• ការចូលជាសមាជិកអាស៊ានរបស់ប្រទេសកម្ពុជានេះ អាចចាត់ទុកថាជាព្រឹត្តិការណ៍ដ៏អស្ចារ្យ និងជាប្រវត្តិសាស្ត្រដែលធ្វើឱ្យសម្រេចបានគោលបំណងជាយូរមកហើយរបស់ស្ថាបនិកអាស៊ាន ដែលចង់បង្កើតអាស៊ាន ១០ ប្រទេស ក្នុងតំបន់អាស៊ីអាគ្នេយ៍។

• ដើម្បីចៀសវាង និងរកដំណោះស្រាយបញ្ហាផ្សេងៗ ដែលបានកើតឡើង គេបានបង្កើតជាអង្គការនានា នៅតាមតំបន់និងលើពិភពលោក ដូចជា អង្គការសហប្រជាជាតិ សហគមន៍អឺរ៉ុប សមាគមអាស៊ាន។ល។ នៅតំបន់អាស៊ីអាគ្នេយ៍ សមាគមអាស៊ាន បានដើរតួនាទីសំខាន់ក្នុងការដោះស្រាយបញ្ហានានាក្នុងតំបន់ និងនៅលើឆាកអន្តរជាតិ។

• ទំនាស់ច្រើនកើតឡើងដោយសារការចង់បានដោយហួសហេតុនូវផលប្រយោជន៍រៀងៗខ្លួន។

• ទំនាស់ គឺភាពមិនចុះសម្រុងគ្នាការប្រទូសរាយរវាងភាគីទាំងឡាយដែលពាក់ព័ន្ធនឹងការបាត់បង់ផលប្រយោជន៍ ឬធ្វើឱ្យបាត់បង់កេរ្តិ៍ឈ្មោះគ្រួសារ ឬវង្សត្រកូល។

• ក្នុងគោលបំណងទប់ទល់នឹងការប្រែប្រួល និងចង់បានឯករាជ្យផ្នែកសេដ្ឋកិច្ច និងនយោបាយ ពួកគេបង្កើតសមាគមផ្សេងៗស្របតាមគោលបំណងរបស់ពួកគេ ដូចជា សហភាពអាហ្រ្វិក សហគមន៍អឺរ៉ុប សមាគមប្រជាជាតិអាស៊ីអាគ្នេយ៍(អាស៊ាន)។