គោលបំណងសំខាន់ៗរបស់អង្គការសហប្រជាជាតិ មាន៖
• រក្សាសន្តិភាព និងសន្តិសុខអន្តរជាតិ។
• ពង្រឹងទំនាក់ទំនងអន្តរជាតិរវាងប្រទេសទាំងឡាយ ដោយផ្អែកលើការគោរពគោលការណ៍សមាសភាពនៃសិទ្ធិរបស់
• ប្រជាពលរដ្ឋ និងសិទ្ធិស្វ័យសម្រេចដោយខ្លួនឯងរបស់រដ្ឋ
• នីមួយៗ។
• សហប្រតិបត្តិការក្នុងការដោះស្រាយបញ្ហាអន្តរជាតិនានា ដូចជាបញ្ហាសេដ្ឋកិច្ច បញ្ហាសង្គម បញ្ហាវប្បធម៌ និងបញ្ហាមនុស្សធម៌ ជាពិសេសក្នុងការជំរុញឱ្យមានការគោរពសិទ្ធិមនុស្ស និងសេរីភាពជាមូលដ្ឋាននៃការអនុវត្ត។
• ជាមជ្ឈមណ្ឌលដើម្បីកសាងកម្លាំងប្រជាជាតិទាំងអស់ឆ្ពោះទៅគោលបំណង សេចក្ដីសុខក្នុងពិភពលោក។

• ពាក្យ « សហប្រជាជាតិ » ត្រូវបានគេយកមកប្រើជាដំបូង នៅក្នុងសេចក្ដីប្រកាសនាថ្ងៃទី ១ ខែ មករា ឆ្នាំ១៩៤២ នៅពេលសង្គ្រាមលោកលើកទី២កំពុងតែឆាបឆេះសន្ធោសន្ធៅ។

ប្រទេសកម្ពុជា អាចទាក់ទាញអ្នកវិនិយោគទុនបរទេសចូលមកធ្វើវិនិយោគលើវិស័យផ្សេងៗ និងអាចកសាងសេដ្ឋកិច្ចរបស់ខ្លួនយ៉ាងឆាប់រហ័ស ពីព្រោះ ៖
• កម្ពុជាលែងមានការព្រួយបារម្ភចំពោះការគំរាមកំហែងផ្នែកសន្តិសុខ និងលែងនៅឯកោ។
• កម្ពុជានឹងមានសន្តិសុខ និងសេរីភាពក្នុងតំបន់ព្រមទាំងចូលរួមដោះស្រាយបញ្ហាផ្សេៗជាមួយអាស៊ាននិងជាអាទិភាពត្រូវដោះស្រាយបញ្ហាព្រំដែនដោយសន្តិវិធី។
• ការផ្លាស់ប្ដូរគ្នាផ្នែកចំណេះដឹង សង្គមកិច្ច វប្បធម៌ ប្រពៃណី ទំនៀមទម្លាប់ របស់ប្រទេសជាសមាជិកអាស៊ាន ទាំងអស់។
• ការផ្លាស់ប្ដូរគ្នាផ្នែកធនធានមនុស្ស វិទ្យាសាស្ត្រ និងបច្ចេកទេសថ្មីៗបន្ថែមទៀត។
• ការផ្លាស់ប្ដូរគ្នាទៅវិញទៅមកផ្នែកវិស័យអប់រំវិទ្យាសាស្ត្រ បច្ចេកទេស។
• កម្ពុជានឹងទទួលបានការខ្ចីប្រាក់ដ៏ច្រើនពីធនាគារអភិវឌ្ឍន៍អាស៊ី និងបណ្ដាប្រទេសជាមិត្តទាំង ៩ ក្នុងអត្រាការប្រាក់ទាប ហើយមានរយៈពេលយូរ។
• កម្ពុជានឹងលេចមុខមាត់លើឆាកអន្តរជាតិ មានមុខមាត់ស្មើនឹងប្រទេសក្នុងសមាគមអាស៊ាននិងមានសិទ្ធិធ្វើសហប្រតិបត្តិការរួមគ្នាដោយសមភាព។
• កម្ពុជានឹងទទួលផលប្រយោជន៍ពីការអភិវឌ្ឍខាងវិស័យផ្សេងៗដូចជា កសិកម្ម ទេសចរណ៍។ល។
• កម្ពុជានឹងទទួលបានផលចំណេញយ៉ាងច្រើនខាងផ្នែក
• កិច្ចការនយោបាយ ការបរទេសនិងកិច្ចការសេដ្ឋកិច្ច។
• ក្រោយពីចូលអាស៊ាន កម្ពុជា បានយល់ដឹង នឹងទទួលបានបទពិសោធន៍ពីខ្លឹមសារសំខាន់ៗនៃតំបន់និយម និងសកលនិយមព្រមទាំងមានទំនាក់ទំនងការទូតល្អ។
• ប្រទេសកម្ពុជា បានចំណេញខាងនយោបាយ និងមានឱកាសស្រូបយកអត្ថប្រយោជន៍ខាងផ្នែកសេដ្ឋកិច្ចអាស៊ាន ក៏ដូចជាសមាគមអន្តរជាតិ។