ក្រោយពីសេពគ្រឿងញៀន សុភក្ដិមានកម្លាំងជាងមុន មិនងងុយដេក មិនឃ្លាន មានអារម្មណ៍រីករាយ កាន់តែក្លានហាន ដែលគាត់គិតថាគ្រឿងញៀនបានជួយបន្ធូរសេចក្ដីទុក្ខសោករបស់ខ្លួន។

ចម្លើយ៖(តាមការជាក់ស្ដែងនៃចម្លើយរបស់សិស្ស)
ការចេះអធ្យាស្រ័យ និងគោរពគ្នានៅក្នុងសង្គមពហុសាសនា នាំមកអត្ថប្រយោជន៍ដល់មនុស្ស សង្គមជាតិ និងពិភពលោកដូចជា៖
– គ្មានការរើសអើង ការចំអក ឬការស្អប់ខ្ពើមគ្នា
– គ្មានសង្គ្រាមផ្នែកសាសនាកើតមានឡើង
– មានភាពស្ងប់ស្ងៀមនៅក្នុងសង្គមនិងប្រទេសជាតិទាំងមូល
– គ្មានអំពើឃោរឃៅ ការកាប់សម្លាប់គ្នា
– សង្គមមានសណ្ដាប់ធ្នាប់ និងរបៀបរៀបរយ
– មនុស្សរស់នៅប្រកបដោយភាពសុខដុមរមនា
– គ្មានវិបត្តិផ្លូវចិត្ត និងផ្លូវកាយ
– ពិភពលោកមានសន្ដិភាព និងការអភិវឌ្ឍ

ការប្រើប្រាស់វិទ្យាសាស្ត្រគ្មានសាសនាចូលរួម គឺការផលិតថ្នាំសម្លាប់កណ្ដុរ។ អ្នកវិទ្យាសាស្ត្រខិតខំស្រាវជ្រាវរករូបមន្ដ ដើម្បីផលិតជាថ្នាំម្យ៉ាងសម្រាប់សម្លាប់សត្វកណ្ដុរ ដែលវាជាពពួកសត្វចង្រៃបំផ្លាញដំណាំ ឬសំភារៈប្រើប្រាស់ផ្សេងៗ។ ក៏ប៉ុន្ដែមនុស្សមួយចំនួនដែលមិនទទួលការអប់រំ ឬការប្រៀនប្រដៅពីសាសនា បានយកថ្នាំនេះ ទៅប្រើសម្រាប់សម្លាប់មនុស្សជាដើម។

ប្រសិនបើ សង្គមមួយគ្មានការអធ្យាស្រ័យ និងការគោរព នោះវានឹងនាំឱ្យកើតមានការរើសអើង ការចំអក ឬការស្អប់ខ្ពើម ហើយវាក៏អាចបង្កើតឱ្យមានសង្គ្រាមផ្នែកសាសនាផងដែរ ដែលជាហេតុធ្វើឱ្យបាត់បង់សន្ដិភាពនិងភាពស្ងប់ស្ងៀមរបស់សង្គមនិងប្រទេស។

ទំនាក់ទំនងវិទ្យាសាស្ត្រនិងសាសនាគឺ
– ប្រសិនបើមិនមានសាសនាចូលរួមជាមួយវិទ្យាសាស្ត្រទេ នោះនឹងក្លាយទៅជាវិទ្យាសាស្ត្របំផ្លាញមនុស្សជាតិ ធ្វើឱ្យមនុស្សមានមហិច្ឆតា លោភលន់ពុំចេះចប់ក្នុងការបម្រើតែផលប្រយោជន៍ខ្លួនឯង និងបង្កើតឱ្យមានជម្លោះរវាងមនុស្សផងគ្នានិងធ្វើឱ្យសង្គមមនុស្សមានភាពអន្តរាយ។
– ប្រសិនបើសាសនាគ្មានវិទ្យាសាស្ត្រវិញនោះនឹងធ្វើឱ្យមានភាពងងឹត សង្គមមនុស្សនឹងក្លាយទៅជាសង្គមបុព្វកាល គ្មានការរីកចម្រើននិងគ្មានការអភិវឌ្ឍ។
ដូច្នេះ វិទ្យាសាស្ត្រដែលមានការទាក់ទងជិតស្និទ្ធជាមួយសាសនា ឬសហការដើរទន្ទឹមជាមួយសាសនា នោះមនុស្សជាតិនឹងរស់នៅប្រកបដោយភាពសុខសាន្ដ សុខដុមរមនា គ្មានការគំរាមកំហែង គ្មានការជិះជាន់កេងប្រវ័ញ្ចរវាងមនុស្សផងគ្នា។ សាសនាអប់រំស្នារតីមនុស្សឱ្យមានចិត្តមេត្តា ករុណា ដឹងនាំមនុស្សឱ្យរស់នៅក្នុងសុខសន្ដិភាពនិងសុភមង្គលផ្លូវចិត្ត ចំណែកវិទ្យាសាស្ត្រជាអ្នកផលិតសម្ភារៈដែលមានប្រយោជន៍សម្រាប់បម្រើសេចក្ដីត្រូវការរបស់មនុស្ស។