• ដើម្បីឱ្យការអនុវត្តច្បាប់របស់ប្រទេសជាតិនីមួយៗកាន់តែប្រសើរ គឺត្រូវផ្ដល់សិទ្ធិសារត័ព៌មាន តុលាការ អង្គការសង្គមស៊ីវិលផ្សេងៗ ឱ្យចូលរួមកែលម្អនិងផ្ដល់អនុសាសន៍ក្នុងគោលបំណងឆ្លុះបញ្ចាំងរាល់សកម្មភាពរបស់រដ្ឋាភិបាល។

ខ្ញុំអាចរំពឹងទុកថា មេរៀននេះអាចឱ្យខ្ញុំយល់ដឹងអំពី ៖ • សេរីភាពនៃសារព័ត៌មាន • អព្យាក្រឹតភាពនៃតុលាការ • សេរីភាពក្នុងការបង្កើតគណបក្សនយោបាយ • សារៈសំខាន់ និងភារកិច្ចរបស់គណបក្សជំទាស់ក្នុងរដ្ឋសភា

លទ្ធផលនៃការបោះឆ្នោត បានបង្ហាញសំឡេងគាំទ្រពីរយ៉ាង គឺ ៖ • សំឡេងគាំទ្រច្រើន គឺសំដៅលើចំនួនសន្លឹកឆ្នោតទទួលបានច្រើនជាងគេបើប្រៀបធៀបនឹងចំនួនសន្លឹកឆ្នោតគណបក្សផ្សេងទៀត។ • សំឡេងគាំទ្រភាគច្រើន សំដៅលើចំនួនសន្លឹកឆ្នោតច្រើនជាងគេបើប្រៀបធៀបនឹងចំនួនអ្នកបោះឆ្នោតសរុប។

• អ្នកដែលមានសមត្ថភាព ជាមនុស្សដែលពោរពេញទៅដោយគុណធម៌ គិតពីឧត្ដមប្រយោជន៍ជាតិ មានប្រជាប្រិយភាព ហើយតែងទទួលបានជោគជ័យក្នុងការបោះឆ្នោត ជាតំណាងឆន្ទៈរបស់មនុស្សទូទៅ និងដើរតួនាទីយ៉ាងសំខាន់ក្នុងការដឹកនាំ។

• ការជ្រើសរើសថ្នាក់ដឹកនាំមានលក្ខណៈខុសៗគ្នា អាស្រ័យទៅលើរបបនយោបាយនៃប្រទេសនីមួយៗ។