យុវជនបច្ចុប្បន្នមួយចំនួនបានកំពុងនឹងវក់លេងហ្គេមអនឡាញ ច្រើនៗម៉ោងជាជាង ម៉ោងសិក្សារបស់ខ្លួន។ បានជាយុវជនទាំងនោះមានគំនិតអនុវត្តសកម្មភាពនេះព្រោះ៖ ស្របតាមបច្ចេកវិទ្យាទំនើប និងភាពជាយុវវ័យសប្បាយៗលើសម្ភារៈនិយមក៏ដូចជាកម្មវិធីហ្គេមអនឡាញសំបូរបែបផងនោះ ទើបបណ្តាលឱ្យយុវជន មួយចំនួនបានកំពុងតែវក់លុងខ្លាំងលើសកម្មភាពលេងហ្គេម ជាជាងការសិក្សាខ្លួន។ កត្តាបែបនេះ គឺមានផល ប៉ះពាល់ខ្លាំងណាស់លើអនាគត ក៏ដូចជាចំណេះដឹងទូទៅផ្សេងៗសម្រាប់យុវជនទាំងនោះ។ យើងសង្កេត ឃើញថាចប្ចុប្បន្ន អំពើអសីលធម៌ក្នុងសង្គមគឺមានស្ថានភាពបែបឃោឃៅ មានឆក់ ប្លន់ ឬករណីផ្សេងៗទៀត ដែលស្មានមិនដល់ប្រព្រឹត្តដោយយុវជនមួយចំនួននោះ ផ្អែកលើមូលហេតុយកតម្រាប់តាមឬក៏ផ្នត់គំនិតរបស់ពួកគេគឺមានស្ថានភាពវិបល្លាសជាដើម។ ឧទាហរណ៍៖ ករណីមួយនៅខេត្តសៀបរាម ដែលក្មេងប្រុសម្នាក់បានប្រព្រឹត្តទង្វើមិនគួរនឹងកើតឡើងបានបាញ់សម្លាប់ខ្លួនដោយហេតុផលមួយក្នុងការភ្នាល់ហ្គេមចាញ់គ្នាតាម អនឡាញបច្ចេកវិទ្យាទំនើបនេះ។

ក្នុងមួយថ្ងៃៗ មនុស្សយើងបានប្រើប្រាស់កម្លាំងពលកម្មលើរាងកាយ និង ចិត្តគំនិតច្រើនពេលច្រើនវេលាណាស់។ ដូច្នេះ៖ សូមអ្នកចំណាយពេលវេលាមួយចំនួនសម្រាប់ថែរក្សាសុខភាពផ្លូវកាយ និង ផ្លូវចិត្តដើម្បីធានាបានលទ្ធផលល្អដល់ជីវិតអ្នក សម្រាប់ធ្វើការឆ្លើយតបភាពស្រស់ថ្លាទៅកាន់តម្រូវការចិត្តកាយរបស់អ្នក។ អ្នកគប្បីចំណាយវេលាធ្វើអ្វីខ្លះដើម្បីចិត្តកាយរបស់អ្នកដូចជា៖
• ធ្វើលំហាត់ប្រាណ ធ្វើសមាធិ ឬ លំហាត់ការដកដង្ហើម
• ជួបជុំគ្រួសារដោយបរិយាកាសរីករាយ ការញាំអាហារជុំគ្រួសារ ការជជែកលេង
• ការសិក្សា ឬការអនុវត្តការងារប្រចាំថ្ងៃត្រូវមានគោលដៅច្បាស់លាស់ មានពេលវេលាកំណត់ជាក់លាក់
• ប្រឹក្សាយោបល់ ឬ ទទួលបានគំនិតល្អៗ ជាមួយម្តាយឪពុក មិត្តភក្តិ លោកគ្រូអ្នកគ្រូ បងប្អូន
• កុំសូវតឹងតែងនឹងហេតុការណ៍ឬការងារដែលជួបប្រទះពេក ដោះស្រាយទៅតាមលទ្ធភាពដែលអាចធ្វើ បាន

