ក្រោយឆ្នាំ ១៩៧៩ ក្រុមប្រឹក្សារណសិរ្សសាមគ្គីសង្គ្រោះ ជាតិកម្ពុជា បានយកចិត្តទុកដាក់ផ្ដួចផ្ដើមរៀបចំពុទ្ធសាសនាឱ្យមានអត្ថិភាពឡើងវិញ ដោយបានផ្តល់លទ្ធភាពឱ្យអតីតបុព្វជិតបានបួសបន្តជីវិតពុទ្ធសាសនាជាថ្មីម្តងទៀត។ ចាប់ពីពេលនោះមក ក្រុមប្រឹក្សារណសិរ្សសាមគ្គីសង្គ្រោះជាតិកម្ពុជា ជាអ្នកដឹកនាំគ្រប់គ្រង ដោយមាននាយកដ្ឋានសាសនាជាសេនាធិការក្នុងការអនុវត្តគោលនយោបាយចំពោះសាសនា។