ភ្នាក់ងារមានសមត្ថកិច្ចគ្រប់លំដាប់ថ្នាក់របស់កងរាជអាវុធហត្ថ និងនគរបាលជាតិ។ អភិបាល អភិបាលរង រាជធានី ខេត្តក្រុង ស្រុក ខណ្ឌ មេឃុំ ចៅសង្កាត់។