ផ្នត់គំនិតដែលធ្វើឲ្យប៉ះពាល់ទៅនឹងយេនឌ័រ ដូចជា គ្រួសារខ្លះបានផ្តល់ឱកាសដល់កូនប្រុសឱ្យទទួលបានការអប់រំរៀនសូត្របានជ្រៅជ្រះ បំប៉នចំណអាហារដល់កូនប្រុសច្រើនជាងកូនស្រីកូនប្រុសអាចទទួលបានព័ត៌មានផ្សេងៗច្រើនជាងកូនស្រី ហើយកូនប្រុសមានសេរីភាពក្នុងការរាប់អានមិត្តកូនប្រុសត្រូវគ្រួសារនិងសហគមន៍ទូន្មានឱ្យមានភាពក្លាហានដើម្បីក្លាយជាអ្នកដឹកនាំគ្រួសារនិងសហគមន៍ ចំណែកកូនស្រី មិនទទួលឱកាសដូចកូនប្រុសទេ ។ល។

ដើម្បីកែលម្អឬផ្លាស់ប្តូរផ្នត់គំនិតសង្គមដែលទាក់ទងនឹងយ៉េនឌ័របាន គឺត្រូវការអប់រំ ពេលវេលា ការបង្កើតច្បាប់ និង អនុវត្តច្បាប់ ។

ចំណុចដែលគេកំពុងយកចិត្តទុកដាក់នោះមានដូចជា៖
 ឲ្យក្មេងប្រុស ក្មេងស្រីមានសិទ្ធិស្មើគ្នា
 លើកកម្ពស់ការអប់រំដូចគ្នា
 ការគាំទ្រផ្នែកសុខភាពដូចគ្នា
 អាចបញ្ចេញសមត្ថភាពបានដូចគ្នា
 អាចបន្តការអប់រំដល់ថ្នាក់ឧត្ដម
 ការលើកកម្ពស់លើកទឹកចិត្តឲ្យក្មេងមានភាពក្លាហាន។

គ្រួសារនិងសហគមន៍ភាគច្រើនមានការគិតទុកនិងការប្រព្រឹត្តទៅលើកូនស្រី កូនប្រុស ខុសគ្នា ដូចជា គ្រួសារខ្លះបានផ្តល់ឱកាសដល់កូនប្រុសឱ្យទទួលបានការអប់រំរៀនសូត្របានជ្រៅជ្រះ បំប៉នចំណអាហារដល់កូនប្រុសច្រើនជាងកូនស្រី ។ កូនប្រុសអាចទទួលបានព័ត៌មានផ្សេងៗច្រើនជាងកូនស្រី ហើយកូនប្រុសមានសេរីភាពក្នុងការរាប់អានមិត្ត ។ កូនប្រុសត្រូវគ្រួសារនិងសហគមន៍ទូន្មានឱ្យមានភាពក្លាហានដើម្បីក្លាយជាអ្នកដឹកនាំគ្រួសារនិងសហគមន៍ ចំណែកកូនស្រី មិនទទួលឱកាសដូចកូនប្រុសទេ គ្រួសារទូន្មាននិងលើកទឹកចិត្តឱ្យធ្វើការងារផ្ទះ អត់ធ្មត់ សុភាពរាបសា ទន់ភ្លន់ ស្តាប់បង្គាប់ឪពុកម្ដាយ មិនត្រូវជំទាស់ និងមិនចាំបាច់រៀនសូត្រច្រើនទេ។ ម៉្យាងទៀតគ្រួសារភាគច្រើន បានរារាំងមិនឱ្យកូនស្រីទទួលបានព័ត៌មាន និងដឹងរឿងរ៉ាវច្រើន ដូចជាការអប់រំសុខភាពបន្តពូជ ទំនាក់ទំនងជាមួយមិត្តភក្ដិ និងមិនឱ្យនិយាយបញ្ចេញយោបល់ច្រើន។