ចូរប្អូនប្រាប់ពីលំនាំបាតុភូតនៃកំណញើសដែលប្អូនជួបប្រទះក្នុងជីវភាពរស់នៅប្រចាំថ្ងៃរបស់ប្អូនឲ្យបានយ៉ាងតិចពីរ។

យើងអាចរកទិញម្ហូបកកបាននៅផ្សារទំនើប។ ចូរពន្យល់លំនាំផលិតម្ហូបកកនិងប្រាប់ពីលំនាំបំលែងដែលកើតឡើងផង។

ចូរប្អូនរកឧទាហរណ៍ដែលបង្ហាញពីបំលែងភាពរូបដែលប្អូនជួបប្រទះក្នុងជីវភាពរស់នៅប្រចាំថ្ងៃរបស់ប្អូន។

ទឹកអាចប្រែប្រួលភាពរូបបាន។ តើវាប្រែប្រួលយ៉ាងដូចម្ដេចខ្លះ? និងនៅពេលណាខ្លះ?

ចំហាយទឹកភាយចេញពីទំនប់ស្រែអំបិលរបស់កសិករទៅក្នុងបរិយាកាសអស់ លំនាំនេះជាលំនាំរំហួត។ តើលំនាំរំហួតកើតមានឡើងដូចម្ដេច?

នៅពេលដែលត្រូវក្ដៅត្រូវខ្យល់ ដុំទឹកកកស្ងួតហើរអស់ទៅក្នុងបរិយាកាស។ លំនាំបែបនេះហៅថារំហើរ។ តើលំនាំរំហើរកើតឡើងដូចម្ដេច?

នៅពេលដែលយើងបើកគម្របឆ្នាំងបាយ ដែលទើបដាំឆ្អិនយើងឃើញមានតំណក់ទឹកតូចៗស្រក់ចេញពីគម្របឆ្នាំងបាយ តំណក់ទឹកតូចៗនោះជាកំណញើស។ តើដំណើរកំណញើសរបស់រូបធាតុកើតឡើងយ៉ាងដូចម្តេច?

នៅពេលដែលឃើញផ្សែងភាយឡើងនៅគម្រប និងចំពុះកំសៀវ តារាដឹងថាទឹកនោះពុះ។ តើដំណើររំពុះរបស់រូបធាតុកើតឡើងយ៉ាងដូចម្តេច?

ពិសីដឹងថាទឹកសុទ្ធរាវប្រែទៅជារឹងដោយសារមានកំណកកើតឡើង។ តើដំណើរកំណករបស់រូបធាតុកើតឡើងយ៉ាងដូចម្តេច?