ចំណុចដែលគេកំពុងយកចិត្តទុកដាក់នោះមានដូចជា៖
 ឲ្យក្មេងប្រុស ក្មេងស្រីមានសិទ្ធិស្មើគ្នា
 លើកកម្ពស់ការអប់រំដូចគ្នា
 ការគាំទ្រផ្នែកសុខភាពដូចគ្នា
 អាចបញ្ចេញសមត្ថភាពបានដូចគ្នា
 អាចបន្តការអប់រំដល់ថ្នាក់ឧត្ដម
 ការលើកកម្ពស់លើកទឹកចិត្តឲ្យក្មេងមានភាពក្លាហាន។

គ្រួសារនិងសហគមន៍ភាគច្រើនមានការគិតទុកនិងការប្រព្រឹត្តទៅលើកូនស្រី កូនប្រុស ខុសគ្នា ដូចជា គ្រួសារខ្លះបានផ្តល់ឱកាសដល់កូនប្រុសឱ្យទទួលបានការអប់រំរៀនសូត្របានជ្រៅជ្រះ បំប៉នចំណអាហារដល់កូនប្រុសច្រើនជាងកូនស្រី ។ កូនប្រុសអាចទទួលបានព័ត៌មានផ្សេងៗច្រើនជាងកូនស្រី ហើយកូនប្រុសមានសេរីភាពក្នុងការរាប់អានមិត្ត ។ កូនប្រុសត្រូវគ្រួសារនិងសហគមន៍ទូន្មានឱ្យមានភាពក្លាហានដើម្បីក្លាយជាអ្នកដឹកនាំគ្រួសារនិងសហគមន៍ ចំណែកកូនស្រី មិនទទួលឱកាសដូចកូនប្រុសទេ គ្រួសារទូន្មាននិងលើកទឹកចិត្តឱ្យធ្វើការងារផ្ទះ អត់ធ្មត់ សុភាពរាបសា ទន់ភ្លន់ ស្តាប់បង្គាប់ឪពុកម្ដាយ មិនត្រូវជំទាស់ និងមិនចាំបាច់រៀនសូត្រច្រើនទេ។ ម៉្យាងទៀតគ្រួសារភាគច្រើន បានរារាំងមិនឱ្យកូនស្រីទទួលបានព័ត៌មាន និងដឹងរឿងរ៉ាវច្រើន ដូចជាការអប់រំសុខភាពបន្តពូជ ទំនាក់ទំនងជាមួយមិត្តភក្ដិ និងមិនឱ្យនិយាយបញ្ចេញយោបល់ច្រើន។

យើងតែងសង្កេតឃើញថា៖ បច្ចេកវិទ្យាវិទ្យាសាស្រ្តកាន់តែវិវត្តទៅមុខឥតឈប់ឈរ។ ដើម្បីជម្រុញឱ្យសកម្មភាពរបស់អ្នកលើការប្រើប្រាស់បច្ចេកវិទ្យាបណ្តាញសង្គមនាពេលបច្ចុប្បន្ន ដោយមិនសូវមានផលប៉ះពាល់ដល់ចិត្តគំនិតរបស់អ្នកធ្ងន់ធ្ងរ៖ អ្នកត្រូវតែមានវិធីសាស្រ្តចូលរួមកាត់បន្ថយដូចជា៖
• ប្រើប្រាស់បច្ចេកវិទ្យាឱ្យគោលដៅប្រើស្របតាមការណែនាំ
• ត្រូវច្នៃបង្កើតនូវអ្វីដែលអាចជំនួសបានក្នុងហេតុផលកុំរំពឹងឬខ្ជះខ្ជាយ
• ប្រើប្រាស់សម្រាប់តម្រូវការចាំបាច់ ឬសម្រាប់ដោះស្រាយបញ្ហាបែបបច្ចេកវិទ្យា
• មិនត្រូវប្រើប្រាស់ហួសដែនកំណត់ ឬលើសពីលទ្ធភាពខ្លួន
• ប្រើប្រាស់ឧបករណ៍ជំនួយផ្សេងៗទប់ស្កាត់នូវសារធាតុគីមីឬវិទ្យុសកម្មផ្សេងៗដែលបង្កផលប៉ះពាល់ ដល់សុខភាព
• កុំទំនោរ ឬប្រើប្រាស់សញ្ចេតនារម្មខ្លាំងលើការប្រើប្រាស់សម្ភារៈនិយម (ស្មាតហ្វូន ឡាន ម៉ូតូ) អាចឱ្យ មានគំនិតមិនល្អក្នុងការអនុវត្តជាដើម។

អ្នកធ្លាប់យល់ឃើញថា៖ ខ្លួនអ្នកមិនអាចធ្វើអ្វីមួយបានដូចអ្នកដទៃក្រោមហេតុផលដូចជា៖
• ការបង្អាក់សកម្មភាព ការប្រមាថ ឬការម៉ាកងាយ
• ការមិនជម្រុញលើកទឹកចិត្តក្នុងលក្ខខណ្ឌមិនមានធនធាន ឬសម្ភារៈផ្សេងៗ
• ភាពភ័យខ្លាច ភាពមិនទទួលខុសត្រូវលើទង្វើដែលខ្លួនប្រព្រឹត្ត
• ការយល់ខ្លួនមិនអាចធ្វើអ្វីបានដូចគេ ឬ មិនដូចមិត្តភក្តិក្នុងលក្ខខណ្ឌណាមួយ
• ការមិនហ៊ានបង្ហាញពីសកម្មភាព ឬ អ្វីដែលខ្លួនអាចធ្វើបានដើម្បីទទួលបានការរិះគន់ត្រឡប់ជាដើម