ពេលសត្វនិងរុក្ខជាតិបាត់បង់ជិវីត វាបង្កើតបានជាផូស៊ីល ។

ការបំពុលអាកាសបង្កឲ្យមានបាតុភូត កើតឡើងដូចជា៖ ភ្លៀងអាស៊ីត ស្រទាប់អូសូនស្តើង និងកំណើននៃការឡើងកម្តៅលើផែនដី ។

ផលប៉ះពាល់ ចំពោះសុខភាពប្រជាជនដែលបណ្តាលមកពីការបំពុលអាកាស ការបំពុលអាកាសមានបញ្ហាយ៉ាងធ្ងន់ធ្ងរ ដល់សុខភាពមនុស្សដូចជា ជម្ងឺ ផ្លូវដង្ហើម ជម្ងឺមហារីក បេះដូងសួតនិងជម្ងឺខួរក្បាលចំពោះកុមារ …។

រាប់ឈ្មោះនិងសរសេររូបមន្តនៃឧស្ម័នផ្ទះកញ្ចក់មានដូចជា៖ ឧស្ម័នការបូនិច្ច(CO2) មេតាន (CH4 )អាសូត (NO) ។

កត្តាដែលនាំឲ្យមានការកើនកម្តៅនៅលើភពផែនដីគឺ៖ • ការកាប់ព្រៃឈើ • កំណើនឧស្សាហកម្ម • ការប្រើប្រាស់ឥន្ធនៈផូស៊ីលមានសារធាតុបំពុល • ការអភិវឌ្ឍទីប្រជុំជននិងទីក្រុង • ចរាចរណ៍មមាញឹក…។

ដើម្បីការពារប្រភពទឹកកុំឲ្យមានការបំពុលយើងត្រូវធ្វើដូចជា៖ • មិនសង់បង្គន់ក្បែរទឹក និងប្រភពទឹក • មិនសង់ប្រព័ន្ធបង្ហូទឹក ស្អុយចូលក្នុងប្រភពទឹក • មិនចោលសំរាមផ្សេងៗទៅក្នុងទឹក • មិនប្រើប្រាស់ថ្នាំគីមី ក្នុងវិស័យកសិកម្ម • ធ្វើរបងព័ទ្ធជុំវិញប្រភពទឹកដែលប្រើប្រាស់ប្រចាំថ្ងៃ • មិននេសាទហួសកម្រិត ព្រោះត្រីក៏ធ្វើឲ្យទឹកថ្លាដែរ • ដាំដើមឈើឲ្យបានច្រើនបន្ថែមទៀត • ថែរក្សាបរិវេណជុំវិញប្រភពទឹកឲ្យមានអនាម័យ…។

ប្រភពទឹកសាបមាននៅ៖ • ក្រោមដី • នៅលើដីមានៈ ទឹកទន្លេ ស្ទឹង បឹង ជ្រោះ អូរ….។ • ទឹកកកនៅតំបន់ប៉ូលខាងជើងនិងខាងត្បូង ។

រ៉ែនិងផូស៊ីលឥន្ទនៈជា៖ • រ៉ែៈ គឺជាអង្គធាតុរឹងអសរីរាង្គកើតឡើងដោយធម្មជាតិក្នុង សំបកផែនដីមានទម្រង់ជាក្រាម ។ • ផូស៊ីលឥន្ធនៈ ការកកើតឡើងពីសំណល់រុក្ខជាតិនិងសត្វ ដែលងាប់រលួយកប់ក្នុងសំបកផែនដីរាប់លានឆ្នាំកន្លងមកហើយនិងមិនកើតឡើងវិញ ។

ផូស៊ីលឥន្ធនៈចែកចេញជា៣ ប្រភេទគឺ៖ ធ្យូងថ្ម ប្រេង ឧស្ម័នធម្មជាតិ ។

ផលប៉ះពាល់ការប្រើប្រាស់រ៉ែ ចំពោះបរិស្ថាន៖ • ការបោះបង់ដីចោល • ការស្រុតដី • ការបំពុលដី • សូរស័ព្ទ ។