General Knowledge

សេដ្ឋកិច្ចអាឡឺម៉ង់ខាងកើតពឹងផ្អែកលើ ៖ • វិស័យឧស្សាហកម្ម • វិស័យកសិកម្ម • វិស័យពាណិជ្ជកម្ម ។

លោកប្រេស្នែវ បានជួយអភិវឌ្ឍន៍សង្គមនិងសេដ្ឋកិច្ចសហភាពសូវៀតដូចជា ៖ លោកបានខិតខំដោះស្រាយវិបត្តិដែលកើតមាននៅក្នុងសហភាពសូវៀតដោយអនុវត្តផែនការ៥លើកទី១១ ប៉ុន្តែលទ្ធផលសេដ្ឋកិច្ចទទួលបានតិចតួចមិនអស់ពី៣.៥%។ ដើម្បីបំពេញនូវការខាតបង់នៃជញ្ជិងពាណិជ្ជកម្មសូវៀតបានបង្កើតការនាំចេញនូវឧស្ម័នធម្មជាតិនិងប្រេងកាតដែលមានតម្លៃរហូតដល់១២ពាន់លានដុល្លាអាមេរិចក្នុងមួយឆ្នាំ។ ចំណែកឯវិស័យសង្គមវិញលោកបានបន្ធូបន្ថយនូវការបង្រ្កាបខ្លះៗចំពោះអ្នកដែលរិះគន់មកលើអ្នកនយោបាយហើយបាននិរទេសអ្នកដែលរិះគន់ទៅតំបន់ឆ្ងាយដោយមិនចាប់ដាក់គុកដូចរបបស្តាលីននោះទេ។

លក្ខណៈពិសេសទៅដែលនៅអាចអោយគណៈកម្មាធិការបេតិភណ្ឌសម្រេចដាក់បញ្ចូលប្រាសាទសំបូរព្រៃគុកជាសម្បត្តិបេតិភ័ណ្ឌពិភពលោកដោយផ្អែកលើលក្ខណៈពិសេស៣ សំខាន់ៗគឺ ៖ • តម្លៃនៃវប្បធម៌ និងប្រវិត្តសាស្រ្ត • តម្លៃនៃសិល្បៈ និងសាប្ថត្យកម្ម • តម្លៃជាសកលរបស់មនុស្សជាតិ។

មុនពេលរដ្ឋប្រហារអ្នកអង្គម្ចាស់ ស៊ីសុវត្ថិសិរីមតៈ និងសហសេវិករបស់ទ្រង់បានធ្វើសកម្មភាព ៖ • បានចាប់ផ្តើមធ្វើការឃុបឃិតធ្វើផែនការក្បត់នឹងសម្ដេច នរោត្តម សីហនុ • ខិតខំរៀបចំសណ្ដាប់ធ្នាប់សាធារណៈនៅក្នុងប្រទេសដូចជាបិទកាស៊ីណូបង្កើតសេវាសាធារណៈនិងឯកជនវូបនីយកម្មធនាគារជាដើម។

ប្រាសាទសំបូរព្រៃគុក បានកសាងឡើងដោយព្រះបាទឥសានវ័រ្មន៍ទី១។ រាជធានីមានឈ្មោះថា ឥសានបុរៈ។

ចំណាត់ថ្នាក់នៃតម្លៃរបស់មនុស្សមាន៖ • តម្លៃជីវសាស្ត្រៈ ទាក់ទងនឹងជីវិត ហេតុការណ៍ជីវសាស្ត្រ • តម្លៃសេដ្ឋកិច្ចៈ ទាក់ទង និងវត្ថុសម្ភារដែលគេប្រើ ឬផ្លាស់ប្តូរទំនិញ និងសេវាកម្ម (ប្រាក់កាស សម្ភារ)។ • តម្លៃឥទ្ធិពលៈ ការជួបប្រទៈនឹងបទពិសោធន៍ផ្សេងៗ។ (រឿងល្ខោន ការរំភើប) • តម្លៃសង្គមៈ ទំនាក់ទំនងសហប្រតិបត្តិការ ការប្រគួត (អំណាច ឋានៈ) • ការចង់ចេះចង់ដឹង ប្រកបដោយសុភវិនិច្ឆ័យ និងការប្រើប្រាស់ស្មារតីប្រកបដោយបញ្ញា។ • តម្លៃសោភ័ណ្ឌៈ ការសរសើរដោយមិនលំអៀងចំពោះសោភ័ណភាពនិងសិល្បៈ

សញ្ញាណដែលមាន័យស្រដៀងនឹងគុណធម៌មានដូចជា៖ • សុក្រឹតភាពៈ គឺលក្ខណៈនៃអ្វីដែលប្រជុំគ្រប់គុណសម្បត្តិដែលពុំលាយឡំនឹងគុណវិបត្តិ។ • គុណូបការ គឺជាតម្លៃពិសេស តម្លៃវិជ្ជាជីវៈនៃបុគ្គលនីមួយៗ ឬតម្លៃនៃស្នាដៃនីមួយៗ។

ប្រទេសឥណ្ឌាប្រកាន់យករបបគ្រប់គ្រងប្រទេសជាសាធារណៈរដ្ឋសេរី បែបសហព័ន្ធនិយម ។

ពីមុនអង់គ្លេសនិងសហភាពសូវៀតជាដៃគូនឹងគ្នាចុះបានជាប្រទេសអង់គ្លេសក្លាយជាដៃគូប្រឆាំងនឹងសហភាពសូវៀតវិញគឺដោយសារតែប្រទេសអង់គ្លេសមានគំនិតប្រឆាំងនឹងកុំមុយនីស្ដ ។ ពេលនេះលោក ឆឺឈីល បានថ្លែងនៅហ្វុលតុនថាពេលនេះវាំងននដែកបានបែងចែកទ្វីបអឺរ៉ុបជាពីរគឺអឺរ៉ុបខាងលិចនិងអឺរ៉ុបខាងកើត ។

នៅឆ្នាំ ១៩៤៨ ដើម្បីសងសឹកនឹងក្រុមសម័្ពន្ធមិត្តសហភាពសូរៀតបានប្រើវិធានការសងសឹកដូចជា ៖ • បិទច្រកចូលច្រកចេញក្រុងប៊ែកឡាំងខាងលិច ។ • កាត់ផ្ដាច់ភ្លើងអគ្គិសនី និងតម្រូវការចាំបាច់សម្រាប់ជីវភាពប្រចាំថ្ងៃ ។