General Knowledge

មនុស្សមានទំនោរច្រើនជាងសត្វ ព្រោះធម្មជាតិរបស់មនុស្សគឺសាំញាំជាងសត្វ។ មនុស្សជាសភាវគតិ ជាភាវរស់និងជាភាវសង្គមទៀតផង។ ទំនោររបស់បុគ្គលត្រូវទទួលឥទ្ធិពលពីសង្គមដោយដំណើរការសំខាន់បីយ៉ាងគឺសង្គមនីយកម្ម ការស្មុគស្មាញ និងចិត្តកម្ម។ ដូចនេះហើយបានជាគេសង្គេតឃើញមនុស្សមានទំនោរជាចង្កោមសាំញាំច្រើនជាងសត្វ។

សីលញាណហាក់ដូចជាតែងតែមានបម្រែបម្រួល ហើយសីលតម្លៃគ្មានអ្វីជាដាច់ខាតនោះទេព្រោះការវិនិច្ឆ័យទៅលើកុសល និងអកុសលផ្លាស់ប្តូរទៅតាមពេលវេលា និងទីកន្លែង។ អ្នកសីលវិជ្ជាអង់គ្លេសទោះជាកាន់វិន័យតឹងរ៉ឹងយ៉ាងណាក៏ដោយ ក៏អាចបរិភោគសាច់គោរ៉ូទីដោយគ្មានវិប្បដិសារី ចំណែកពួកហិណ្ឌូវិញ ការបរិភោគសាច់គោនេះជាបាបកម្មធ្ងន់ធ្ងរណាស់។

ប្រទេសឥណ្ឌាជួបនឹងបញ្ហាជាច្រើនដូចជា ៖ • បញ្ហាភាពក្រីក្រ • បញ្ហាចិញ្ចឹមប្រជាជនដ៏ច្រើន • បញ្ហាជម្លោះដែនដីដែលបន្សល់ទុកដោយពួកអាណានិគមអង់គ្លេស (រដ្ឋកាស្មៀ) • បញ្ហាជម្លោះជនជាតិ (ពួកហិណ្ឌូនិងអ៊ីស្លាម) ។

គិតដល់ឆ្នាំ ១៩៩៩ សមាគមអាស៊ានមានប្រទេសចំនួន ១០ ជាសមាជិក ។

សីលធម៌សកលនៅត្រូវបានសាស្ត្រាចារ្យ ហាន្យ គុង បង្ហាញឱ្យស្គាល់នៅក្នុងឆ្នាំ១៩៩៣តែវាមិនមែនជាបង្កើតថ្មីទេ គឺគ្រាន់តែជារបកគំហើញនៃគោលការណ៍រួមដែលមានអាយុស្មើនឹងកំណើត មនុស្សជាតិដែរ។ នៅពេលដែលសកលលោកកំពុងស្ថិតក្នុងសកលភាវូបនីយកម្មធ្វើឱ្យមាននូវបញ្ហាសីលធម៌ បញ្ហាបរិស្ថាន និងបញ្ហាសង្គមជាច្រើនរាប់មិនអស់ដែលត្រូវការចាំបាច់នូវសកលភាវូនីយកម្មនៃសីលធម៌រួម និងគំរូសីលធម៌ឬនិយាយឱ្យខ្លីថាសីលធម៌សកលដើម្បីសង្គ្រោះជីវិតមនុស្សបច្ចុប្បន្ន និងកូនចៅជំនាន់ក្រោយទៀតឱ្យរស់នៅបានសមរម្យ និងយូរអង្វែង។ សីលធម៌សកលត្រូវបានគេទទួលយកចាប់តាំងពីមានសេចក្តីប្រកាសអំពីសីលធម៌សកលដោយសភានៃសាសនាពិភពលោកកាលពីថ្ងៃទី៤ ខែកញ្ញា ឆ្នាំ ១៩៩៣ មកម្លេះ។

កតិកាសញ្ញាអន្តរជាតិស្តីពីសិទ្ធិសេដ្ឋកិច្ច សង្គម វប្បធម៌ គឺជាកតិកាសញ្ញាដែលធានាឱ្យមនុស្សជាតិទទួលបាននូវសិទ្ធិ សេដ្ឋកិច្ច សង្គមកិច្ច និងវប្បធម៌ដ៏ពេលលេញតាមដែលអាចធ្វើបានព្រមទាំងទទួលសេចក្តីថ្លៃថ្នូរជាប់ពីកំណើត និងការទទួលស្គាល់សិទ្ធិស្មើ គ្នាដោយមិនអាចដកហូត ឬផ្ទេរបានឡើយ។

ក្រុមសាមគ្គីបបង្កបង្កើនផលបង្កើតឡើងនៅឆ្នាំ ១៩៧៩ ។ គោលការណ៍បែងចែកផលគឺ ក្រុមសាមគ្គីបង្កបង្កើនផលត្រូវបែងចែកកម្លាំងជាបីប្រភេទ “ធ្វើតាមកម្លាំងពលកម្មនឹងទទួលផលតាមកម្លាំងពលកម្ម” ។ • កម្លាំងទី១ ឬកម្លាំងពេញ ៖ មានបុរស ស្រ្តី យុវជន និងអ្នកកាន់នង្គ័ល • កម្លាំងទី២ ឬកម្លាំងមធ្យម ៖ មានកុមារជំទង់ និងគោ ក្របី • កម្លាំងទី៣ ឬកម្លាំងខ្សោយ ៖ មានចាស់ជរានិងកុមារតូចៗ ។

សេដ្ឋកិច្ចអាឡឺម៉ង់ខាងកើតពឹងផ្អែកលើ វិស័យឧស្សាហកម្ម វិស័យកសិកម្ម និងវិស័យពាណិជ្ជកម្ម ។

• SNC ជាក្រុមប្រឹក្សាជាតិជាន់កម្ពុជា • បង្កើតនៅថ្ងៃទី១០ ខែ កញ្ញា ឆ្នាំ ១៩៩០នៅទីក្រុងប៉ារីស • សម្ដេចនរោត្តមសីហនុជាប្រធាន និងសហប្រធានគឺប្រទេសបារាំង និងឥណ្ឌូណេស៊ី • មានសមាជិក១២រូបគឺ៦ រូបមកពីចលនាតស៊ូ និង៦ រូបទៀតមកពីរដ្ឋកម្ពុជា • មានការប្រជុំ៦លើក គឺនៅថៃ២លើក បារាំង អាមេរិក ឥណ្ឌូណេស៊ី និងចិន ។

តាមទ្រស្តី ម៉ុនរ៉ូ សហរដ្ឋអាមេរិកបាន ៖ • ពង្រីកអាណានិគមនៅតំបន់អាមេរិកកណ្តាល និងអាមេរិកខាងត្បូង • ដាក់អាណានិគមលើទ្វីបអាស៊ី • នៅឆ្នាំ ១៨៩៨ ប្រធានាធិបតី គ្លីវឺឡិន បានប្រកាសសង្រ្គាមជាមួយនឹងអេស្ប៉ាញ ដើម្បីដណ្តើមប្រទេសភីលីពីននិងប្រទេសគុយបាព្រមទាំងដណ្តើមយកកោះព័រតូរីកូ និងកោះហ្គាមនៅក្នុងលំហមហាសមុទ្រប៉ាស៊ីភិច • នៅខែតុលា ឆ្នាំ ១៩៨៣ សហរដ្ឋអាមេរិកបានលើកទ័ពចូល ។