វិទ្យាសាស្ត្រជាអាវុធមុខពីរ មានន័យថា វាបានជួយផ្ដល់ ឬជួយសម្រួលដល់មនុស្ស និងធ្វើឱ្យសង្គមមនុស្សរីកចម្រើនដោយទទួលបានប្រណីតភាព សុខុមាលភាព ផាសុកភាពជាច្រើនប្រការ ប៉ុន្ដែវាក៏បានធ្វើឱ្យសង្គមមនុស្សជួបបញ្ហាស្មុគស្មាញជាច្រើនវិញដែរ។ ការពិតវិទ្យាសាស្ត្រមិនមែនអាក្រក់ ឬផ្ដល់ផលអវិជ្ជមាននោះទេ ប៉ុន្ដែអ្វីដែលអវិជ្ជមាន ឬកំហុសឆ្គងនោះគឺ មនុស្សខ្លះយកវិទ្យាសាស្ត្រទៅប្រើក្នុងផ្លូវអាក្រក់ ផ្លូវអសីលធម៌។

អ្នកបួសក្នុងសាសនាតៅ ត្រូវបានហាមឃាត់មិនឱ្យសម្លាប់ជីវិតមនុស្សសត្វ មិនបរិភោគសាច់ មិនផឹកស្រា មិននិយាយភូតកុហក មិនលួចទ្រព្យសម្បត្តិអ្នកដទៃ មិនលួចប្រពន្ធកូនគេ ហើយអ្នកបួសមិនអនុញ្ញាតឱ្យរៀបការទេ។

ការអប់រំទូន្មាន ប្រៀនប្រដៅក្នុងសាសនាតៅមាន៖
– អ្នកណាស្គាល់អ្នកដទៃ អ្នកនោះជាបណ្ឌិត តែអ្នកណាស្គាល់ខ្លួនឯង អ្នកនោះជាអ្នកភ្ញាក់រលឹកហើយ
– អ្នកណាឈ្នះអ្នកដទៃ អ្នកនោះជាមនុស្សពូកែ តែអ្នកណាឈ្នះខ្លួនឯង អ្នកនោះជាមនុស្សមានតេជះ
– អ្នកណាស្គាល់ប្រមាណ អ្នកនោះជាមនុស្សខ្ជាប់ខ្ជួន
– អ្នកណា កាលបើស្លាប់ហើយ នៅមានគេរំលឹកដល់ អ្នកនោះឈ្មោះថា គង់នៅឋិតឋេរ រហូតដល់អាយុមេឃដី
– មិនមានបាបអ្វីធ្ងន់ធ្ងរស្នើនឹងបណ្ដោយខ្លួន ឱ្យធ្លាក់ទៅតាមសេចក្ដីប្រាថ្នាក្ដៅក្រហាយ មិនមានទុក្ខធ្វីធំជាងសេចក្ដីមិនសន្ដោស មិនមានវិបត្តិអ្វី អំណាចខ្លាំងក្រៃលែងជាងសេចក្ដីលោភ
– គប្បីធ្វើល្អ តបចំពោះអ្នកធ្វើល្អក្ដី ឬអ្នកដែលធ្វើអាក្រក់ក្ដី