បើពាក់ព័ន្ធនឹងនាទី ណឺរ៉ូនចែកចេញជា 3 ប្រភេទគឺ៖
• ណឺរ៉ូនវិញ្ញាណនាំ : មាននាទីដឹកនាំព័ត៌មាន ចេញពីធ្មួលវិញ្ញាណទៅកាន់មជ្ឈមណ្ឌលប្រសាទ។តួកោសិកាប្រសាទ ស្ថិតនៅតាមបណ្ដោយសរសៃប្រសាទ។ នៅក្នុងសរសៃប្រសាទ ណឺរ៉ូនវិញ្ញាណនាំទាំងអស់ មានតួកោសិការបស់វាស្ថិតនៅក្នុងកន្លែងមួយ ដែលបង្កើតបានជាកំពកមួយ(កង់គ្លីយ៉ុង)នៅលើសរសៃប្រសាទ។
• ណឺរ៉ូនចលករ : មាននាទីដឹកនាំព័ត៌មានពីមជ្ឈ-មណ្ឌលប្រសាទទៅកាន់សរីរាង្គប្រតិកម្ម(សាច់-ដុំឬក្រពេញ)។ តួកោសិកាប្រសាទ ស្ថិតនៅខាងចុងម្ខាងនៃណឺរ៉ូនដែលកប់នៅក្នុងខួរក្បាលឬខួរឆ្អឹងខ្នង។
• ណឺរ៉ូនភ្ជាប់ : មាននាទីបញ្ជូនបន្តនូវព័ត៌មាន ចេញពីណឺរ៉ូនមួយទៅណឺរ៉ូនមួយទៀត។ វាអាចបង្កើតឱ្យមានការតភ្ជាប់យ៉ាងច្រើនជាមួយ ណឺរ៉ូនផ្សេងៗទៀត។ ណឺរ៉ូននេះមានៅក្នុង មជ្ឈមណ្ឌលប្រសាទ។

រូបផ្គុំណឺរ៉ូនមាន 3 ផ្នែកគឺ៖
• ដង់ឌ្រីត : ជាសរសៃឆ្មារៗ ហើយខ្លីដែលបែកចេញពីតួកោសិកា។ ជាទូទៅ ដង់ឌ្រីតដឹកនាំអាំងភ្លុចប្រសាទ ហើយបញ្ជូនទៅកាន់តួកោសិ-កាណឺរ៉ូន។ ដង់ឌ្រីតទទួលព័ត៌មានពីណឺរ៉ូន ផ្សេងៗទៀត។
• តួកោសិកា : ណឺរ៉ូនមានតួកោសិកាធំៗ ហើយចែកចេញជាសរសៃឆ្មាៗ ហៅថាដង់ឌ្រីតនិង អាក់សូន។ តួកោសិកាមានផ្ទុកមីតូកុងឌ្រី ប្រដាប់កុលស៊ី សារធាតុនីស និងណឺរ៉ូភីប្រ៊ី។ សកម្មភាពមេតាប៉ូលីសភាគច្រើននៃកោសិកាប្រសាទកើតមាននៅក្នុងតួកោសិកា។
• អាក់សូន : ជាពន្លយដែលបែកចេញពីតួកោសិ-កា ហើយមានទម្រង់ដូចជាដង់ឌ្រីតដែរ។ ផ្ទុយពីដង់ឌ្រីត អាក់សូនមានតែមួយ វែង(លើសពី 1m) ហើយធំ។

នាទីប្រព័ន្ធប្រសាទមនុស្សមាន 3 បែបគឺ៖
• ការទទួលព័ត៌មាន : អ្នកអាចដឹងពីអ្វីៗដែលកើ-តមាននៅក្នុងមជ្ឈដ្ឋានជុំវិញខ្លួនរបស់អ្នកដោយ
សារប្រព័ន្ធប្រសាទ។ ឧទាហរណ៍ អ្នកដឹងថា សត្វមូសកំពុងហើរបន្លឺសំឡេងលើក្បាលរបស់អ្នកខ្យល់កំពុងបក់ ឬមិត្តកំពុងនិយាយរឿងកំប្លែង។ប្រព័ន្ធប្រសាទក៏ត្រូវត្រួតពិនិត្យនៅលក្ខខណ្ឌ-ខាងក្នុងសារពាង្គកាយរបស់អ្នកដែរ ដូចជាកម្រិ-តស្ករ(គ្លុយកូស)ក្នុងឈាមជាដើម។

ការឆ្លើយតបនឹងព័ត៌មាន : បម្រែបម្រួលណាមួ-យនៅក្នុងមជ្ឈដ្ឋានខាងក្រៅ ដែលធ្វើឱ្យ សារពាង្គកាយមានប្រតិកម្មតប ហៅថា រំញោច ។ ឧទាហរណ៍ សំឡេងងូងៗរបស់មូសជារំញោច។ បន្ទាប់ពីប្រព័ន្ធប្រសាទវិភាគរំញោចនេះ ហើយ វាក៏បណ្ដាលឱ្យមានតំណប។ តំណបជាសកម្មភាពដែលសារពាង្គកាយរបស់អ្នកមានប្រតិកម្មនឹងរំញោច ដូចជាអ្នកទះមូសជាដើម។ តំណប-ខ្លះរបស់ប្រព័ន្ធប្រសាទជាសកម្មភាពឆន្ទៈឬស្ថិត
ក្រោមការត្រួតពិនិត្យរបស់អ្នក(ទះមូស)។ ប៉ុន្តែមានដំណើរការជាច្រើនចាំបាច់សម្រាប់ជីវិតដែ-លស្ថិតក្រោមការត្រួតពិនិត្យនៃប្រព័ន្ធប្រសាទ-
• អឆន្ទៈ ដូចជាការកន្ត្រាក់របស់បេះដូងជាដើម។

• តំហែរក្សាថេរលំនឹង : ប្រព័ន្ធប្រសាទជួយថែរក្សាលំនឹង ដោយបញ្ជាឱ្យសារពាង្គកាយឆ្លើយតប
ឱ្យបានសមស្របនឹងព័ត៌មានដែលទទួលបាន។
ឧទាហរណ៍ នៅពេលអ្នកឃ្លាន អ្នកត្រូវបរិភោគ
អាហារ។ សកម្មភាពនេះជួយក្នុងការថែរក្សា លំនឹងដោយផ្គត់ផ្គង់ឱ្យសារពាង្គកាយអ្នកទទួលបាននូវសារធាតុចិញ្ចឹមនិងថាមពលតាមតម្រូវការ។

ឧទាហរណ៍ សរីរាង្គវីញ្ញាណរបស់សត្វដែលប្រសើរជាងមនុស្សមានដូចតទៅ៖
• ចក្ខុវិញ្ញាណ ឧ.សត្វដែលមើលឃើញពណ៌ច្បាស់ជាងមនុស្សគឺមានដូចជា សត្វត្រី អណ្ដើក និង បក្សី។
• សោតវិញ្ញាណ ឧ.សត្វដែលរួសជាមួយសំឡេងខ្ពស់ជាងមនុស្សមានដូចជា សត្វដំរី ឆ្កែ ប្រចៀវ និងផ្សោត។
• សត្វដែលមានឃានវិញ្ញាណប្រសើរជាងមនុស្សគឺឆ្កែ ឆ្មា …។