General Knowledge

ប្រព័ន្ធស្វ័យប្រវត្តិកម្មរបស់ក្រសួងសាធារណការ និងដឹកជញ្ជូនមាន៖ ការបញ្ជាទិញលេខរថយន្ត (ស្លាកលេខ) ការចុះបញ្ជីយានយន្ដ(ធ្វើកាតគ្រី) ត្រួតពិនិត្យលក្ខណៈយានជិនះ(ឈៀក) ប្រឡងនិងចេញប័ណ្ណបើកបរយានយន្ដ (ពាក់មី) រួមជាកម្មវិធីលើទូរស័ទ្ធស្មាតហ្វូន (Apps)ដើម្បីយល់ដឹងពីទ្រឹស្ដីបើកបន្ថែមទៀត។ ប្រព័ន្ធស្វ័យប្រវត្តិកម្មមានប្រយោជន៍ចំពោះប្រជាពលរដ្ឋជាច្រើនជា៖ • កាត់បន្ថយនីតិវិធីស្មុគស្មាញក្នុងអនុវិស័យដឹកជញ្ជូនផ្លូវគោក • ចំណេញពេលវេលា មិនចាប់រងចាំយូរ • កាត់បន្ថយចំណាយក្រៅផ្លូវការ • កាត់បន្ថយរយៈពេលដាក់ស្នើសុំឯកសារ។

ប្រទេសសៀមបានប្តូរឈ្មោះមកជា ថៃឡង់ដ៍នៅឆ្នាំ១៩៣២ ។ ដោយសារនៅថ្ងៃទី ២៤ ខែមិថុនា ១៩៣២ ជនបង្កប់នៅក្នុងជួរយោធានិងការិយាល័យជាន់ខ្ពស់បាន ក្រោកឈរឡើងធ្វើរដ្ឋប្រហារលើរបបរាជានិយមផ្តាច់ការ ហើយព្រះចៅ ប្រាយ៉ាហិប៉ុក បានបង្ខំចិត្តទទួលយករដ្ឋធម្មនុញ្ញថ្មីនិងបានប្តូរឈ្មោះប្រទេសជារាជាណាចក្រថៃឡង់ដ៍ ។

ការរីកចម្រើនខាងវិស័យសេដ្ឋកិច្ចនៅអាឡឺម៉ង់ខាងលិចអាស្រ័យលើកកត្ដាអនុគ្រោះមួយចំនួនដូចជា ៖ • តំបន់ធ្យូងថ្មដ៏ធំរបស់ប្រទេសអាឡឺម៉ង់ហើយក៏ជាប្រភពថាមពលសម្រាប់ រោងចក្រធំៗដូចជារោងចក្រស្លដែកជាដើម • ការសម្បូរហត្ថករដែលមានការប្រាក់កំរ៉ៃថោកជាពិសេសជនភៀសខ្លួនមកពីអាឡឺម៉ង់ • ខាងកើតនិងអឺរ៉ុបប៉ែកខាងត្បូង ដែលមានក្រិកយូហ្គោស្លាវី និងតួកគីជាដើម ។

នៅពាក់កណ្តាលស.វទី១៩ នៅអឺរ៉ុបខាងលិចបានរកឃើញលទ្ធិថ្មីមួយទៀតគឺ លទ្ធិសង្គមនិយម ។ លទ្ធិនេះអនុវត្តនៅឆ្នាំ ១៩១៧ ដោយលោក លេនីន ។

កុមារប្រភេទដែលត្រូវការនូវកិច្ចការពារពិសេស និងបន្ទាន់គឺ • កុមារកំព្រា អនាថា ឬក្រីក្របំផុតដែលងាយរងគ្រោះ • កុមារដែលទទួលការរំលោភបំពានឬការកែងប្រវ័ញ្ចផ្លូវភេទ • កុមារដែលធ្វើពលកម្មធ្ងន់ធ្ងរ • កុមារជាជនភៀសខ្លួន • កុមារដែលទទួលរងនូវអំពើហិង្សាក្នុងគ្រួសារ • កុមារពិការ(កុមារពិការភ្នែកគថ្លង់ពិការអាវៈយវៈ ពិការខួរក្បាលនិងកុមារបាត់បង់សមត្ថភាពមួយចំនួនទៀត ) • កុមារជាជនជាតិភាគតិច • កុមារដែលមានជម្ងឺអេដស៍ • កុមារដែលមានបញ្ហា ឬទំនាស់ផ្នែកច្បាប់ ។

