កត្តាដែលជំរុញឱ្យមានបដិវត្តន៍ឩស្សាហកម្មនៅប្រទេសអង់គ្លេសគឺដោយសារ ៖ ប្រទេសនេះបានប្រមូលផលចំណេញយ៉ាងច្រើនលើសលប់ពីទីផ្សារអាណានិគម កំណើនប្រជាជនគឺជាឃ្លាំងនៃប្រភពធនធានមនុស្សសម្រាប់ជំរុញវិស័យឩស្សាហកម្មឱ្យបានលឿន ។វិស័យនេះបានទាក់ទាញប្រជាជនឱ្យធ្វើបំលាស់ទីពីជនបទមកកាន់ទទីក្រុងដែលជាមជ្ឈមណ្ឌលឩស្សាហកម្ម នៅពេលដែលប្រជាជនកើនទីក្រុងក៏រីកធំដែលនាំឱ្យមានការរីកចម្រើនថែមទៀតនៅក្នុងវិស័យវប្បធម៌ ភាពសម្បូរដោយប្រភពថាមពលក្រោមដីគឺធ្យូងថ្មដែលមានច្រើនកន្លែងនៅប្រទេសអង់គ្លេស ។ ថាមពលនេះមានតម្លៃថោក ។ គេប្រើធ្យូងថ្មសម្រាប់រំលាយដែក និងសម្រាប់ប្រើម៉ាស៊ីនចំហាយទឹក ។ ចំណែករ៉ែដែកអង់គ្លេសក៏សម្បូរណាស់ដែរ ចំពោះវិស័យកសិកម្មនៅឆ្នាំ១៨១៥ប្រទេសអង់គ្លេសបានតំឡើងពន្ធដារលើផលិតផលនៅក្នុងស្រុក ។ វិស័យដែលនាំមុខគេនៅក្នុងបដិវត្តន៍ឩស្សាហកម្មគឹវិស័យតម្បាញ រោងឩស្សាហកម្មទាំងអស់បានធានានូវការនាំចេញទៅកាន់ទីផ្សារពិភពលោកទាំងមូល ចំណែកវិស័យដែកថែបវិញក៏មានការរីកចម្រើនណាស់ដែរតាមរយៈបច្ចេកទេសគឺអង់គ្លេសបានផលិតដែកថែបនាំមុខគេ ។

បានជាមជ្ឈិមបូព៌ាក្លាយជាតំបន់ប្រកាន់សាសនាអ៉ីស្លាម ព្រោះនៅពាក់កណ្ដាលស.វទី ៧ ពួគអារ៉ាប់បានធ្វើសញ្ជ័យលើប្រទេសនានានិងជះឥទ្ធិពលខាងសម្ភារៈខាថផ្លូវចិត្តជាខ្លាំងមកលើភូមិភាគនេះ ដូចជាការផ្សព្វផ្សាយសាសនាឥស្លាម ឯកភាពកម្មបណ្ដោះអាសន្ននៃតំបន់នេះ ក្រោមត្រួតត្រានៃពួកអារ៉ាប់ ។

ចំពោះសមាជិកដែលមិនព្រមអនុវត្តតាមសេចក្តីសម្រេចរបស់ក្រុមប្រឹក្សាសន្តិសុខ អ.ស.ប មានវិធានការដូចជា ៖ ដាក់ទណ្ឌកម្មមិនប្រើកម្លាំង : • ធ្វើការពិភាក្សាតាមផ្លូវទូក • ដាក់ទណ្ឌកម្មសេដ្ឋកិច្ច (កាត់ផ្តាច់ទំនាក់ទំនងអន្តរជាតិ បិទផ្លូវគោក ឬផ្លូវអាកាស នាំឲ្យប្រទេសនោះមានវិបត្តិសេដ្ឋកិច្ច និងសង្គម ) ដាក់ទណ្ឌកម្មដោយប្រើកម្លាំង : • បញ្ជូនទ័ពមួកខៀវទៅហ៊ុមព័ន្ធ ដើម្បីគាបសង្កត់ឲ្យប្រទេសនោះទទួលលក្ខខ័ណ្ឌដែលក្រុមប្រឹក្សាបានដាក់ឲ្យអនុវត្តន៍តាម ។