ជំងឺទឹកនោមផ្អែមជាជំងឺដែលបរិមាណគ្លុយកូសក្នុងឈាមលើស ហើយត្រូវបញ្ចេញចោលតាមទឹកនោម។ នេះជារោគសញ្ញានៃជំងឺទឹកនោមផ្អែម។

ជំងឺលើសឈាមបណ្តាលមកពីខ្លាញ់នៅក្នុងស្រទាប់សរសៃឈាមអាកទែលូតលាស់ខ្លាំង។ ស្រទាប់ខ្លាញ់នេះធ្វើឱ្យភាពយឺតរបស់សរសៃអាកទែថយចុះ ដែលធ្វើឱ្យការបញ្ចូនឈាមពីបេះដូងទៅក្នុងសរសៃអាកទែប្រព្រឹត្តទៅមិនប្រក្រតី។ សំពាធឈាមនៅក្នុងសរសៃអាកទែក៏កើន-ឡើង។

ជំងឺធាត់បណ្តាលមកពីការបរិភោគអាហារច្រើនហួសក្នុងរយៈពេលយូរ។ អ្នកធាត់ហួសបានទទួលថាមពលពីអាហារច្រើនជាងថាមពលដែលគេបញ្ចេញ។ ខ្លាញ់ក៏ស្តុកទុកជាច្រើនហើយមនុស្សក៏កើនទម្ងន់ខ្លាំង។

ជំងឺកង្វះអាហារបណ្តាលមកពីការបរិភោគអាហារខ្វះសារធាតុចិញ្ចឹមពិសេសមួយប្រភេទដូចជា កង្វះប្រូតេអ៊ីន កង្វះវីតាមីនបេ(B) សេ(C) ឬជាតិដែកក្នុងអាហារដូច-ជាជំងឺស្លេក។

ជំងឺទល់លាមកជាជំងឺដែលលាមកក្លាយទៅជាស្ងួតរឹង ហើយពោះវៀនពិបាកធ្វើចលនា ឬមិនអាចបញ្ចេញ-លាមកមកក្រៅសារពាង្គកាយបាន។ ជំងឺនេះបណ្តាល មកពីកង្វះជាតិសែលុយឡូសក្នុងអាហារ ការបរិភោគមិនទៀងទាត់ ការផឹកទឹកតិចពេក កង្វះលំហាត់ប្រាណ…..។