ឧទាហរណ៍ ចំពោះដូ្រសូភីលមានមានក្រូម៉ូសូមអូម៉ូឡូក 4 គូ ដែលក្នុងនោះមានអូតូសូម 3 គូ និងក្រូម៉ូសូមភេទ 1 គូ :XX ចំពោះភេទញី និងXY ចំពោះភេទឈ្មោល។កំណកាម៉ែតប្រព្រឹត្តទៅដោយមានចំណែកមេយ៉ូស។ក្នុងចំណែកមេយ៉ូស មានការផ្ដាច់ចេញពីគ្នានៃគូក្រូម៉ូសូមអូម៉ូឡូក។ ដូច្នេះ ក្នុងកាម៉ែតនៃដ្រូសូភីលមានអូតូសូមចំនួន 3 និងក្រូម៉ូសូមភេទមួយ។ បើគិតតែក្រូម៉ូសូមភេទដ្រូសូភីលញីបង្កើតអូវុលតែមួយបែបដែលមានក្រូម៉ូសូមX ។ ដ្រូសូភីលឈ្មោលបង្កើតស្ពែម៉ាតូសូអ៊ីត 2 បែបដែលមានសមាមាត្រស្មើគ្នា មួយបែបមានក្រូម៉ូសូម X និងមួយបែបទៀតមានក្រូម៉ូសូម Y នៅពេលបង្កកំណើត បើស្ពែម៉ាតូសូអ៊ីត X រលាយចូលជាមួយអូវុល នោះនឹងកើតជាស៊ីកូតដែលមានសេណូទីប XX ហើយលូតលាស់ជាភេទញី។ បើស្ពែម៉ាតូសូអ៊ីតមានក្រូម៉ូសូម Y រលាយចូលជាមួយអូវុល នោះនឹងកើតជាស៊ីកូតមានក្រូម៉ូសូ XY ហើយលូតលាស់ជាភេទឈ្មោល។
P : XX x XY
កាម៉ែត P : X X , Y
F1 :XX XY
ញី50% ឈ្មោល50%

បានជាមានការលេចរូបរាងច្បាស់នៃក្រូម៉ូសូមក្នុងវគ្គមេតាផាស ពីព្រោះតែមានការរួញខ្លីនៃក្រូម៉ាទីន។ក្រូម៉ាទីតនីមួយៗ បង្កឡើងពីនុយក្លេអូភីឡាម៉ង់ដែលរងស្ពៀរកម្មរួញខ្លី។ នៅវគ្គមេតាផាស ស្ពៀរកម្មនេះប្រព្រឹត្តទៅដល់កម្រិតអតិបរិមា។ ដូច្នេះ ក្រូម៉ូសូមជាធាតុបង្កអចិន្ត្រៃយ៍នៃកោសិកា។ ប៉ុន្តែវាផ្លាស់ប្ដូររូបរាងទៅតាមចន្លោះវគ្គនិងវគ្គផ្សេងៗនៃមីតូស។

ភីឡាម៉ង់កើតឡើងពីម៉ូលេគុល ADNរុំលើដុំប្រូតេអ៊ីននីមួយៗចំនួន 2ជុំហើយតភ្ជាប់ពីដុំប្រូតេអ៊ីនមួយទៅដុំប្រូតេអ៊ីនមួយទៀត។ វាមានអង្កត់ផ្ចិត10 nm។