ដើម្បីជម្រុញឱ្យបាននូវសកម្មភាពការសិក្សារបស់អ្នកមានភាពប្រសើរជានិច្ច ដូចនេះក្នុងនាមអ្នកជាសិស្សម្នាក់ក្នុងសាលា ឬ ក្នុងសហគមន៍អ្នកមានគំនិតយល់ឃើញ និង ត្រូវមានសកម្មភាពក្នុងការអនុវត្តដើម្បីទទួលបានប្រសិទ្ធភាពអ្នកត្រូវ៖
• តាមដានព័ត៌មាន ឬហេតុការណ៍ពាក់ព័ន្ធការសិក្សារបស់អ្នកជាប្រចាំ
• ហ្វឹកហាត់និងស្វ័យស្រាវជ្រាវបន្ថែមលើចំនុចខ្វះខាតរបស់អ្នក
• ព្យាយាមនឹងបន្តអនុវត្តការងារក្នុងការបង្កើតអ្វីថ្មីរបស់អ្នកផ្អែកលើការសិក្សារបស់អ្នក
• បង្ហាញលទ្ធផលឬសមិទ្ធផលរបស់ដល់សាធារណៈជន ឬដល់បុគ្គលដែលអាចវាយតម្លៃស្នាដៃរបស់អ្នក
• ទទួលយកអ្វីដែលជាការរិះគន់កែលំអ និង ស្វ័យប្រតិបត្តិលើចំណុចខ្លាំងរបស់អ្នក
• ចៀសវាងការដាក់បន្ទុកការងារមានសម្ពាធដែលអ្នកមិនប្រាកដថាអនុវត្តបានភ្លាមៗឬត្រូវប្រើពេល
• ត្រូវបង្កើនការថែរក្សាសុខភាពផ្លូវផ្លូវចិត្ត និងផ្លូវកាយតាមរយៈការគិតវិជ្ជមាននិងហាត់ប្រាណជាដើម។

1. កត្តាដែលបណ្តាលឱ្យប្រជាពលរដ្ឋយល់ឃើញ និងចូលរួមសហការណ៍អនុវត្ត ទៅតាមវិធានការណ៍របស់រាជរដ្ឋាភិបាលយ៉ាងយកចិត្តទុកដាក់បំផុតនោះគឺ “ជំងឺកូវីត១៩” ជាជំងឺឆ្លងទាន់សម័យកាចសាហាវមួយ ដែលមានឥទ្ធិលពលចម្លងពីមនុស្សទៅកាន់មនុស្ស តាមរយៈការប្រាស្រ័យទាក់ទងគ្នា ការប៉ះពាល់ និងបានយ៉ាងរហ័សនិងប្រឈមនឹងការមរណៈខ្ពស់បំផុត។ ក្នុងពិភពលោកបានកំពុងជួបវិវត្តនេះដូចគ្នា មាន បណ្តាប្រទេសជាច្រើន គឺមានអ្នកជំងឺឆ្លងនិងស្លាប់ច្រើន ហើយកម្ពុជាយើងក៏ទទួលរងផលប៉ះបាល់នេះដែរ។ ដោយមានការយកចិត្តទុកដាក់ខ្ពស់បំផុតដើម្បីទប់ស្កាត់ការរីករាលដាលជំងឺកាចសាហាវមួយនេះ រាជរដ្ឋាភិបាលកម្ពុជា បានដាក់ចេញនូវវិធានការណ៍ចម្បងដល់ប្រជាពលរដ្ឋចូលរួមអនុវត្តកុំបីខាននោះគឺ
“៣ការពារ និង ៣កុំ”។

2. រាជរដ្ឋាភិបាលកម្ពុជា បានចេញគោលនយោបាយការចាក់វ៉ាក់សាំងជូនប្រជាពលរដ្ឋជាអាទិភាពទី១ក្នុងការប្រយុទ្ធនឹងកូវីត១៩ព្រោះ៖ យោងលើបទដ្ឋានបច្ចេកទេសវេជ្ជសាស្រ្ត ក៏ដូចជាការសិក្សាឈ្វេងយល់ស្រាវជ្រាវផ្សេងៗ បែបវិទ្យាសាស្រ្តនោះ រាជរដ្ឋាភិបាលទទួលនឹងឯកភាពលើគោលការណ៍រួមជាតិ ដោយអនុវត្តលើការចាក់វ៉ាក់សាំងប្រឆាំងកូវីតតែមួយមុខប៉ុណ្ណោះ ជូនដល់ប្រជាជនកម្ពុជាក្នុងក្របខណ្ឌទូទាំងប្រទេសទើបធានាបានប្រសិទ្ធភាពខ្ពស់សម្រាប់សុខុមាលភាពសង្គមកិច្ចនិងសុវត្ថិភាពសង្គម។

