“ធារិទ្ធ” បានជួបប្រទះហេតុការណ៍គ្រោះថ្នាក់ចរាចរមួយ ក្នុងស្ថានភាពស្រាល អ្នកបើកបរម៉ូតូប៉ះទង្គិចជាមួយអ្នកជិះកង់ ហើយអ្នកទាំងពីរមានរបួសស្រាល គឺម្នាក់មានឈាមនៅកែងដៃនិងហើមថ្ងាស់បន្តិចនិងម្នាក់ទៀតមានសភាពញ័រភិតភ័យបន្តិច។ អំឡុងពេលនោះ ”ធារិទ្ធ” ក៏បានជួយសង្គ្រោះបឋមដល់ពួកគាត់ទាំងពីរ និង សម្រួលការចាំបាច់ផ្សេងៗដែលអាចធ្វើទៅបាន។ យោងលើអំណះអំណាង “ធារិទ្ធ” ត្រូវបានជួយសង្គ្រោះបឋមដល់ជនទាំងពីរ ក្នុងហេតុផលសីលធម៌មនុស្សទូទៅមួយក្នុងសង្គម ក្នុងពេលជួបទុក្ខធុរៈដែលអាចបង្កភាពធ្ងន់ធ្ងរណាមួយទៅដល់អាយុជីវិតមនុស្សតាមដងវិថីនានា ដូច្នេះ យើងអាចសន្និដ្ឋានបានថា៖ ទោះបីហេតុការណ៍នោះស្ថិតក្នុងស្ថានភាពស្រាលឬធ្ងន់ធ្ងរក៏ដោយចាំបាច់ត្រូវសង្រ្គោះជីវិតជាមុន។

ក្នុងសង្គមមួយមានរូបភាពកើតឡើងច្រើនសណ្ឋាន ច្រើនទម្រង់ណាស់ក្នុងពេលវេលាមួយជាក់លាក់។
មូលដ្ឋានក្នុងការប្រើប្រាស់គំនិតយល់ឃើញរបស់អ្នកសម្រាប់បានការសន្និដ្ឋានមួយភ្លាមៗ គឺត្រូវផ្អែកទៅលើ កត្តាដូចជា៖ ភូមិសាស្រ្ត ទីតាំង ប្រជាសាស្រ្ត វត្ថុបំណងហេតុ ថេរពេលវេលា វត្ថុតាង លក្ខណៈបច្ចេកទេសអង្កេត ការសាកសួរហេតុ និង ការឆ្លើយតបមកវិញស្របទៅតាមតឹកតាងបង្ហាញ ឬ ទោះបីស្របតាមការបំភ័ន្តហេតុយ៉ាងណា ឬក៏មិនជាក់ច្បាស់យ៉ាងណាក៏ដោយ។ ការសន្និដ្ឋានអ្នកអាចទទួលបានសម្រាប់គំនិតយល់ឃើញរបស់អ្នក គឺកើតមានឡើងនៅពេលដែលអ្នកក្តាប់បាននៅរាល់ព័ត៌មានជុំវិញនោះ ហើយវត្ថុបំណងដ៏សំខាន់និងចាំបាច់នោះសម្រាប់លទ្ធផល គឺត្រូវការនូវភស្តុតាងវត្ថុតាង លក្ខខណ្ឌបច្ចេកទេស ដែលត្រូវឆ្លើយតបទៅនឹងការពិនិត្យមានលើគំនិតអ្នក ទើបការយល់ដឹងការឃើញស្តែងចេញនូវគំនិតវិភាគនិង សំយោគ លេចចេញជាខ្លឹមសាររូបរាងសំដែងអាកប្បកិរិយា ដោយ ឡែកៗគ្នាមកខាងក្រៅជាក់ស្តែង។
ឧទាហរណ៍៖ ការតាមដាននូវព្រឹត្តការណ៍ណាមួយដែលបាន បង្ហាញផ្សព្វផ្សាយក្នុងបណ្តាញសង្គមហ្វេសប៊ុក មានដូចជា ព្រឹត្តការណ៍នយោបាយ ព្រឹត្តិការណ៍កីឡាប្រដាល់ជាដើម។

បានជាយុវជនយើងមួយចំនួនតែងតែប្រើប្រាស់គ្រឿងអេឡិចត្រូវនិចស្មាតហ្វូន និង បច្ចេកវិទ្យា គឺមិនចំគោលដៅសម្រាប់ឆ្លើយតបក្នុងវ័យសិក្សាដោយហេតុយល់ថា៖ ជាការសប្បាយរីករាយលើបច្ចេកវិទ្យាទំនើប បង្កភាព ងាយស្រួលលើអារម្មណ៍ខ្លួនប្រើប្រាស់សម្ភារៈនិយម ជាការគេចវេសម៉ោងសិក្សាដោយហេតុរៀនមិនទាន់គេ ឬជា ចេតនាមួយមិនសមរម្យ ការបង្អួតការបង្អួតប្រជែងទូរសព្ទទំនើបៗក្នុងហេតុបង្ហាញពីភាពឆើតឆាយជាដើម។

