• ការបង្កើតអង្គការការងារអន្តរជាតិ ក្នុងគោលបំណងជួយលើកតម្កើងយុត្តិធម៌សង្គមដល់មនុស្ស ដែលកំពុងធ្វើការងារនៅគ្រប់ទីកន្លែង។ ការងារ បង្កើតគោលនយោបាយអន្តរជាតិ និងកម្មវិធីធ្វើឱ្យប្រសើរឡើងលក្ខខណ្ឌការងារ និងការរស់នៅរបស់ពួកគេ។

• អង្គការសហប្រជាជាតិ បានបង្កើតអង្គការជាច្រើនទៀត ដើម្បីជួយដោះស្រាយបញ្ហានានាដែលអាចកើតឡើងពាសពេញពិភពលោក ដូចជា ការអត់អាហារ ជំងឺតម្កាត់ ភាពមិនចេះអក្សរ។ល។

• រឿងក្ដីប្រាសាទព្រះវិហារ តុលាការអន្តរជាតិទីក្រុងឡាអេនៃប្រទេសហូឡង់ បានកាត់ក្ដីសម្រេចផ្ដល់ប្រាសាទព្រះវិហារ ជាកម្មសិទ្ធិរបស់ប្រទេសកម្ពុជាវិញ។

ដើម្បីសម្រេចគោលបំណង អង្គការសហប្រជាជាតិ មានគោលការណ៍ដូចតទៅ ៖
• បង្កើតឡើងតាមគោលការណ៍សមភាព ប្រកបដោយសមភាពរវាងរដ្ឋទាំងអស់។
• សមាជិកអង្គការសហប្រជាជាតិ ត្រូវគោរពរដ្ឋធម្មនុញ្ញរបស់អង្គការសហប្រជាជាតិ។
• សមាជិកអង្គការសហប្រជាជាតិ ត្រូវដោះស្រាយជម្លោះអន្តរជាតិ ដោយមធ្យោបាយសន្តិវិធី ដោយមិនធ្វើឱ្យគ្រោះថ្នាក់ដល់ សន្តិភាព និងសន្តិសុខអន្តរជាតិ និងយុត្តិធម៌ឡើយ។
• សមាជិកអង្គការសហប្រជាជាតិ ចៀសវាងការគំរាមកំហែង ឬការប្រើប្រាស់កម្លាំង ដោយប្រើប្រាស់មធ្យោបាយណាមួយ ប្រឆាំងនឹងរដ្ឋដ៏ទៃ ទោះបីរដ្ឋនោះតូច ទន់ខ្សោយក៏ដោយ។
• សមាជិកអង្គការសហប្រជាជាតិ ត្រូវជួយឧបត្ថមយ៉ាងពេញបន្ទុកដល់អង្គការនេះ ហើយមិនត្រូវឧបត្ថមទៅរដ្ឋណាមួយដែលអង្គការសហប្រជាជាតិបានរឹតត្បិត ដាក់ទណ្ឌកម្មទៅតាមនីតិវិធីទៅលើរដ្ឋដែលមិនគោរពរដ្ឋធម្មនុញ្ញនោះទេ។
• អង្គការសហប្រជាជាតិ ត្រូវធ្វើយ៉ាងណាឱ្យរដ្ឋដែលជាសមាជិក គោរពតាមគោលការណ៍ដែលបានចែងរបស់អង្គការសហប្រជាជាតិប្រកបដោយតម្លាភាព និងជាចាំបាច់ដើម្បីទ្រទ្រង់សន្តិភាព និងសន្តិសុខអន្តរជាតិ។