បានជាក្នុងគ្រួសារអ្នកចាំបាច់ត្រូវកំណត់ប្រភេទការងារផ្សេងៗគ្នា ទៅតាមបុគ្គលមនុស្សសម្រាប់ជីវភាពប្រចាំថ្ងៃព្រោះ៖ ជីវភាពរស់នៅប្រចាំថ្ងៃផ្អែកលើសេដ្ឋកិច្ចគ្រួសារមួយ គឺត្រូវពឹងលើកម្លាំងពលកម្មនៃសមត្ថភាព ជំនាញ និងចំណេះផ្សេងៗគ្នា ត្រឹមតែតួនាទីភេទមិនអាចកំណត់ថាបុគ្គលនេះត្រូវអនុវត្តការងារមួយនេះឡើយ ផ្ទុយមក វិញការទទួលខុសត្រូវ សមត្ថភាព ចំណេះជំនាញមនុស្សស្របតាមតួនាទីភេទគឺចាំបាច់ណាស់ត្រូវបានប្រើប្រាស់សមស្រប និង តម្លៃនានាក្នុងវប្បធម៌ជាមូលដ្ឋានទូទៅ សម្រាប់ការរស់នៅរបស់ពួកគាត់ ដែលត្រូវទទួលបានផលកំរៃ ឬក៏ ផលប្រយោជន៍ត្រលប់ស្របតាមគោលការណ៍កំណត់ជាក់ជាក់ណាមួយ។

យើងសង្កេតឃើញនាបច្ចុប្បន្នភាព ផ្អែកលើវិទ្យាសាស្រ្តកាន់តែទំនើប ហើយស្ថានភាពផ្លាស់ប្រែប្តូរភេទ គឺមានច្រើនសំបូរបែបទៅតាមតម្រូវការមនុស្ស ប៉ុន្តែនៅតែមិនអាចផ្លាស់ប្រែបានទាំងស្រុងឡើយ។ ចំណុចលក្ខខណ្ឌដែលមិនអាចកែប្រែបាន ហើយអ្នកអាចកំណត់សំគាល់ទៅលើភេទបាន ទោះបីជាបុគ្គលម្នាក់នោះបានវះកាត់ផ្លាស់ប្រែភេទរួចហើយ គឺស្ថិតនៅត្រង់៖ កតា្តជីវសាស្រ្តធម្មជាតិមនុស្សដែលបានកំណត់ភេទ ស្របតាមកត្តាបម្រែ បម្រួលភិនភាគរូបរាង សរីរាង្គកាយ សំឡេងជាដើម។ ទោះបីជាមនុស្សម្នាក់គាត់ខិតខំកែប្រែវះកាត់ភេទក៏ដោយ ក៏នៅមិនអាចបំបាត់កត្តាជីវសាស្រ្តធម្មជាតតិរបស់បុគ្គលនោះបានឡើយ។ ឧទាហរណ៍៖ បុរសម្នាក់គាត់បានតុបតែងខ្លួនក្លាយជាស្រ្តី ហើយគាត់បានវះកាត់ប្រែសរីរាង្គភេទបន្តពូជគាត់ឱ្យក្លាយទៅជាទ្រង់ទ្រាយសរីរាង្គភេទបន្តពូជជាស្រ្តីបានក៏ដោយ ប៉ុន្តែជីវសាស្រ្តធម្មជាតិដូចជា សំឡេង និងការបន្តពូជពង្សដែលស្រ្តីគឺជាអ្នកពពោះនិងបង្កើតកូនបាននោះ គឺពិតណាស់គាត់មិនអាចផ្លាស់ប្រែបានឡើយ។

ការធ្វើពលកម្មរៀបចំសួនដំណាំនៅក្នុងសាលារៀនមួយ ត្រូវបានកំណត់ចាត់ចែងឱ្យសិស្សស្រីរៀបចំដាំដំណាំ ឯសិស្សប្រុសកាប់ដីធ្វើជាជួររោងដាំដំណាំ។ គឺយល់ស្របនឹងការកំណត់ជាមុនបែបនេះព្រោះ៖ ការកំណត់ និង បែងចែងស្របតាមលក្ខខណ្ឌតម្រូវការងារមួយ ផ្អែកទៅតាមស្ថានភាពជាក់ស្តែង និង ដំណោះស្រាយផ្សេងៗនោះសិស្សស្រីគឺជាភេទបានកំណត់លើភាពទន់ខ្សោយ ដែលចាំបាច់ណាស់ គឺត្រូវប្រើប្រាស់សកម្មភាព លទ្ធភាពកម្លាំងពលកម្មដោយការរៀបចំដាំដំណាំបន្លែ បន្ទាបពីសិស្សប្រុសគឺជាភេទបានកំណត់លើភាពមាំមួន ដែលចាំបាច់ គឺត្រូវប្រើប្រាស់កម្លាំងពលកម្មខ្លាំងត្រូវកាប់គាស់ដីឱ្យក្លាយជាជួររោងសម្រាប់ដាំដំណាំ។ ដូចនេះការកំណត់បែបនេះ សំដៅលើការបែងចែកភារកិច្ចស្របតាមកត្តាជីវសាស្រ្តធម្មជាតិនៃសិស្ស ដោយផ្អែកតាមស្ថានភាពការងារជាក់ស្តែង។