ប្រសិនបើយើងជួបស្ថានភាពមនុស្សនេះ ខ្ញុំត្រូវ៖
បើគាត់មិនចូលចិត្តអ្នកណាម្នាក់ យើងមិនត្រូវស្អប់ ឬរើសអើងតបវិញទេ ព្រោះបើមានទស្សនៈផ្ទុយពីគ្នា ត្រូវពិចារណារកមូលហេតុដោយស្វែងរកភាពស្របគ្នា និងភាពផ្ទុយគ្នារវាងអ្នកទាំងពីរ រួចស្វែងរកការ សម្រុះសម្រួលដែលភាគីទាំងសងខាងអាចទទួលយកបាន។ យើងត្រូវរកវិធីឱ្យពួកគេអាចចងមិត្តភាព ដោយយោគយល់ អធ្យាស្រ័យ និងលះបង់អរិភាព នឹងគ្នាមកចងជាមិត្តភាពវិញ។

មានផលប៉ះពាល់ដូចជា៖
– បង្កើតឡើងបក្សពួកនិយម រិះគន់គ្នា នាំឱ្យបណ្ដុះ ស្មារតីអគតិចំពោះគ្នាទៅវិញទៅមក
– ធ្វើឱ្យរាំងស្ទះដល់ការសម្រេចទិសដៅនៃការងារ
– បង្កអសន្តិសុខសង្គម គំឬាមកំហែងដល់ការរស់នៅ របស់មនុស្សទូទៅ
– ធ្វើឱ្យបែកបាក់ចំណងមិត្តភាព
– អាចធ្វើឱ្យប៉ះពាល់ដល់កិត្តិយសគ្រួសារ
– ខាតបង់ប្រយោជន៍ជាច្រើន។

ខ្ញុំត្រូវ៖
– មានចិត្តស្មោះត្រង់ និងចេះជួយគ្នាក្នុងគ្រាលំបាក ឬពេលមានអាសន្ន
– ឱ្យតម្លៃគ្នា និងគោរពស្រឡាញ់លើកកិត្តិយស
– មិននិយាយភូតភរ បោកបញ្ឆោត កេងចំណេញផ្នែក កិត្តិយសដោយប្រើពាក្យបន្តុះបង្អាប់
– មិនមាក់ងាយ រើសអើង ត្មះតិះដៀលដល់ពូជពង្ស សាវតា
– មានទំនុកចិត្តគ្នាទៅវិញទៅមកប្រកបដោយភាពថ្លៃ ថ្នូរ
– រាប់អានគ្នាស្មោះត្រង់ គ្មានកលល្បិច និងលះបង់ ខ្ពស់ជួយដល់មិត្តភក្តិ
– ចេះពិភាក្សាគ្នាដោយស្ដាប់គ្នា។

មនុស្សរស់នៅមិនអាចកាត់ផ្តាច់ទំនាក់ទំនងរវាងមនុស្សម្នាក់ ទៅមនុស្សម្នាក់ទៀតបានទេ យ៉ាងហោចណាស់ក៏មានទំនាក់ទំនងជាមួយឪពុកម្តាយ បងប្អូនបង្កើត សាច់ញាតិ ឬពាក់ព័ន្ធនឹងសហគមន៍ ដែលខ្លួនរស់នៅដែរ។