ព្រះពុទ្ធសាសនាជាសាសនាដែលបង្រៀនមនុស្សឱ្យដោះស្រាយបញ្ហាតាមតម្លៃសីលធម៌តែក៏ពុំបានមើលរំលងបញ្ហាសេដ្ឋកិច្ចទេ។ ព្រះពុទ្ធសាសនាបានបង្រៀនមនុស្សឱ្យដោះស្រាយបញ្ហាដែលចោទមកលើខ្លួនឯងជាមុនដូចជាកុំរស់ក្នុងគំនិតយឺតគំនិតបណ្ដែរបណ្ដោយទុកពេលឱ្យមនុស្សក្នុងលោកធ្វើអំពើល្អតាំងអស់មុនទើបសម្រេចធ្វើតាមក្រោយ។

មាត្រា ៨ ៩ ១០ និង១១ ជនគ្រប់រូបទទួលបាននូវសិទ្ធិសន្តិសុខសង្គម ព្រមទាំងមានការធានារ៉ាប់រងពីសង្គម។ បុរស និងស្រ្តីមានសិទ្ធិក្នុងអាពាហ៍ពិពាហ៍ និងក្នុងការកសាងគ្រួសារ។ ស្រ្តីមានសិទ្ធិសម្រាកលំហែមាតុភាព និងក្រោយពេលសម្រាលដោយមានប្រាក់ខែ។ សុខភាពមាតា និងទារកសុខភាពសង្គមណិងសេវាសុខាភិបាលត្រូវបានរដ្ឋធានា។ កុមារមិនត្រូវបានគេធ្វើបាប កេងប្រវ័ញ្ច ឬប្រើឱ្យធ្វើការក្រោមអាយុកំណត់ឡើយ។ មនុស្សគ្រប់រូបមានសិទ្ធិទទួលបាននូវកម្រិតជិវភាពគ្រប់គ្រាន់សម្រាប់ឱ្យខ្លួន និងគ្រួសាររួមមានចំណីអាហារ សំលៀកបំពាក់ និងទីលំនៅសមរម្យ និងស្របច្បាប់។

មាត្រា ១ ២ ប្រជាជតិទាំងអស់មានសិទ្ធិចាត់ចែងដោយនូវភោគទ្រព្យសម្បត្តិធម្មជាតិរបស់ខ្លួន និងប្រើប្រាស់ជាអតិបរិមានូវធនធានដែលខ្លួនមានសម្រាប់ធ្វើឱ្យមានការរីកចម្រើន ដោយមិនធ្វើឱ្យប៉ះពាល់ដល់កាតព្វកិច្ចដែលចេញពីការសហប្រតិបត្ដិការអន្តរជាតិដែលផ្អែកលើគោលការណ៍នៃច្បាប់អន្តរជាតិ។ គ្មានករណីណាមួយដែលប្រជាជាតិនីមួយៗត្រូវបានគេដកហូតមធ្យាបាយផ្ទាល់ខ្លួនសម្រាប់ចិញ្ចឹមជីវិតនោះឡើយ។

កតិសញ្ញាអន្តរជាតិស្ដីពីសិទ្ធិមនុស្ស សេដ្ឋកិច្ច និងវប្បធម៌ត្រូវបានរដ្ឋភាគីនីមួយៗទទួលយកដើម្បីអនុវត្តនៅក្នុងរង្វង់អធិបតេយ្យរបស់ខ្លួន។