ព្រោះនៅក្នុងលទ្ធិប្រជាធិបតេយ្យ ប្រជារាស្ត្រគឺជាម្ចាស់ទឹកដី ជាម្ចាស់លើជោគវាសនារបស់ប្រទេសជាតិ។ ប្រជាជន ជាអ្នកទទួលខុសត្រូវលើអនាគតរបស់ប្រទេស និងធ្វើការជ្រើសរើសតំណាងរបស់ខ្លួនក្នុងការដឹកនាំ ដើម្បីចាត់ចែងកិច្ចការរដ្ឋជំនួស។ លើសពីនេះ ភាពចាំបាច់ត្រូវបោះឆ្នោត គឺដើម្បីអនុវត្តតាមលទ្ធិប្រជាធិបតេយ្យពិត ប្រាកដ និងបណ្ដុះពូជលទ្ធិប្រជាធិបតេយ្យ ព្រមទាំងមានស្ថិរភាពខាងនយោបាយ សេដ្ឋកិច្ច និងសន្ដិសុខ។

ដើម្បីឱ្យដំណើរការបោះឆ្នោតដោយសេរី ជោគជ័យ មានតម្លាភាព ត្រឹមត្រូវនិងយុត្តិធម៌ គឺ៖
• គណៈកម្មាធិការរៀបចំការបោះឆ្នោត មានសមត្ថកិច្ចគ្រប់គ្រងការបោះឆ្នោត អនុម័តតាមគោលការណ៍ និងច្បាប់បោះឆ្នោត។
• ត្រូវមានអ្នកសង្កេតការណ៍អព្យាក្រឹត មិនលម្អៀង
• អ្នកបោះឆ្នោតត្រូវមានអត្តសញ្ញាណប័ណ្ឌ ឬប័ណ្ឌបោះឆ្នោត
• អ្នកបោះឆ្នោតត្រូវចូលទៅបោះក្នុងបន្ទប់សម្ងាត់ ដោយគ្មានការរំខានពីអ្នកដទៃ
• អ្នករាប់សន្លឹកឆ្នោតត្រូវរើសយកសន្លឹកឆ្នោតដែលអ្នកបោះឆ្នោតធ្វើបានត្រូវតាមលក្ខខណ្ឌជាផ្លូវការ
• រាប់សន្លឹកឆ្នោតដោយបើកចំហ និងធ្វើកំណត់ហេតុ ព្រមទាំងដោះស្រាយបញ្ហាបណ្ដឹងនានា
• ប្រកាសលទ្ធផលជាផ្លូវការ

ប្រជាពលរដ្ឋទាំងអស់ត្រូវបំពេញលក្ខខណ្ឌដូចជា៖
• មានសញ្ជាតិខ្មែរ
• មានទីលំនៅក្នុងភូមិ ឃុំ សង្កាត់ដែលខ្លួនកំពុងសុំចុះឈ្មោះ
• ត្រូវមានអាយុចាប់ពី១៨ឆ្នាំឡើងទៅ
• ត្រូវទៅចុះឈ្មោះដោយខ្លួនឯងផ្ទាល់
• មិនត្រូវស្ថិតក្នុងស្ថានភាពជាប់ព្ធនាគារ ពុំមែនជាជនវិកលចរិក ឬជនដែលស្ថិតក្រោមអាណាព្យាបាលដោយមានលិខិតបញ្ជាក់ពីក្រសួងស្ថាប័ន មានសមត្ថកិច្ច។

បេក្ខជនឈរឈ្មោះឱ្យគេបោះឆ្នោតជ្រើសរើសតំណាងរាស្ត្រនិងសមាជិករដ្ឋសភា ត្រូវមានៈ
• មានសញ្ជាតិខ្មែរ និងទីលំនៅក្នុងព្រះរាជាណាចក្រកម្ពុជា
• មានអាយុ២៥ឆ្នាំចំពោះបេក្ខជនតំណាងរាស្ត្រ និង៤០ឆ្នាំចំពោះបេក្ខជនសមាជិកព្រឹទ្ធសភា
• សិទ្ធិបោះឆ្នោត និងមានឈ្មោះក្នុងបញ្ជីបោះឆ្នោត
• តែងតាំងពីគណបក្សនយោបាយដែលបានចុះបញ្ជីឈរឈ្មោះបោះឆ្នោត ។
បេក្ខជនឈរឈ្មោះឱ្យគេបោះឆ្នោតជ្រើសរើសក្រុមប្រឹក្សាឃុំសង្កាត់
• មានសញ្ជាតិខ្មែរ និងទីលំនៅក្នុងព្រះរាជាណាចក្រកម្ពុជា
• ចេះអាន និងចេះសរសេអក្សរខ្មែរ
• មានអាយុយ៉ាងតិច២៥ឆ្នាំ
• បានចុះឈ្មោះក្នុងបញ្ជីបោះឆ្នោត និង មានឈ្មោះជាសមាជិកនៃគណបក្សនយោបាយណាមួយ