ការបង្ខិតបង្ខំកូនឱ្យរៀបការ ត្រូវបានចាត់ទុកជាបទល្មើសព្រហ្មទណ្ឌ ប្រសិនបើមានការបង្ឃាំងក្នុងបន្ទប់ ការវាយដុំបង្កររបួសណាមួយ កាន់តែមានទោសមួយកម្រិតទៀត។ ប៉ុន្តែបើសិនជា ប្រើប្រាស់តែពាក្យសម្តីនិយាយ មិនមែនជាបទល្មើសព្រហ្មទណ្ឌទេ។

ការឃាត់ខ្លួន និងការចាប់ខ្លួនខុសគ្នាត្រង់៖
-ការឃាត់ខ្លួន៖ ធ្វើឡើងដោយមន្រី្តនគរបាលយុត្តិធម៌ទៅលើជនសង្ស័យដែលបានចូលរួមក្នុងបទល្មើស។
-ការចាប់ខ្លួន៖ជាសកម្មភាពរបស់កម្លាំងសាធារណៈក្នុងការចាប់ខ្លួនជនជាប់ចោទក្នុងបទល្មើសជាក់ស្តែងណាមួយ។

ចៅក្រមស៊ើបសួរមានគុណសម្បត្តិ និងគុណវិបត្តិ ក្នុងដំណើរការស៊ើបសួរដូចជា៖
-គុណសម្បត្តិ៖ ការដាក់ឱ្យស្ថិតក្រោមការពិនិត្យ ការសួរចម្លើយជនត្រូវចោទ ការស្តាប់ចម្លើយដើមបណ្តឹងរដ្ឋប្បវេណី ឬជនរងគ្រោះ ការស្ដាប់ចម្លើយសាក្សី ការឆែកឆេរ ការចាប់យកវត្ថុតាង កោសលវិច័យ ការស្តាប់ទូរស័ព្ទ ការចាត់ឱ្យស៊ើបសួរជំនួស និងវិធានការនិរន្តរាយ (ជាវិធានការសំដៅដល់ការចេញដីកាផ្សេងៗដោយចៅក្រមស៊ើបសួរ ដែលក្នុងនោះមានដីកាបង្គាប់ឱ្យចូលខ្លួន ដីកាបង្គាប់ឱ្យនាំខ្លួន ដីកាបង្គាប់ឱ្យចាប់ខ្លួន ដីកាបង្គាប់ឱ្យឃុំខ្លួនបណ្តោះអាសន្ន និងដីកាសម្រេចដាក់ជនត្រូវចោទឱ្យនៅក្រោមការពិនិត្យតាមផ្លូវតុលាការ)។ការស៊ើបសួរជាដំណាក់កាលដែលដើរតួនាទីយ៉ាងសំខាន់ក្នុងដំណើរការរឿងក្តីព្រហ្មទណ្ឌ ក្នុងការស៊ើបសួរទៅលើបទល្មើសដែលត្រូវបានចោទប្រកាន់ដោយតំណាងអយ្យការមកលើជនត្រូវចោទ តាមរយៈដីកាសន្និដ្ឋានបញ្ជូនរឿងឱ្យស៊ើបសួរ ដែលអាចកំណត់ថាជនត្រូវចោទបានប្រព្រឹត្ត ឬ មិនបានប្រព្រឹត្តបទល្មើស។
-គុណវិបត្ត៖ ករណីការស៊ើបសួរមានការលម្អៀង ឬមានភាពពុករលួយ ឬមិនច្បាស់លាស់នាំឱ្យមានជនរងគ្រោះកាន់តែច្រើន។

បានជាចាំបាច់កំណត់អាជ្ញាយុកាលនៃបទល្មើស ព្រោះជៀសវាងការចំណាយខ្ជះខ្ជាយក្នុងការស៊ើបអង្កេត ប្រសិនបើជនជាប់ចោទបានបាត់បង់ជីវិតរួចហើយ ។