ដើម្បីជម្រុញឱ្យបាននូវសកម្មភាពការសិក្សារបស់អ្នកមានភាពប្រសើរជានិច្ច ដូចនេះក្នុងនាមអ្នកជាសិស្សម្នាក់ក្នុងសាលា ឬ ក្នុងសហគមន៍អ្នកមានគំនិតយល់ឃើញ និង ត្រូវមានសកម្មភាពក្នុងការអនុវត្តដើម្បីទទួលបានប្រសិទ្ធភាពអ្នកត្រូវ៖
• តាមដានព័ត៌មាន ឬហេតុការណ៍ពាក់ព័ន្ធការសិក្សារបស់អ្នកជាប្រចាំ
• ហ្វឹកហាត់និងស្វ័យស្រាវជ្រាវបន្ថែមលើចំនុចខ្វះខាតរបស់អ្នក
• ព្យាយាមនឹងបន្តអនុវត្តការងារក្នុងការបង្កើតអ្វីថ្មីរបស់អ្នកផ្អែកលើការសិក្សារបស់អ្នក
• បង្ហាញលទ្ធផលឬសមិទ្ធផលរបស់ដល់សាធារណៈជន ឬដល់បុគ្គលដែលអាចវាយតម្លៃស្នាដៃរបស់អ្នក
• ទទួលយកអ្វីដែលជាការរិះគន់កែលំអ និង ស្វ័យប្រតិបត្តិលើចំណុចខ្លាំងរបស់អ្នក
• ចៀសវាងការដាក់បន្ទុកការងារមានសម្ពាធដែលអ្នកមិនប្រាកដថាអនុវត្តបានភ្លាមៗឬត្រូវប្រើពេល
• ត្រូវបង្កើនការថែរក្សាសុខភាពផ្លូវផ្លូវចិត្ត និងផ្លូវកាយតាមរយៈការគិតវិជ្ជមាននិងហាត់ប្រាណជាដើម។

1. កត្តាដែលបណ្តាលឱ្យប្រជាពលរដ្ឋយល់ឃើញ និងចូលរួមសហការណ៍អនុវត្ត ទៅតាមវិធានការណ៍របស់រាជរដ្ឋាភិបាលយ៉ាងយកចិត្តទុកដាក់បំផុតនោះគឺ “ជំងឺកូវីត១៩” ជាជំងឺឆ្លងទាន់សម័យកាចសាហាវមួយ ដែលមានឥទ្ធិលពលចម្លងពីមនុស្សទៅកាន់មនុស្ស តាមរយៈការប្រាស្រ័យទាក់ទងគ្នា ការប៉ះពាល់ និងបានយ៉ាងរហ័សនិងប្រឈមនឹងការមរណៈខ្ពស់បំផុត។ ក្នុងពិភពលោកបានកំពុងជួបវិវត្តនេះដូចគ្នា មាន បណ្តាប្រទេសជាច្រើន គឺមានអ្នកជំងឺឆ្លងនិងស្លាប់ច្រើន ហើយកម្ពុជាយើងក៏ទទួលរងផលប៉ះបាល់នេះដែរ។ ដោយមានការយកចិត្តទុកដាក់ខ្ពស់បំផុតដើម្បីទប់ស្កាត់ការរីករាលដាលជំងឺកាចសាហាវមួយនេះ រាជរដ្ឋាភិបាលកម្ពុជា បានដាក់ចេញនូវវិធានការណ៍ចម្បងដល់ប្រជាពលរដ្ឋចូលរួមអនុវត្តកុំបីខាននោះគឺ
“៣ការពារ និង ៣កុំ”។

2. រាជរដ្ឋាភិបាលកម្ពុជា បានចេញគោលនយោបាយការចាក់វ៉ាក់សាំងជូនប្រជាពលរដ្ឋជាអាទិភាពទី១ក្នុងការប្រយុទ្ធនឹងកូវីត១៩ព្រោះ៖ យោងលើបទដ្ឋានបច្ចេកទេសវេជ្ជសាស្រ្ត ក៏ដូចជាការសិក្សាឈ្វេងយល់ស្រាវជ្រាវផ្សេងៗ បែបវិទ្យាសាស្រ្តនោះ រាជរដ្ឋាភិបាលទទួលនឹងឯកភាពលើគោលការណ៍រួមជាតិ ដោយអនុវត្តលើការចាក់វ៉ាក់សាំងប្រឆាំងកូវីតតែមួយមុខប៉ុណ្ណោះ ជូនដល់ប្រជាជនកម្ពុជាក្នុងក្របខណ្ឌទូទាំងប្រទេសទើបធានាបានប្រសិទ្ធភាពខ្ពស់សម្រាប់សុខុមាលភាពសង្គមកិច្ចនិងសុវត្ថិភាពសង្គម។