ភាពខុសគ្នារវាងចលនវត្ថុ និង អចលនវត្ថុត្រង់៖ -ចលនវត្ថុ ជាវត្ថុដែលអាចរំកិល ឬផ្លាស់ទីបាន ដូចជា តុ ទូ កៅអី.....។ -អចលនវត្ថុ ជាវត្ថុដែលមិនអាចផ្លាស់ទី រំកិលបានដោយខ្លួនឯង ដូចជា ព្រៃឈើ អាគារ ..............។

បានជាគេ ត្រូវមានភស្តុតាងគ្រប់គ្រាន់ទើបអាចធ្វើការចាប់ខ្លួនជនជាប់ចោទបានព្រោះ អ្នកខ្លះអាចត្រូវបានចោទប្រកាន់ទាំងដែលខ្លួនមិនបានប្រព្រឹត្តកំហុសផង ដូចនេះទើបទាមទារឱ្យមានភស្តុតាងគ្រប់គ្រាន់ជៀសវាងប៉ះពាល់ដល់កិត្តិយស សេចក្តីថ្លៃថ្នូររបស់ជននោះ។

បានជាប្រជាជន មិនអាចធ្វើទារុណកម្មលើជនជាប់ចោទបាន ដោយសារពួកគាត់ក៌មានសិទ្ធិដោយជាពលរដ្ឋទូទៅដែរ ហើយពួកគាត់ត្រូវការការស៊ើបអង្កេតជាមុន មុនសម្រេចថាមានទោស ឬគ្មានទោស ជៀសវាងទារុណកម្មខុសមនុស្ស។

ប្រសិនបើស្ថិតនៅក្នុងការចោទប្រកាន់ដូចបុរសម្នាក់នោះ អ្នកត្រូវ ៖  ស្វែងរកជំនួយពីអ្នកដ៌ទៃជាបន្ទាន់តាមតែអាចធ្វើបាន  ព្យាយាមការពារខ្លួនពីអ្នកទាំងនោះ  ទាមទារភស្តុតាងបញ្ជាក់  អាចដាក់ពាក្យប្តឹងទាមទារសំណងការខូចខាត

ចៅក្រមស៊ើបសួរ មិនអាចស៊ើបសួរអ្វីផ្សេងក្រៅពីអ្វីដែលដីកាសន្និដ្ឋានកំណត់ទេ ព្រោះវាហួសពីដែនសមត្ថកិច្ចដែលច្បាប់បានកំណត់សម្រាប់ចៅក្រមស៊ើបសួរ មួយទៀតវាអាចមិនជាប់ពាក្យព័ន្ធនឹងរឿងក្តីដែលត្រូវដោះស្រាយ នាំឱ្យមានភាពរញ៉េរញ៉ៃជាដើម។