ក្រៅពីការជួយដោះស្រាយបញ្ហាប្រជាពលរដ្ឋ ក្រុមប្រឹក្សាឃុំសង្កាត់មានតួនាទីដឹកនាំគ្រប់គ្រងរដ្ឋបាលរបស់ខ្លួនដោយធ្វើការប្រជុំយ៉ាងតិចណាស់ចំនួនមួយដងក្នុងមួយខែនៅក្នុងសាលប្រជុំរបស់ខ្លួន ឬអាចជ្រើសរើសយកទីកន្លែងណាមួយក្នុងមូលដ្ឋានរបស់ខ្លួនដើម្បីធ្វើការប្រជុំក៏បាន ក្នុងករណីចាំបាច់ក្រុមប្រឹក្សាធ្វើជាអធិបតីនៃអង្គប្រជុំ ការប្រជុំប្រព្រឹត្តទៅបានលុះត្រាតែសមជិកលើសពីពាក់កណ្ដាលនៃចំនួនសមាជិកទាំងមូល ហើយការប្រជុំនេះត្រូវធ្វើឡើងជាធារណៈនិងប្រជាធិបតេយ្យដោយធ្វើការបោះឆ្នោតអនុម័តយកសំឡេងភាគច្រើនក្នុងការធ្វើការសម្រេចលើបញ្ហាអ្វីមួយ។

បានជាអំណាចតុលាការត្រូវតែជាអំណាចឯករាជ្យ ព្រោះ ៖
-គេចង់បានភាពយុត្តិធម៌មួយពីការកាត់ក្តីដោយត្រឹមត្រូវ
-ដើម្បីការពារសិទ្ធិសេរីភាពនិងករណីយកិច្ចរបស់ប្រជាពលរដ្ឋដែលមានចែងនៅក្នុងរដ្ឋធម្មនុញ្ញ
-ដើម្បីរក្សាការពារសណ្តាប់ធ្នាប់ សន្តិសុខសាធារណៈ
-ដើម្បីរក្សាការពារ សុវត្ថិភាពផ្លូវកាយ និងផ្លូវចិត្តជូនដល់ប្រជាពលរដ្ឋ
-ដើម្បីទប់ស្កាត់មិនអោយសិទ្ធិរបស់បុគ្គលម្នាក់ប្រើហួសព្រំដែនដែលទៅរំលោភដល់សិទ្ធិអ្នកដទៃ
-ដើម្បីផ្តល់យុត្តិធម៌ដល់ប្រជារាស្រ្ត ធានាដល់ការអនុវត្តច្បាប់មានប្រសិទ្ធភាព ។ ប្រសិនបើតុលាការគ្មានឯករាជ្យសម្បត្តិធម៌ប្រជារាស្រ្តគ្មានជំនឿលើច្បាប់ ហើយប្រាកដជារិះរកមធ្យោបាយផ្ទាល់ខ្លួនដោយមិនពឹងលើច្បាប់ ដែលអាចនាំឱ្យមានបញ្ហាអស្ថិរភាពសង្គម ។

តាមមាត្រា១១៨ថ្មីនៃរដ្ឋធម្មនុញ្ញបានចែងថា គណៈរដ្ឋមន្ត្រីជារាជរដ្ឋាភិបាលនៃព្រះរាជាណាចក្រកម្ពុជា។គណៈរដ្ឋមន្ត្រីត្រូវបានដឹកនាំដោយនាយករដ្ឋមន្ត្រីមួយរូបអមដោយឩបនាយករដ្ឋមន្ត្រីព្រមទាំងមានទេសរដ្ឋមន្ត្រីនិងរដ្ឋលេខាធិការ។

រៀបរាប់ពីសមត្ថកិច្ចសមាជិករាជរដ្ឋាភិបាល មាន៖
– នាយករដ្ឋមន្ត្រី
– ឧបនាយករដ្ឋមន្ត្រី
– ទេសរដ្ឋមន្ត្រី
– រដ្ឋមន្ត្រី
– រដ្ឋលេខាធិការ
– និងអនុរដ្ឋលេខាធិការ។

ការជ្រើសរើសក្រុមប្រឹក្សារាជធានី ខេត្ត ក្រុង ស្រុក ខណ្ឌត្រូវធ្វើឡើងតាមរយៈការបោះឆ្នោតអសកលស្របតាមនីតិវីធី ដែលកំណត់ដោយច្បាប់ស្តីពីការបោះឆ្នោតជ្រើសរើសក្រុមប្រឹក្សារាជធានី ក្រុមប្រឹក្សាខេត្ត ក្រុមប្រឹក្សាក្រុង ក្រុមប្រឹក្សាស្រុក ក្រុមប្រឹក្សាខណ្ឌ។មានអាណាត្តិ៥ឆ្នាំម្តងហើយត្រូវផុតកំណត់នៅពេលក្រុមប្រឹក្សាថ្មីចូលកាន់ដំណែង។