ដារ៉ាទៅសាលារៀនដោយសម្លៀកបំពាក់រៀបរយល្អមានភ្លីស្រួចមុតខុសពីសិស្សដទៃដោយគាត់តែងតែអ៊ុតខោអាវមុនស្លៀកទៅសាលារៀនដោយប្រើឆ្នាំងអ៊ុតអគ្គិសនី។ តើដារ៉ាត្រូវធ្វើដូចម្ដេចដើម្បីអោយឆ្នាំងអ៊ុតមានកម្ដៅនៅពេលអ៊ុត?

អ្នកគ្រូសុខខេងបានប្រាប់សិស្សអោយយកត្រលោកដូង២ ,៣ ទៅខាងក្រៅសាលារួចយកទៅក្របពីលើស្មៅដែលដុះនៅពីមុខសាលាមួយសប្ដាហ៍ក្រោយមកអ្នកគ្រូបាននាំសិស្សទៅបើកត្រលោករួចសង្កេតមើលឃើញស្មៅដែលគ្របក្នុងត្រលោកមានពណ៌លឿងស្លែតខុសពីស្មៅនៅខាងក្រៅ។ ហេតុបានជាស្មៅនៅខាងក្រៅមានពណ៌បៃតងហើយខាងក្នុងមានពណ៏លឿងស្លែត?

មករាបានយកទឹកមួយកំសៀវទៅដាំនៅលើចង្រ្កានប្រហែល២០នាទី ក្រោយមកក៏ឃើញមានផ្សែងភាយចេញតាមមាត់កំសៀវ។ ចូរប្អូនជ្រើសរើសបំលែងមួយខាងក្រោមដែលប្អូនយល់ថា អាចបណ្ដាលអោយកើតមានចំហាយទឹក៖ ក.បំលែងដោយល្បាយ ខ. បំលែងដោយពន្លឺ គ. បំលែងដោយអគ្គិសនី ឃ. បំលែងដោយកម្ដៅ

ដើម្បីធ្វើស្រូវអោយក្លាយទៅជាលាច តើត្រូវឆ្លងកាត់បំលែងអ្វី? ក. បំលែងដោយកម្ដៅ ខ. បំលែងដោយពន្លឺ គ. បំលែងដោយអគ្គិសនី ឃ.បំលែងដោយល្បាយ

មីងសុភី បានយកស្រូវដំណើបទៅកិន ដើម្បីយកអង្ករទៅធ្វើជានំបាយទ្រាប។ តើមីងសុភីធ្វើដូចម្ដេចខ្លះដើម្បីបាននំបាយទ្រាបឈ្ងុយឆ្ងាញ់?

ពូសេងបានប្រមូលផលស្រូវច្រើននៅរដូវវស្សាឆ្នាំនេះ។ ដោយពុំមានពន្លឺថ្ងៃសម្រាប់ហាលមិនគ្រប់គ្រាន់ តើគាត់ត្រូវធ្វើដូចម្តេចដើម្បីសំងួតស្រូវទាំងនោះ?

ទឹកមានសារៈប្រយោជន៍ណាស់ចំពោះជីវិតមនុស្ស សត្វ និងរុក្ខជាតិនៅលើផែនដី។ ចូរប្អូនរៀបរាប់ពីសារៈប្រយោជន៍របស់ទឹកនៅលើផែនដីយើង។

ចូរប្អូនរកឧទាហរណ៍ដែលបង្ហាញពីលំនាំរំហើរដែលប្អូនជួបប្រទះក្នុងជីវភាពរស់នៅប្រចាំថ្ងៃរបស់ប្អូនឲ្យបានយ៉ាងតិចមួយ។

ចូរប្អូនរកឧទាហរណ៍ដែលបង្ហាញពីលំនាំរំហួតដែលប្អូនជួបប្រទះក្នុងជីវភាពរស់នៅប្រចាំថ្ងៃរបស់ប្អូនឲ្យបានយ៉ាងតិចមួយ។

ចូរប្អូនរកឧទាហរណ៍ដែលបង្ហាញពីលំនាំរំពុះដែលប្អូនជួបប្រទះក្នុងជីវភាពរស់នៅប្រចាំថ្ងៃរបស់ប្អូនឲ្យបានយ៉ាងតិចមួយ។