• អ្នកដឹកនាំ ត្រូវប្រែក្លាយកន្លែងធ្វើការឱ្យទៅជាកន្លែងដែលមនុស្សម្នាក់ៗពេញចិត្តធ្វើការងារទទួលខុសត្រូវលើការងារ ទោះបីការងារនោះ កិច្ចការនោះលំបាកយ៉ាងណាក៏ដោយ ត្រូវអប់រំបង្ហាញអ្នកនៅថ្នាក់ក្រោមឱ្យយល់ច្បាស់ពីវិធីធ្វើ និងវត្ថុបំណងច្បាស់លាស់ ហើយត្រូវចេះសហការគ្នា ធ្វើការងារជាក្រុម ព្រោះសមាជិកម្នាក់ៗសុទ្ធតែចូលរួមធ្វើសកម្មភាពស្មើៗគ្នា។

• បានជាគេថា ការជ្រើសរើសអ្នកដឹកនាំ ជាភារកិច្ចសំខាន់ក្នុងរបបប្រជាធិបតេយ្យ ព្រោះថា អ្នកដឹកនាំជាអ្នកកំណត់ជោគវាសនារបស់ប្រទេសជាតិ។

ខ្ញុំអាចរំពឹងទុកថា មេរៀននេះអាចឱ្យខ្ញុំយល់ដឹងអំពី ៖
• អត្ថន័យនៃភាពជាអ្នកដឹកនាំ
• កិច្ចការសំខាន់ៗរបស់អ្នកដឹកនាំ
• ប្រភេទនិងបែបបទនៃការដឹកនាំ
• តួនាទីរបស់រាជរដ្ឋាភិបាល

• ប្រជាពលរដ្ឋដែលមានអាយុចាប់ពី ១៨ ឆ្នាំឡើង មានសិទ្ធិចូលរួមបង្កើតគណបក្សនយោបាយ ដោយគ្រាន់តែប្រមូលផ្ដុំកម្លាំងចំនួន ៨០ នាក់ ដែលមានលំនៅស្ថានអចិន្ត្រៃយ៍នៅក្នុងព្រះរាជាណាចក្រកម្ពុជា ដោយគ្រាន់តែទៅបំពេញបែបបទ និងចុះបញ្ជីនៅក្រសួងមហាផ្ទៃ។

គណបក្សជំទាស់ មានកាតព្វកិច្ច និងតួនាទីដូចតទៅ ៖
• ជួយពិនិត្យលើកិច្ចការទាំងឡាយរបស់រដ្ឋាភិបាល។
• ជួយរំលឹករដ្ឋាភិបាលកុំឱ្យធ្វើអ្វីផ្ទុយពីឆន្ទៈប្រជារាស្ត្រ ឬ ផ្ទុយពីច្បាប់រដ្ឋកំណត់។
• គណបក្សជំទាស់ មានតួនាទីជួយផ្ដល់គំនិត ឬផ្ដល់ដំណោះស្រាយផ្សេងៗដើម្បីជាប្រយោជន៍ជួយកែតម្រូវកំហុសឆ្គង ពន្លឿនការអភិវឌ្ឍជាតិ ក្នុងការសម្រេចតាមផែនការដែលបានកំណត់។
• ជាអ្នកដែលតម្រូវឱ្យរដ្ឋាភិបាលទទួលខុសត្រូវចំពោះអំពើទាំងឡាយដែលរដ្ឋាភិបាលបានធ្វើ។
• ជាតំណាងសំឡេងប្រជារាស្ត្រទាំងឡាយណាដែលមិនសប្បាយចិត្តចំពោះទង្វើរបស់មន្ត្រីរដ្ឋាភិបាល។