ទឹកខួរ គឺជាវត្ថុរាវដែលនៅចន្លោះរវាងស្រទាប់ខាងក្នុងបង្អស់និងស្រទាប់កណ្ដាល។ ទឹកខួរ មាននាទីដឹកនាំ
អុកស៊ីសែន គ្លុយកូស គោលិកាស អរម៉ូន និងការពារពីការប៉ះទង្គិចផ្សេងៗ។

• ខួរក្បាលរបស់បុរសមានទម្ងន់ 1 200 ទៅ 1 350 g ។
• ខួរក្បាលរបស់ស្ត្រីមានទម្ងន់ 1 00០ ទៅ1 250 g ហើយខួរក្បាលមានក្រឡាផ្ទៃប្រហែលពី 2 000 ទៅ2 100 cm2 ។

ផ្នែកខាងចុងអាក់សូនមានសារធាតុគីមីមួយប្រភេទ
មានសភាពជាពពុះតូចៗ។ នៅពេលអាំងភ្លុចប្រសាទធ្វើដំណើរទៅដល់ផ្នែកខាងចុងអាក់សូនពពុះនៃសារធាតុ-គីមីក៏ផ្ទុះ ហើយធ្វើចលនាឆ្លងកាត់ស៊ីណាប់។ នៅផ្នែកម្ខាងទៀត សារធាតុគីមីបង្កើតអាំងភ្លុចប្រសាទមួយថ្មីនៅក្នុងដង់ឌ្រីតមួយ។ ដង់ឌ្រីតនោះបញ្ជូនអាំងភ្លុចទៅកាន់តួកោសិការបស់វា ហើយឆ្លងចូលទៅអាក់សូន។ តាមវិធីនេះ អាំងភ្លុចប្រសាទធ្វើដំណើរពីណឺរ៉ូនមួយទៅណឺរ៉ូនមួយផ្សេងទៀត។

ក្នុងរូបភាពទី 1.10 មានណឺរ៉ូន 3 ប្រភេទចូលរួមគឺ៖
• ណឺរ៉ូនវិញ្ញាណនាំ : នៅពេលធ្មួលវិញ្ញាណចាប់យករំញោចពីមជ្ឈដ្ឋានខាងក្រៅ អាំងភ្លុចប្រសា-ទកើតឡើងភ្លាម។ ធ្មួលនៅក្នុងត្រចៀក ចាប់យកសូរសំឡេងរោទ៍របស់ទូរស័ព្ទ ហើយបង្កើត អាំងភ្លុចប្រសាទ នៅក្នុងណឺរ៉ូនវិញ្ញាណនាំ។
• ណឺរ៉ូនភ្ជាប់ : ចេញពីណឺរ៉ូនវិញ្ញាណនាំ អាំងភ្លុច-ប្រសាទឆ្លងកាត់ទៅណឺរ៉ូនភ្ជាប់ដែលស្ថិតនៅក្នុងខួរក្បាល។ នៅពេលនោះ ខួរក្បាលបកស្រាយអាំងភ្លុចប្រសាទ ដែលបានមកពីណឺរ៉ូនភ្ជាប់ ហើយធ្វើឱ្យដឹងថា ទូរស័ព្ទកំពុងរោទ៍។ ខួរក្បាលក៏សម្រចចិត្តថា តើគួរតែឆ្លើយតបតាម ទូរស័ព្ទឬទេ?
• ណឺរ៉ូនចលករ : បន្ទាប់មកអាំងភ្លុចប្រសាទធ្វើ ដំណើរតាមបណ្ដោយណឺរ៉ូនចលកររាប់ពាន់។
ណឺរ៉ូនចលករបញ្ជូនអាំងភ្លុចប្រសាទទៅកាន់សាច់ដុំ។ សាច់ដុំឆ្លើយតប ដោយការលើក ទូរស័ព្ទ។