យើងបានដឹងរួចមកហើយចំណាំងផ្លាតសូរត្រូវបានយកទៅអនុវត្តក្នុងការវាស់ជម្រៅទឺកសមុទ្រ ក្នុងការវាស់ជម្រៅសមុទ្រសូរត្រូវបានបញ្ជូនចេញពីបាតកប៉ាល់ដោយមានកំណត់ត្រារយៈពេលចាប់ផ្តើមបញ្ជូនសូរចេញយ៉ាងច្បាស់ក្រោយពីសូរដាលទៅប៉ះនឹងបាតសមុទ្រវាផ្លាតមកវិញដោយដាលមកប៉ះនឹងបាតកប៉ាល់នឹងបានកត់ត្រាច្បាស់លាស់ នូវរយៈពេលដាលត្រឡប់របស់សូរ ដោយយើងស្គាល់ល្បឿនដាលរបស់សូរក្នុងទឹកយើងអនុវត្តរូបមន្ត d=1/2 v.t (ព្រោះរយៈពេល t ជារយៈពេលដែលដាលទៅមករបស់សូរ) នោះយើងនឹងអាចគណនារកជម្រៅរបស់សមុទ្របាន។

• ប្រសិនបើចម្ងាយពីចំណុចដែលយើងចាប់ផ្តើមបង្កើតសូរទៅជញ្ជាំងតាងដោយ d តើចម្ងាយចរសរុបរវាងសូរដាលប៉ះជញ្ជាំងនិងចំណាំងផ្លាតសូរមកដល់ទីតាំងដើមវិញស្មើ 2d ។

នៅពេលដែលយើងឈរក្នុងបន្ទប់មួយបែមុខទៅរកជញ្ជាំង ហើយស្រែកឡើងយ៉ាងខ្លាំង នោះយើងនឹងលឺសូរសម្លេង នោះសងមកវិញហាក់ដូចជាជញ្ជាំងនោះស្រែកតាមយើង។ បាតុភូតនេះបណ្តាលមកពីសូរដែលយើងស្រែកនោះដាលទៅប៉ះនឹងជញ្ជាំងហើយផ្លាតមកវិញដែលយើងហៅថាចំាំណាំងផ្លាតសូរ ហើយត្រចៀករបស់យើងទទួលបាននូវសូរនោះហើយសូរនោះលាន់រណ្តំយ៉ាយូរដែលហៅថាសូរខ្ទរ។

បានជាយើងចាំបាច់និយាយដាក់មេក្រូឬគ្រឿងបំពងសម្លេងផ្សេងៗនៅពេលមានការប្រជុំមនុស្សច្រើនព្រោះយើងចាំបាច់ពង្រីកកម្រិតអាំងតង់ស៊ីតេសូរអោយធំដើម្បីមនុស្សទាំងអស់ទទួលបានសម្លេងច្បាស់ល្អគ្រប់គ្នា។

ដើម្បីថែរក្សាត្រចៀកយើងត្រូវអនុវត្តន៍ដូចជា៖
• មិនគួរស្តាប់តន្រ្តីឬសម្លេងដែលលឺខ្លាំងពេក
• សម្អាតត្រចៀកអោយមានអនាម័យល្អ
• អាចពាក់មួកគ្របត្រចៀកពេលអាកាសធាតុត្រជាក់
• មិនត្រូវយកវត្ថុរឹងទៅរុករន្ធត្រចៀក
• សម្អាតត្រចៀកអោយស្ងួតបើមានទឹកចូល