នៅអ៊ីតាលីប្រធានាធិបតីមានសិទ្ធិដូចជា ៖ • តែងតាំងនាយករដ្ឋមន្ដ្រី • រំលាយសភាហើយរៀលចំការបោះឆ្នោតជាថ្មីឡើងវិញ ។ • ជាមេបញ្ជាការជាន់ខ្ពស់កងទ័ពាជាតិព្រមទាំងប្រកាសសង្រ្គាម ។

អាណានិគមអេស្ប៉ាញបានបន្សល់ទុកបញ្ហាឲ្យប្រទេសភីលីពីនដូចជា ៖ • ឲ្យមានការបែងចែកសាសនារវាងខាងជើង និងខាងត្បូង • ចេញច្បាប់ឲ្យមានកម្មសិទ្ធិដីធ្លីដែលធ្វើឲ្យសង្ឃកាតូលិកក្លាយជាម្ចាស់ដី • ការបង្កើតឲ្យមានល្បាយពូជសាសន៍ក្នុងប្រទេសភីលីពីន ។ សហរដ្ឋអាមេរិកបានជួយដល់ប្រទេសភីលីពីន ៖ • អភិវឌ្ឍវិស័យអប់រំ សុខាភិបាល • ផ្សព្វផ្សាយលទ្ធិប្រជាធិបតេយ្យ ។

សម្បត្តិវប្បធម៌រូបីរបស់ខ្មែរ ដែលបានដាក់បញ្ចូលក្នុងបញ្ជីបេតិកភណ្ឌពិភពលោកមានដូចជា៖ • ប្រាសាទអង្គរវត្តថ្ងៃទី១៤ ខែ ធ្នូ ឆ្នាំ១៩៩២ • ប្រាសាទព្រះវិហារ ថ្ងៃទី៧ ខែកក្កដា ឆ្នាំ ២០០៨ • តំបន់ប្រាសាទសំបូរព្រៃគុកថ្ងៃទី៨ ខែ កក្កដា ឆ្នាំ ២០១៧ ។

លោកប្រធានាធិបតីស៊ីស្ការដេស្ដាំង បានធ្វើកំណែទម្រង់ដូចជា ៖ • សិទ្ធិពលរដ្ឋក្នុងការបោះឆ្នោតចាប់ពីអាយុ ១៨ឆ្នាំឡើងទៅ ។ • ផ្ដល់ស្វ័យយ័តភាពដល់ទីក្រុងប៉ារីសក្នុងបោះឆ្នោតជ្រើសរើសចៅចៅហ្វាយក្រុងជាលើកដំបូង ។ • ការផ្ដល់ឯករាជ្យភាពដល់ប្រពន្ធព័ត៌មានដូចជា វិទ្យុនិងទូរទស្សន៍ជាដើម ។ • ការតម្លើងពន្ធដារទៅលើដីធ្លីនិងអចលនវត្ថុ ។ • បើកចំហឪ្យមានការលក់ដូរដោយសេរីនូវថ្នាំឬឪសថពន្យាកំណើត ។

កត្តាដែលជាប្រភពជំរុញឪ្យមានការកសាងប្រព័ន្ធដឹកនាំពិភពលោកតែមួយ ( សកលភាវូនីយកម្ម ) មានដូចតទៅ ៖ • កម្លាំចលករនៃប្រព័ន្ធសេដ្ឋកិច្ចសកលលោកដែលជំរុញឪ្យកាន់តែលេចឡើងនូវអស្ថិរភាពនិងផលវិបាកចំពោះបញ្ហាផ្ទៃប្រទេស និងទំនាក់ទំនងរវាងប្រទេសលើសកលលោក។ នេះជាសញ្ញាមួយទាមទារឪ្យរិះរកការបង្កើតប្រព័ន្ធថ្មីមួយប្រកបដោយប្រសិទ្ធភាព • កំណើនយ៉ាងខ្លាំងនូវបំណល់ប្ដូរទីកន្លែងរស់នៅរបស់ប្រជាពលរដ្ឋនៅលើសកលលោក • ការរីកចម្រើនយ៉ាងខ្លាំងនូវប្រព័ន្ធទំនាកទំនងទូរគមនាគមន៍អន្ដរជាតិ • ការរីកសាយភាពយ៉ាងខ្លាំងនូវបច្ចេកវិទ្យាយោធាទំនើបដែលជានិច្ចកាលបានក្លាយជាឧបករណ៍បយោបាយសកលលោក ។ • បញ្ហារួមជាច្រើនបានកើតឡើងដែលទារទារឪ្យដែលមានការសម្រេចចិត្តដោះស្រាយបញ្ហាទាំងនេះតាមរយៈថ្នាក់ដឹកនាំរដ្ឋាភិបាល អង្គការអន្ដរជាតិ សហគមន៍អន្ដរជាតិជាដើម ។