.ព្រះពុទ្ធសាសនាមិនត្រឹមតែជាសាសនារបស់រដ្ឋប៉ុណ្ណោះទេតែបានក្លាយទៅជាវប្បធម៌របស់ជាតិខ្មែរ ក្នុងការកំណត់វិថីជីវិតរបស់ខ្មែរតាំងពីកើតរហូតដល់ស្លាប់មានន័យថាពុទ្ធសាសនាបានចាក់ឬសយ៉ាងមាំមកក្នងចិត្តគំនិតខ្មែរ ទំនោរខ្មែរ មនោគមន៍ខ្មែរ តាំងពីបុរាណមក ហើយបានស្ដែងចេញតាមរយៈទំនៀមទម្លាប់ប្រពៃណីដែលខ្មែរបានប្រតិបត្តិតៗគ្នាគ្រប់ជំនាន់។

ដើម្បីឱ្យប្រជាពលរដ្ឋដឹងពីមង្គល៣៨ប្រការ ខ្ញុំត្រូវ៖
-ខិតខំស្វែងយល់ពីអត្ថន័យនៃមង្គល៣៨
-ផ្សព្វផ្សាយឱ្យបានទូលំទូលាយទៅដល់សហគមន៍ តាមប្រព័ន្ធផ្សព្វផ្សាយនានា
-ផ្សព្វផ្សាយទៅដល់សាលា ដើម្បីឱ្យសិស្សានុសិស្សបានយល់ពីមង្គលពីមង្គល៣៨ប្រការ
-ប្រឹងប្រែងអនុវត្តមង្គលនេះរៀងៗខ្លួន។

កាលដើមឡើយមានអាចារ្យមួយក្រុមបានជជែកគ្នាពីរឿងមង្គលដោយអាចារ្យខ្លះប្រកាន់ថា ការឃើញដោយភ្នែកគឺជាមង្គល ការឮដោយត្រចៀកគឺជាមង្គលមួយ និងខ្លះទៀតថាការដឹងរសជាតិក៏ជាមង្គលមួយដែរ។ ការជជែកគ្នានេះពុំមានយោបល់ស្របគ្នាឡើយ និងដោយសារការស្រឡាញ់ចូលចិត្តជឿតាមអាចារ្យរៀងៗខ្លួនផងនោះមនុស្សបានបែងចែកគ្នាជាបីក្រុម ឯទេវតាដែលជាមិត្តនឹងក្រុមមនុស្សទាំងនោះក៏បានបែងចែកជាបីក្រុមដែរ។ អស់រយៈពេល១២ឆ្នាំកន្លងមកក្រុមនីមួយៗនៅតែស្វែងរកមង្គលមិនឃើញ។ ពេលនោះទេវតាទាំងឡាយក៏នាំគ្នាសួរព្រះឥន្ទ្រាធិរាជដើម្បីរកមង្គល។ បន្ទាប់ពីបានសួរដឹងពីរហេតុផលចប់សប់គ្រប់ហើយព្រះឥន្ទ្រាធិរាជក៏ឱ្យទេវតាទៅក្រាបបង្គំទួលសួរព្រះពុទ្ធជាម្ចាស់ពីរឿងមង្គលនេះ ហើយព្រះអង្គក៏បានសម្ដែងនូវមង្គល៣៨ប្រការដល់ពួកទេវតាក្នុងគ្រានោះឯង។