មានវិធីច្រើនណាស់ ដើម្បីការបន្ថយការប្រើប្រាស់សុរា និងការបារី។ វាត្រូវផ្ដើមចេញពីយើងម្នាក់ៗនៅក្នុងសហគមន៍ ដែលត្រូវ
– បដិសេធមិនភ្លក្ស ឬសាកល្បងផឹកសុរា និងជក់បារី
– បោះបង់ចោលផ្នត់គំនិត “មានសុរាទើបសប្បាយ” ឬ “ជក់បារីទើបអាចដោះស្រាយបញ្ហាបាន”
– បញ្ចេញអារម្មណ៍មិនពេញចិត្តចំពោះអ្នកសេពសុរា និងជក់បារី
– ជួយអប់រំដល់ពលរដ្ឋផ្សេងៗនៅក្នុងសហគមន៍
– បញ្ឈប់ការផ្សព្វផ្សាយពាណិជ្ជកម្មសុរា និងបារីតាមគ្រប់ប្រព័ន្ធផ្សព្វផ្សាយ
– អប់រំពីផលអាក្រក់របស់សុរា និងបារីឱ្យបានទូលំទូលាយ
– តម្លើងពន្ធការនាំចូលសមាសធាតុផ្សំរបស់សុរា និងបារី
– ផាកពិន័យអ្នកសេពសុរា និងជក់បារីនៅតាមទីសាធារណៈ

នៅជិតផ្ទះខ្ញុំមានពូម្នាក់គាត់សេពសុរាជាប្រចាំ។ ខ្ញុំសង្កេតឃើញថាមានផលអាក្រក់ជាច្រើនដល់គាត់ និងគ្រួសារ៖
– ខាតបង់ប្រាក់សម្រាប់ទិញសុរា
– អាចកើតមានអំពើហិង្សាក្នុងគ្រួសារ
– បាត់បង់សុភមង្គលក្នុងគ្រួសារ
– ការសិក្សារបស់កូនធ្លាក់ចុះ ឬអាចនឹងឈប់រៀន
– ជីវភាពក្រីក្រ
– អាចផ្ដល់ជាគំរូអាក្រក់ដល់កូន
– ក្លាយជាមនុស្សរង្វេងស្មារតី(ឆ្គួត)

ចម្លើយ៖ ជាក់ស្ដែង
ដំបូងឡើយបារីមិនទាន់មានក្រុមហ៊ុននាំចូលមកនោះទេ ចាស់ៗបុរាណបានផ្សំបារីឡើងពីស្លឹកសង្កែរ និងថ្នាំជក់។ គាត់បានយកថ្នាំជក់មករុំនឹងស្លឹកសង្កែ ដែលគេហៅថា បារីស្លឹកសង្កែ។ ក្រោយមក គេបានយកថ្នាំជក់មករុំនឹងក្រដាសម្ដង ត្រូវបានគេហៅថា បារីថ្នាំខ្លាំង។

វិធីមួយចំនួនដើម្បីចៀសវាងការសេពសុរានិងបារីមាន៖
– ការបដិសេធមិនភ្លក្ស ឬសាកល្បងផឹកស្រា និងជក់បារី
– ការបោះបង់ចោលទម្លាប់ទទួលភ្ញៀវដោយសុរានិងបារី
– ការគេចចេញពីកន្លែងមានផ្សែងបារី ឬមិននៅជិតអ្នកផឹកស្រា ជក់បារី
– ការបង្ហាញជាគំរូល្អដល់មិត្តភក្ដិ បងប្អូន ឪពុកម្ដាយធ្វើជាគំរូល្អដល់កូន ព្រោះកូនដែលមានឪពុកម្ដាយផឹកស្រា ជក់បារី ភាគច្រើនគេតែងរៀនផឹកស្រា និងជក់បារីដែរ
– ការរាប់អានមិត្តភក្ដិមិនចេះផឹកស្រា និងជក់បារីឱ្យបានច្រើន
– ការបញ្ឈប់ការផ្សព្វផ្សាយពាណិជ្ជកម្មសុរា និងបារីតាមប្រព័ន្ធផ្សព្វផ្សាយគ្រប់ប្រភេទ