ជំងឺបង្កឡើងពីផ្សិតមានដូចជា ជំងឺផ្សិតដែលកើតមាននៅត្រង់ចន្លោះម្រាមជើងបណ្ដាលឱ្យរមាស់និងកន្ទួលក្រហល់ក្រហាយ ជំងឺស្រែនិងជំងឺផ្សិតផ្សេងទៀតបណ្ដាលឱ្យរមាស់និងកន្ទួលនៅលើស្បែក។

• អង់ទីប្យូទិច មួយចំនួនចម្រាញ់ចេញពី បាក់តេរី និងផ្សិត។

• អ្នកបំបែកមានដូចជា បាក់តេរី និងផ្សិត។ ឧទាហរណ៍ ផ្សិតមួយចំនួនរស់នៅក្នុងដី ជួយបំបែកសារធាតុសរីរាង្គរបស់ភាវៈរស់ដែលងាប់។ លំនាំនៃការបំបែកនោះផ្ដល់ប្រយោជន៍ដូចជា ជួយមិនឱ្យមានគំនរយ៉ាងច្រើននៃសាកសពសត្វនិងរុក្ខជាតិនៅលើផែនដី និងការបន្ថែមសារធាតុខនិជទៅឱ្យដី។

ពិពណ៌នាពីការផលិតនំប៉័ងដោយប្រើដំបែ ដំបូងគេ-ដាក់ថែមដំបែទៅក្នុងម្សៅទន់ៗដើម្បីឱ្យម្សៅឡើងមេ។ កោសិកាដំបែប្រើប្រាស់ស្ករក្នុងម្សៅទន់ៗធ្វើជាអាហារហើយផលិតជាឧស្ម័នកាបូនិច។ ឧស្ម័ននេះបង្កើតជាពពុះខ្យល់ដែលបណ្ដាលឱ្យម្សៅទន់ៗនោះឡើងមេ។ អ្នកឃើញពពុះខ្យល់ទាំងនេះដូចជារន្ធឬប្រហោងជាច្រើននៅពាសពេញក្នុងសាច់នំប៉័ង។

ពណ៌នាពីការស្រូបយកអាហាររបស់ផ្សិត គឺដំបូងផ្សិតដុះជាអ៊ីបនៅក្នុងអាហារ។ បន្ទាប់មកសារធាតុគីមីរំលាយអាហាររំលាយអាហារ)ជ្រាបពីអ៊ីបទៅក្នុងអាហារ។ សារធាតុគីមីនេះ បំបែកអាហារទៅជាម៉ូលេគុលតូចៗដែលអាចជ្រាបតាមអ៊ីបបាន។