“ធារិទ្ធ” បានជួបប្រទះហេតុការណ៍គ្រោះថ្នាក់ចរាចរមួយ ក្នុងស្ថានភាពស្រាល អ្នកបើកបរម៉ូតូប៉ះទង្គិចជាមួយអ្នកជិះកង់ ហើយអ្នកទាំងពីរមានរបួសស្រាល គឺម្នាក់មានឈាមនៅកែងដៃនិងហើមថ្ងាស់បន្តិចនិងម្នាក់ទៀតមានសភាពញ័រភិតភ័យបន្តិច។ អំឡុងពេលនោះ ”ធារិទ្ធ” ក៏បានជួយសង្គ្រោះបឋមដល់ពួកគាត់ទាំងពីរ និង សម្រួលការចាំបាច់ផ្សេងៗដែលអាចធ្វើទៅបាន។ យោងលើអំណះអំណាង “ធារិទ្ធ” ត្រូវបានជួយសង្គ្រោះបឋមដល់ជនទាំងពីរ ក្នុងហេតុផលសីលធម៌មនុស្សទូទៅមួយក្នុងសង្គម ក្នុងពេលជួបទុក្ខធុរៈដែលអាចបង្កភាពធ្ងន់ធ្ងរណាមួយទៅដល់អាយុជីវិតមនុស្សតាមដងវិថីនានា ដូច្នេះ យើងអាចសន្និដ្ឋានបានថា៖ ទោះបីហេតុការណ៍នោះស្ថិតក្នុងស្ថានភាពស្រាលឬធ្ងន់ធ្ងរក៏ដោយចាំបាច់ត្រូវសង្រ្គោះជីវិតជាមុន។

ក្នុងសង្គមមួយមានរូបភាពកើតឡើងច្រើនសណ្ឋាន ច្រើនទម្រង់ណាស់ក្នុងពេលវេលាមួយជាក់លាក់។
មូលដ្ឋានក្នុងការប្រើប្រាស់គំនិតយល់ឃើញរបស់អ្នកសម្រាប់បានការសន្និដ្ឋានមួយភ្លាមៗ គឺត្រូវផ្អែកទៅលើ កត្តាដូចជា៖ ភូមិសាស្រ្ត ទីតាំង ប្រជាសាស្រ្ត វត្ថុបំណងហេតុ ថេរពេលវេលា វត្ថុតាង លក្ខណៈបច្ចេកទេសអង្កេត ការសាកសួរហេតុ និង ការឆ្លើយតបមកវិញស្របទៅតាមតឹកតាងបង្ហាញ ឬ ទោះបីស្របតាមការបំភ័ន្តហេតុយ៉ាងណា ឬក៏មិនជាក់ច្បាស់យ៉ាងណាក៏ដោយ។ ការសន្និដ្ឋានអ្នកអាចទទួលបានសម្រាប់គំនិតយល់ឃើញរបស់អ្នក គឺកើតមានឡើងនៅពេលដែលអ្នកក្តាប់បាននៅរាល់ព័ត៌មានជុំវិញនោះ ហើយវត្ថុបំណងដ៏សំខាន់និងចាំបាច់នោះសម្រាប់លទ្ធផល គឺត្រូវការនូវភស្តុតាងវត្ថុតាង លក្ខខណ្ឌបច្ចេកទេស ដែលត្រូវឆ្លើយតបទៅនឹងការពិនិត្យមានលើគំនិតអ្នក ទើបការយល់ដឹងការឃើញស្តែងចេញនូវគំនិតវិភាគនិង សំយោគ លេចចេញជាខ្លឹមសាររូបរាងសំដែងអាកប្បកិរិយា ដោយ ឡែកៗគ្នាមកខាងក្រៅជាក់ស្តែង។
ឧទាហរណ៍៖ ការតាមដាននូវព្រឹត្តការណ៍ណាមួយដែលបាន បង្ហាញផ្សព្វផ្សាយក្នុងបណ្តាញសង្គមហ្វេសប៊ុក មានដូចជា ព្រឹត្តការណ៍នយោបាយ ព្រឹត្តិការណ៍កីឡាប្រដាល់ជាដើម។

បានជាយុវជនយើងមួយចំនួនតែងតែប្រើប្រាស់គ្រឿងអេឡិចត្រូវនិចស្មាតហ្វូន និង បច្ចេកវិទ្យា គឺមិនចំគោលដៅសម្រាប់ឆ្លើយតបក្នុងវ័យសិក្សាដោយហេតុយល់ថា៖ ជាការសប្បាយរីករាយលើបច្ចេកវិទ្យាទំនើប បង្កភាព ងាយស្រួលលើអារម្មណ៍ខ្លួនប្រើប្រាស់សម្ភារៈនិយម ជាការគេចវេសម៉ោងសិក្សាដោយហេតុរៀនមិនទាន់គេ ឬជា ចេតនាមួយមិនសមរម្យ ការបង្អួតការបង្អួតប្រជែងទូរសព្ទទំនើបៗក្នុងហេតុបង្ហាញពីភាពឆើតឆាយជាដើម។